Maturaball, wie s imma woa
An alle, de kan Maturaball hom diafn unso: sorry. I moch des da Nostalgie zwegn und bitte bitte bitte seids nix grantig. Da eigene Maturaball is e nie sooo witzig wie jeda ondre, weil de Prebibere-Stories vü bessa ausfolln. Also bei uns woa des so, doss de ob 15/16 JEDN Ball gongen bist. In Spittal woan des glab i 3 im Herbst, an im Winta (den fost kana gongen is, weil im kurzen Kleid draußn umahupfn is lei so semi geil) donn ana noch so im frühling oda sommer wos knopp woa bei de nachprüfugnen haaahahahaha.
I wü Alkohol nit verharmlosen und bitte aufpassen beim Trinken. Alkohol is a Suchtmittel.
Kema erst mol redn, wie scheiß teia des schon imma woa? 15 Euro MINDESTENS fia a Eintrittskoatn, a Kleid konnst a nit 4 x onziagn, da Alk bezahlt sich nit von selba und PROPS imma on denjenigen, der des Taxigeld mitnehmen hot miasn. Von Millstatt noch Kolbnitz hot es Taxi zb mindestens 60 Euro gekostet und bei ana Entleerung des Magens noch mal 100 Euro plus. Sprich: Derjenige hot mega vü Bargeld umaschleppen miasn. Damals woan nämlich 30 Euro schon des Taschengeld fia an Monat. donn host 3 mol an Ball innerhalb von 12 Wochn- NA SERVAS.
Prebibere
Vorm Fuatngehn is fost witziga als es Fuatgehn. Bei an Ball muas Kleidl sitzn, de Hoa passn und es Makeup deaf FANCY sein. Highlighter? Tua mehr aufe als du glabst. Rotn Lippenstift? MEGA IDEE, wennst 4 Liter Getränke danoch eineschittest. Strumpfhosn kafst glei 4re weil alan bis zum Taxi is de dritte schon hin. Olta i was noch, wie teia Strumpfhosn ma vuakemen sein, dabei sein de 3 Euro a nix mehr ahhahaha. Bei Vuatrinkn also Prebibere, hot man in Tupperflaschen den hochprozentigen Alk eingeschleppt ins Elternhaus der Vortrink-Gastgeberin. Weil offiziell hot man sich zu 23 nämlich 2 Floschn Litschi-Sekt (WÜRG) geteilt. und donn brav malibuorange aus da trinkfloschn gepipplt. Highlight: De Mutter, de am nächsten Tog de floschn auswoscht und sich denkt, wos fa gsüff do drinn woa. Man schminkt sich guat 3 Stund, damit des Makeup nit amol bis zur Mitternachtseinlage guat ausschaug. De Lockn fetzt man sich eine und de vatschüssn sich schnella als der Ex, der di in da Disko sig. Oba es woa imma a gaude es herrichtn. Obwohl man sich danoch am Ball direkt e nerma gsegn hot ahahah. wenn wer bei wem gschlofn hot, woa des meistens donn e nit da foll. aus verschiedenen gründen.
Schmusarein
Snapchat woa bei uns noch nit amol so a hit, dennoch homa alle schon so de gspusis ghabt, mit denen man ausgmacht hat, am ball ans zu zwitschan. Natürlich lodet er imma auf a wodka Energy ein und wir trinkn olles außa wodka Energy. Oba do schmeckn de Küsse danoch wenigstens holb so beschissen. I LIEBS, wenn man bei da Disko Leit schmusn sig wo sie noch 3-4 Sekunden de Augenaufreist und sich wegdruckt und donn anfoch geht. Dann am besten ihr nochlafn aufs Klo wo se laut brüllt, doss der Kerl den waschmaschinengong drei stufen zhoch gstellt hat. Dann werde Jungs geküsst, de goanit fia an bestimmt sein und donn kimt de eigentliche Loverin daher und klescht da ane ODA spuckt di on. (in zeiten von Corona is des erste sogoa sicherer). Klassiker sein a de Schmustiger, de im ersten Stock mit wem schmusn und im nächsten wieda mit wem ondan. Als Paarle auf an Ball is gonz a ondres game: als Single bist noch bei „Angel“ und „I am from austria“ in da Disko und suachst da schon an weg, wie de weitatrinken konnst. Als Paarle sogst noch da Mitternachtseinlage Baba und gehts ham Cornflakes essen und sexln. Wos damals bisi lässiger woa: de damaligen Handys woan bisi longsoma als de heitigen Modelle, sprich wenn wer zwa Schmustiga filmen wollt, hot es des steckende Handy meist nit zuaglossn. Aussadem: Tuats sowos nit.
Fotobomb
Ach, diese Fotoecken woan noch da Polonaise bis Mitternacht imma VOLL BELIEBT. und donn uma 3.30 genau do, wo da Fotograf zommpockn wü, sein nochmol olle tamisch noch fotos. Natürlich ham da de Maturanten mit Familien Vorrang. Natürlich is Sarkasmus, weil de bsoffenen Jugendlichen glaben, se sein wichtiga als de Oma und da Onkel. Göttlich woan jo a donn de Leit, de sich zu den Familien dazuagstellt haben. Und donn joare später frog sich jeda, wer der Kerl mitn Schnauza woa. Am Tag, wo de Fotos online kemen, hot man amol gmerkt: weniger wa doch gscheida. Wenn da Blitz dei helles Puder nimmt um di zu an Geist mochn, host übatrieben. Oda da Contourstrafn schaug aus wie a Kackspur. Wos ma aufgfolln is?? Man hot mit JEDN a Foto, außa mitn bestn freind oda da Freindin, de man heit noch mog. Oba haupsoch mit dem Girl, mit dem man in da 3. Klass zomm zum Bohnhof gongen is oda dem Bua, der da a Pizzastickl in da Pause am 23.4 2012 gekaft hot. WOW SUPA.
DA TOG DANOCH
Bessa gsog da Montog drauf is am bestn glei daham bleiben. Wennst mit wem gschmust host, kimst ins Kreizverhör. Wenn de gspiebn host, kimmst ins Kreizverhör. Wenn de mit wem gredet host, der vagebn is, kimst ins Kreizverhör. Vorm Ball is nachn Ball, weil man JEDE Minute eruieren muas. Wie hot der X ausgschaug. warum hot de z gebleat. mit wem hot da i de a betrogn.
Also am Maturaball gehts imma um olles, außa um de Polonaise und de Maturanten selber. Sorry is so. Niemand schaug de Polonaise komplett nüchtern on und begrüßt donn de Maturanten, sitzt zum Tisch und geht noch da Mittanochtseinlog ham. Maturaball is eigentlich zum socialisen do und a guata grund, warum man de mathetest de wochn drauf vasemmlt.
Oba wir lieben maturabälle.
Es tuat ma jetzt schon lad, on olle Maturanten aus Spittal: sobald da nächste Maturaball stattfinden derf, werd i mi do sowos von feiern lossn und de Nostalgie spian. Natürlich mit Verantwortung und Benehmen. So irre wie 17 bin i nerma. ?