Weihnachtsfilme, de i eich aufdräng

I hon a geheimnis: i bin eigentlich staatlich geprüfte weihnachtsfilmexpertin und meine empfehlungen sein eigentlich zum verpflichtenden onschaugn. Passend dazua braucht man a mega flauschige jogginghosn oda an einteila. der is holt bam klogehn teppat. Oba jetzt de perfekte Weihnachtsfilmmische, mit der ihr getrosts heit schon onfongen kennts, damit ihr bis 26. Dezemba versorgt seits.
i hon ka ranking, oba i schreib se so auf, wie se ma in den sinn kemen.

Versprochen ist versprochen

Ach Arni. der fülm is älter als i und passagenweis konn i ihn schon mitredn. mia kimmt fia, der laft imma nur auf ATV?? He, hobs des mitn Arni a obkommen oda so? verdächtig. Der film is a verdächtig witzig. Es geht eigentlich um so a coole Superheldenfigur, de JEDA hoben will. Und da Jami wü de, oba da Paps hot holt vagessn drauf. Es is a Actionkomödie, oba Action is holt echt Kindaaction gmant. Wer den nit kennt, MUAS den onschaugn. Sunst kenns mein blog echt nit lesn. Relativ beängstigent is dos der sotz „Das ist eine kranke Welt, voll kranker Menschen.“ imma no so stimmt.

Tatsächlich Liebe

Bitte kems ma nit mit „des is ma zu britisch!!“ papperlapapp!! Des is anfoch de perfekte Mischung aus.. OLLEM. Traurig, witzig, kitschig. Bei de anen fühlst mit, beim ondan host an Grant und so weiter. i mog de verschiedenen Gschichten vabandlt. Olles draht sich um Weihnachten. Hugh Grant is anfoch bae. Sam is ka klanes kind mehr, der kerl is heia 30 woan!! (schaug oba no aus wie 15, olles guat.) I lieb den Film und schaug ihn a untam joa. öfters.

The Holiday Calendar

OK, BESTER NETFLIX WEIHNACHTSFILM!!! Und des letzte liad am Ende is es BESTE. (Singt da Schauspiela selba) Katarina Graham kennt man noch von Vampire Diaries und oh gott, der Film is anfoch schen. Sie is Fotografin und ihr best friend wird zu ihrem Lover. Irgendwie. a nit. donn doch. Und sie hot an Adventskalender, der olles ondre als normal is. Noch a Highlight is da Ethan Peck, den man so kennt, obwohl er in dem Film mehr da Trottl is. oba bitte, ihr Wohnung is GOOOOOAL. sowie ihr opa. Bitte schaugs eich den on.

Let it snow/Tage wie diese

A poa Netflix-Weihnachts-Filme sein echt schrottig. Dieses Prinzessinnentausch oda der christmas Prince.. würg. Aber Tage wie diese is wieder so a schena Film. Am Weihnachtstag kimt a Schneesturm und a Dorf liegt im Chaos. Es treffen Jugendliche aufanonda und senre Schicksale führen se donn irgendwie zamm. Schen, nett, eindeutig fia jedn wos.

Holidate

I was noch nit, ob der Film an platz auf der liste vadient hot. I hab gestern meine Weihnachtsfilm-Season damit begonnen. I mag de Emma Roberts halt volle gern noch von Unfabulous und ihr Partner im Film is recht cute. Dennoch is es ka typischer Weihnachtsfilm und vamittelt nit de besten Werte. Oba es is a nette romantische Komödie, de a bisi in de Weihnachtszeit einstimmt. A bisi.

Weihnachten zu Hause* Serie

Netflix sponsert mi nit hahaha. Oba de norwegische Serie (de do oben mochn lei guates Zeig) is irgendwie so schen real. Man is ewiglong Single, de dates sein irgendwie mies (oder creapy. Stichwort Escape room). Da Druck is do, wen fia Weihanchten zu finden. außerdem spielt da kerl von Quicksand mit!!

Merry Happy Whatever* Serie

De Netflixserien sein so kurz, des zöhlt glott als Film. I habs lei wegn da Tisdale gschaut, oba es woa anfoch wieda a nette Serie mit Weihnachtsfeeling und Chaos pur. De Familie is anfoch sympathisch und echt irre. Und bitte: Nit an den Feiertagen schlussmachen. des is respektlos. Wenn donn schon dafua hahahah.

Drei Haselnüsse für Aschenbrödel

De olte Filmerei liefert so vü Nostalgie, doss es weh tuat. Nit umsonst ana der beliebtesten Märchenfilme EVER. noch nie gsegn? Des konn man sogoa auf youtube gratis schaugn.

Annabelle und die fliegenden Rentiere

Jap der Kinderfilm, den ihr von superrtl kennts. Es geht um die Annabelle, de kuah, de so gern fliagn tat und da Billy, der nerma redet. Annabelle des kalbl hot oba a stimm. ma der film is anfoch soooooo so so so so nett und liab. Funfact: Der film is genauso wie i 1997 ausagebrocht oda gedruckt woan. wie man es nimmt

Weihnachtsmann & co. KG*Serie

Still watching hmmmm? Also wer nit jede Folge mitredn konn und wer nit als Lieblingsfolge de hot mit de zwa briada wo da große nerma on den Weihnachtsmonn glabt.. DONN WAS I A NIT.

So jetzt noch eire Einwürfe, de e a guat sein. Lei sein des so meine Favoriten. Jo da Grinch is nit mei Favorit hahhaha.

Kevin allein zuhaus
Der Grinch
Liebe braucht keine Ferien
Buddy, der Weihnachtself
Santa Clause
Das Wunder von Manhatten
A christmas carol

Wer schon a guate Mukke braucht: Here we go.

Fröhliches Watchen, wir lesen uns am Sonntag!!