Best friends fia ima??
Wer kennt noch diesen plumpen Spruch, doss unsre Eltern immer VUA uns wissn, wenn des echte Freind sein oda doch nit. I sogs eich, kems in mei Olta (knackige 23 LOL) und ihr vastehts de Eltern. Und wenn i so hintaschaug merk i, wos fane folschn luadalen do in mein freindeskreis woan und omg. i bin so froh, erwochsn gwoan zu sein. Peter Pan es tuat ma lad- oba in da Jugend hot man so vü mehr folsche Freind als später.
Beispiele. Beispiele. Beispiele. Is jo guat, meine fans, i hea eich!
Die Tina und die Sina sein besties seit imma. Oba komischaweise lei bis zum geburtstog von da Tina, DONN is de Sina wieda obgschrieben und de ondan 39 Weiba gehn zomm ins Kino und de Sina sitzt blerentiga daham. es Geschenk perfekt zommgepackt, mega cute. Des süße MS SEXY PARFUM (du remeberst? äääh erinnerst di?) und noch schoki und olles. und dennoch is se nit einglodn.
Da Chris steht auf de Lisa. Da Tom was des. Redet da Chris beim fuaßboll training jo dauernd von ihr. Oba da Tom denkt sich, de gönn i ma jetzt a. und schreibt ihr. und trifft sich mit ihr. und schmust mit ia. schwängat se… ok des geht zu weit. oba wos i man: er schnappt se sich. de lisa vaschaug sich holt in den klanen adonis und vagisstn chris schnell. oba warum? Spoiler: De Lisa is nit a glustiges weibl. sie werd onglogn. Vom Tom. Denn der sog zu ihr, doss da Chris vpll schlecht iba sie redet. und donn mocht er sowieso voll viel terror bezüglich OLLEM. Sie hotn Chris blockian miasn, sunst is da Tom weg. Sie hot ihre Hoa blond färben miasn, sunst is er weg..
Die Nadin is voll happy über ihrn riss. richtig stolz is se, doss se mit dem Cutie gschmust hot. wie er hast?? Unwichtig, sowos merkt man sich jo a nit. Gschmust is gschmust. Wer schmust is NIT fix zomm, oba wer wos obgleckt hot.. dem kert des a. wenigstens fia 48 stund. Ihr freindin de Alex findet de story a nett. noch netter findet se den Cutie. Also geht sie am nächsten Abend zu dem Typ hin und schmust ihn a ob. Sog se da Nadin wos? Jo nochn 4 (!!) Date oba erst. Lässig?? Najo de Nadin woa holt so weit, doss se gwusst hot, gschmust des woas. de Alex valiebt sich jo in den Trottl und glab, doss des jetzt DIE große Liebe is. Sie hot de Nadin hintagongen. Natürlich hot de Nadin nit gefühle ghobt fia den Kerl, oba sie hot ihn obgleckt. nit vagessn!!! oba de Nadin woa ersta. und die Alex hot EVENTUELL a bei dem Cutie erwähnen miasn, wie oag de Nadin auf ihn fliag und holt voll a psychotante is und a folsche kuah und… Aus den zwa is nix woan, weil de wochn drauf hot er a ondre Schmuspartnerin gfundn.
Oba deaf i do kurz wos einwerfen: WOS ISN DE ALEX FA UNGUSTL?????? sie schmust den kerl ob, den ihr BF am Tog davua obschmust. und besitzt die FRECHHEIT zu behaupten, sie is mehr wert als de Nadin. Warum??? Wie vü Egoproteinpulva muas man gfressn hom umso zu denken? Wenn a Kerl mei Freindin busslt und am nächsten tog mi, bin i fia ihn genauso wenig wert wie mei Freindin?? Oam ??? Mega oam?? I foss es nit.
Toxische Freindschoften gibt es genügende. Lei akennen wia se nit. weil se vasteckt kamen in mega sympathischen FIguan, de sich supa inszenian und im bledsten foll a imma fia uns do sein.
Es gib nix letzares, als an Freind der imma do fia di is und beim umdrahn schon de greste scheiße iba di redet.
Wie oft homa schon fia an Freind gwoatet, der uns donn doch wieda fia irgenda Date obgsog hot?
Wie oft zabrechn freindschoftn on depatn beziehungen?
Wie long ertrogen wia noch es de zweite Wahl zu sein und nie es wichtigste zu sein?
Amol a poa tipps, wo de merkst „auweeeeh des is ka friend for ever“
1. Sie machen di irgendwie ständig schlecht, a aus gaude. Des is ka gaude. des is nit witzig. i wü nit hern wie dick i bin und doss mei haut so schiach is?
2. deine erfolge und gspusis und olles werden nit gefeiert. es is imma lei ok. oda man nörgelt. dei glücklichsein is nit senas? Donn geh
3. wie oft redets ihr und auf amol DRAHTS SICH LEI MEHR UM SIE???????? nervig. oda ihn. ihr wissts e. menschen, de olles auf sich beziagn sein anfoch so egoistisch, do werd kan gholfn.
Niemand konn eich zwingen befreindet zu bleiben. geht mitn herzln bei freindschaften so um wie bei beziehungen.
I hob do heit noch ka ontwort fia eich. fia uns.
lei wos i sogn konn:
Wenn du echt guate Freinde hoben willst, muast holt anfoch selba a ana sein. Sprich: Loyalität.
Red nit gschissn iba deine Freindinnen und Freinde. Niemals. sunst seins nit deine freinde.
Steh hinta se, a wenn se grod selba nit hinta sich stehn.
bitte bitte bitte bleibs eich und eiren freindn treu.