Ghosting.
Heit wieda mol wos, wos schon 2018 so guat gongen is, oba irgendwie hon i damit aufghert. mit gschichtn aus mein, dein, ian Leben. So richtige Schwänkchen. Nenn ma es diandl Mia und en bua Luis ok? Wal niemand so ghasn hot, wo i domols in da Schul woa (glab i holt) und man so nit erkennt, wer wer woa. Oba holtets eich fest, ihr werds sowie i mit da Mia mitfühlen.
Bei uns in Oberkärnten woa des imma so a Ding, doss eig de meistn mitn Bus kemen sein in da fria zur schul. Und de olle so an knotnpunkt ghobt hom. Leit de sich gedatet hom, sein donn meist am schulweg ertappt woan. oda so. Auf olle fälle is de mia nit so a trendy girl gwesn, wos mit an typen in de schul geht. eha imma so alan. De Mia woa in da 4. Untastufn, also guate 14-15 joa. Und sie is lei donn eftas mit schwester plus friends vom bus zur schul gongen. und donn is es irgendwie kemen doss do ima da Luis a mit woa. der woa a joa älter, oba gleiches schulgebäude. se hom vü üba musik gredet (sie geige, er klavier) und jo es woa nix bsundas. Ausa doss sie bsundas mies in chemie woa und er eben nit. und sie imma bei ihm gjammat hot, wie oam olles is. donn is a mol a mahnung einagflattat und sie hot SO lernen miasn fia chemie.
Do hot er ihr de erste sms gschickt. so cute mit „hyy, denk an dich. lern bitte ordentlich chemie, damit wir zamm zur schul gehen können OHNE über chemie zu reden! ^^ L.“ Chemie hat se gschafft.
Dann war Winter und der schnee woa gefühlt 3 meter hoch. luis btw woa a fost 2 meter long. Und die mini mia mit ihre 1.55 woa daneben so a klankind und zamm sein se imma zur schul geschlittert. Amal is sie aufn weg von bus zur schule (6 minuten ungefähr) 8 mal hingefallen (Fleck am popo so blau wie seine augn). Donn hot er kurzerhand bestimmt, handlhaltn is jetzt volle ok, weil es zu ihren schutz dient. Und es woa voll ok, fia bade und a de mitmenschen. NIEMAND hot wos aufs schulklo gschrieben, kana hot se ongredet. es woa gonz ok.
Donn woa de mia verliebt. oba nit in luis. also schon, oba in an ondan luis. der komischerweise a luis ghasn hot und mias traumkerl woa. des hot da ondre luis e gwusst. und dieser ondre luis is immer freitags beim bus unten gwesn und donn ham se so a 20 minuten „auf den bus warten“ date ausgmacht. de mia hat sogoa in da fria mitn ondan luis fia den traumboy a nutella glas gekaft, weil des sei große sucht woa. oh gott, de mia hot lei von ihm dazelt, da luis hot zuaghert. und wos woa?
Beim date is a freind vom luis dabei gwesn, der extrem gestört hat. nutella? is im rucksock geblieben. also is de mia bisi zfia zum bus. dafia hot se jetzt a busfoat alan in kauf gnommen? Sie schaug aufs handy. „Woas nit so toll? L.“ sie schnauft und steckt es handy ein und irgendwer greift ihr von hintn auf de schulta. „du lächelst nerma so wie in da fria“ luis. Woooooos? er hat extra auf sie gwoatet und foat mit ihr ham. mia woa so erleichtert, doss de enttäuschung zwecks dem ondan luis vagessn woa. im Bus ham se sich de nutella geteilt. mega weird, mega süß.
des woa donn da erste obend, wo de mia an en luis gedocht hot. er is schon liab. sei lochn. sei oat. er schaut auf sie. najo.
Noch nit im kloan, wos des jetzt wird oda is, gfreit se sich auf den montag drauf. oba da luis woa nit bei da haltestelle. de gonze wochn nit.
ihre sms bleiben ungelesen. facebook reagiert er nit. mia will verzweifeln, oba do sein a poa schlechte notn dazwischn kemen.
Noch fost 2 wochn sig se ihn, doch er se nit. wos nit schwa is- er konn iba sie drüba schaugn.
und des woas. bis heite. 2020. de storie is fost 10 joa her, es woa 2011-2012. Seitdem hot er lei mehr amol mit ihr gredet. bei sein maturaball mega zua, umoamt und gmant „i vamiss di“. ihre tausend nachrichten, mails, anrufe, sogoa briefe- gekonnt ignoriert. seit damals. nur ungefähr 2017 hot er amal auf a instanachricht geantwortet mit „du, i was nerma wos domols woa. oba irgendwos muss wohl gwesn sein.“
Des woa ghosting, bevor ghosting bekannt woan is.
Und Mia und Luis hättn a thing sein kennen, a großes, a schenes, a unkompliziertes.
Oba er hot ihr so weh tuan miasn, weil er nix gsog hot. Joare später hot se sich no gfrogt, wos los is. bis heit frogt se sich des, oba er was es e nerma. schlimm oda?
Bitte, wenn ihr wen ghostets, sogs es warum. vor ollem, wenn es schon so schen woa.
oh gott, natürlich hätt de mia de zeichen olle segn sollen. sei aufmerksamkeit, sei verliebtheit, oba olta sie woa 14-15!! Do sein de hormone no nit gonz eingependelt. woan seine wohl a nit gonz.
najo, des woa so a schwank. recht stressig oda? wos do olles sein hätt kennen? Wos do vabaut woan is? Oba jetzt homa 2020 und gonz ondre suagn.