Nackig
Heit red ma über nackig sein, nippis und sexualität. Also achtung: wer noch nit im joa 2020 ankumen is, kennt jetzt wos lernen. Wer des nit will, bitte nit weiterlesen. Es is wieda a Thema wo i nit was wo onfongen und wo aufhern. Lei fong ma amol on:
Nackig sein is natürlich.
Nackig sein bedeitet nix sexuelles.
Nackig sein is ka Einladung.
Nackig sein is nix, wofia man sich schomen muas.
Nackig sein is ka Grund, sich rechfertigen zu miasn.
A wenigbekleidetes Foto auf Instagram greg mehr likes, weil SEX SELLS. oba a weil de Meaning mit „Des is natürlich“ a dabei mitschwingt. brech ma de vorurteile und geh ma back to the rooooots- nackig sein is natürlich.
Unsa Gesellschaft is sowos von komisch. Viele von uns finden a nockte Person sexy. I jo a. Lei, wenn donn mol wer wenig bekleidet dahersteig, follen vulgäre ausdrücke wie Bitch, N.., Schl.. billig oda „De hots nötig.“
Spoiler: A Frau, de wenig onhot, hot es nit „nötig“. Sie fühlt sich lei wohl. Es is ihr Körper und hier is da passende Blogpost dazua: Des is mei Körper!!
I fühl mi in an gonz kurzen Rock nit wohl. Oba i find a Reckl wos bis zum holbn Obaschenkl geht, fesch und i fühl mi drinn guuuuuat. Also ziag i es on. Wenn mir jetzt a Betweibl sog „OH GOTT WIE KURZ!!!“ denk i ma nix mehr. Weil es is jo mei Körper? Mei Entscheidung?
Ausschnitte wern a nit gern gsegn, also irgendwie schon, weil jeda draufschaut. oba jeda muas bled redn.
A Frau mit Ausschnitt will kan Mann gefallen. A Frau mit Ausschnitt will nit ongflirtet werden. A Frau mit Ausschnitt will nit ongegriffen wern. Egal, wos da Onkel Peta sog oda de Mutter Marie. Egal, welche BH Größe und egal, ob mit oda ohne BH.
No gonz wichtig: Es spielt ka Rolle „wos da Partner dazua sog“. Weil da Partner hot do nix zu melden. Männer stehn nit über Frauen und a nit über de Töchter und Schwestern- Mädels diafn des onziagn, wo se sich wohlfühlen.
Leider passiert es heit no zu oft, doss Frauen, wenn se vergewaltigt werden, beschuldigt werden, zu sexy untawegs gwesn sein. Des tuat ma schiach. Und es is sogoa bewiesen, dass de meisten Vergewaltigungen passiat sein, wo Frauen in „normaler“ Kleidung woan. Wenn a Mädel mit an kurzen Lederkleid vergewaltigt woan is, is es nit ihr vadammte Schuld. Der Täter is schuld, niemand anderes.
Herma doch auf, Straftäter so mild zu beschützen olta!!!!!!!!
Und bring ma anfoch Buamen und Mädels schon immer bei, doss Nackt sein nix mit Sexy und Bockig zu tuan hot, sondern des kan Untaschied macht. Die Gesellschaft mocht Nackig zu an sexuellen Thema und verbindet mit knapper Kleidung sexuelle Tätigkeiten und sexueller Lust.
Anstatt Mädels zu sagen, sie sollen sich onziagn, sog ma bitte Männern (& a Frauen), doss sie jeden Menschen respektvoll behandeln sollen. Des wär anfocha.
Und an JEDE Frau, de ana andan Frau sog, sie is selba schuld, wenn sie wer sexuell missbraucht, wenn sie so nackig umalaft: schom di. des konn dir genauso guat passian und des wünscht da kana. Bitte stehts hinta eichren Verbündeten, nit zu den stoaken Idioten, de meistens weiß und männlich sein. Jede Frau, de üba a ondre Frau schlecht redet, kämpft am Ende gegen sich selba. Weil donn werd jede Frau fia imma Ongst hom beim alan hamgehn. A unsere Töchter und Enkelinen.
Es fühlt sich so aussichtslos on. Es fühlt sich so schwa on. Deshalb beginn i bei meine Follower. I konn somit mindestens 3 Tausend Menschen erreichen. Wenn jeda von de 3 k jetzt a Person driba aufklert, oda den Post an a Person weiterschickt, sein es schon 6k. Und wer gonz wild is, akleat amol seinen Eltern, doss de kurze Hose schen is, weil man sich selba drinn schen fühlt. Doss der BH unnötig is, weil es jo egal is, ob wer mein Nippi sig oda nit. Wenn ihr, meine geschätzten Follower*innen bissi wos mitnehmts und weitergebs, is mei Ziel erreicht. I sog jetzt schon mol danke und bussi.
Es tuat ma grod so lad fia olle Menschen, de sich grod denken „Du zerstörst grod de gonze Gesellschaft. Du ermutigst Frauen, umazusteigen wie sie wollen. De hoben ka Recht dazua. I will kane dicken Frauen nackig segn. I will nit, doss mei Freindin ohne BH umalaft. I will nit, doss mei klane Cousine mit Hotpants umageht.“ Es tuat ma goa nit lad dafia. I will, doss de Frauen und a Männer so umalafn diafn, wie sie wollen. Und doss senen deswegen nix passiat. Es soll senen genauso vü Respekt entgegengebracht werden, als hätten sie an Rollkragenpulli an.
ENDE.