Sorry. Nit dafia

es gibt dinge, fia de mias ma anfoch nit sorry sogn. gonz anfoch.

na. na is na. a na deaf gern alan stehn ohne begründung, ohne wieso. er will sex, du sogst na, ende. sie wolln fuat gehn, du sogst na, se ziagn ohne di. niemals musst sogn es tuat ma lad oba na. wenn du nit willst, wird di niemand zu wos zwingen diafn. Genauso is es mit „konnst ma helfen bei…“ und wenn du des grod anfoch nit konnst- sog na. du muast da schwiegamama nit 3 tuatn bockn, weil se des will, wenn du grod a masterarbeit zum schreibn host. du muast nit beim bff ausmoln helfn, wenn du wast, er tuat nie wos fia di. du muast nit dem kollegen de oabeit obnehmen, lei weil er wieda am mittwoch abend ins wochenende geht und du bis somstog noch hackeln deafst. 

fehler, de entschuldigt sein. es gibt leit, de kemen mit an streit vom joare schnee daher. „vua 2 joa host amol mitn X mittog gessn, stott mit mir. bis heit tuat ma des weh!“ „du host vua 32 joa mein bday vagessn.“ leitln, amol sorry sogn reicht. wenn leit auf damalige fehler ummerreitn- vagessts de leit. ihr stehts nit in senra ewigen schuld!!

vergangenheit. i woa domols a klane zeckn und echt anstrengend. des bin i heit nit mehr- deshalb entschuldig i mi a nit dafia wer i damals woa. niemand soll sich entschuldigen fia des, wos er amal wos. VERGANGENHEIT IS ERLEDIGT. 

schluss mochn. egal ob de beziehung fia di toxisch woa oda di „anfoch nerma“ glücklich mocht. Wer geht, hot sich nix zum entschuldigen. a wenn de ondre person es gefühlt hot, es is unberechtigt und sie schmeckt de toxic nit, des is egal. Wenn es dia nit guat geht in da beziehung a in da freindschoft, donn geh lei. Es is dei guates recht und JEDA versteht di, ausa de toxische gans eventuell nit. Lei schluss mochn, damit es dia bessa geht, is nix zum entschuldigen. 

probleme ham. Egal ob depression, anxiety, panikattacken.. solche „probleme“ i sog des nit so gern, liaba ernstzunehmende krankheiten. du muast di nit entschuldigen. sog jo a kana „sorry hob kopfweh, es tuat ma so lad, doss i deshalb nit auf dei hochzeit kemen kann.“ wer wegn ana grippe daham bleibt, deaf des. wer wegn ana panikattacke daham bleibt, a. und es is a ka grund, sich rechtzufertigen und aklean, doss man des hot. solche dinge sein leider im leben, oba entschuldigen tuama uns dafia a nit.

absagen. wer kennt nit de freindinnen, de voll beleidigt sein, wenn man nit mit senen fuatgehn will, weil man anfoch liaba amal daham is und sei ruah ham will? Du muast di nit entschuldigen, doss du noch 40 stund oabeitn im handl nerma auf an spritza gehn willst. a wenn wer sog, er muas di segn und seine probleme sein grod wichtiga als dei me-time. NA. du brauchst di nit entschuldigen udn dafia wonn ondas zeit nehmen. es is ok, alan sein zu wollen. es is ok, nit auf jeda hochzeit zu tonzn.

Sochn, fia de du nix konnst. entschuldig di nie, wenn du zspot kimmst, wegn dem wetter. wos konnst du fian schnee? wos konnst du fia de muremabgänge? entschuldig di nit, wenn dei oma vastorben is- wo konnst du do wos dafia? doss du deshalb nit de urlaubsvertretung mochn konnst. entschuldig di nit, wenn du mit ana grippe daham liegst- host da sia nit ausgsuacht. entschuldig di a nit fias oaschvaholtn von ondre leit, wos du ka bisi beeinflussen konnst.

ehrlichkeit. entschuldig di nie dafia, doss du zu deine gefühle stehst und damit ehrlich bist. du mogst wen nit und er gesteht da de gefühle? so is es leben. Gesteh wen deine gefühle und wenn er di nit mog, is holt so. entschuldig di nit dafia, doss du wütend, entteischt oda happy bist. gefühle fühlen is guat. anfoch richtig guat.

Fühlst di grod bisi bessa?? i mi a.