Lost

Lost

30. August 2020 2 Von Laxobu

I bin jetzt fost 23 und trau mi leise zu sogn, doss i mei Lebn glott im Griff hon. Dazua schreib i bold wos. Oba es gibt a liadl, des mi bisi nostalgisch hinta denkn losst. Nit wie i 21 woa, sundan eha 20. Auf olle Fälle, i bin heit nit so lost wie vua an Joa. Zum Glick.

Wir glabn jo olle, erwochsn is man ob 18. hahahahaha. dabei werma da erst lost und miasn schaugn, wos und wer wir sein. Fost niemand konn heit sogn, doss er glei gwusst hot wer er is und wie sei weg ausschaugn werd. von 18 bis 23 hot sich mei lebn jo soooo aufn kopf gstöllt. und des is ok so. Lei oft denk i hinta und wer gern wieda so unbeschwert:

I was es is nit long her, oba dennoch fühlt es sich fia mi long on. Long is her, wie olles no ondas woa. nit zwingend schena, nit zwingend bessa oba ondas.

Grod homa noch alkohol mit an gfälschtn ausweis gholt und ärger vom tankwart greg. Heit frogn se mi jo nit mol mehr noch an ausweis.

Grod seima no ins auto gstiegn bei da mama und hom auf stocknichtan geton, dabei hot man de malibufahne bis mexiko grochn.

Grod woama noch so oft beim McCafe, doss der Kerl uns dazelt hot, welcher Shades of grey Teil sei lieblingsteil woa und wieso wir eigentlich ka paarle sein, wal ma so ausschaugn tatn. Heit hol i mein Coffee alan und der Kerl is a nerma do.

Grod homa noch vuam Fuatgehn uns zu siebt so hergrichtet, als wa ma auf an Megaevent, dabei lei in da Dorfdisko. Wir hom Lippi aufegschmiat ohne zu merken, doss der innerhalb der ersten zwa stund vawischt woa durch Schmusn, Speibn oda Sippn.

Grod homa noch Polaroids gschossn und für ewig aufgekoltn und heit vablossn se longsom.

Grod woa es noch ka thema, zwa mol hintranond fuat gehn und bis Sperrstund mol bleibn und donn bei wem daham einesteign. Frigga for life, noch 5e in da Frua. Heit is de Sperrstund ka Thema, do lieg ma schon mit Gesichtsmaskale im bett.

Grod woa des Kinda gregn, Haus kafn, Heiratn,Geld hobn und besser bezahlte Jobs zu ham so weit weg. Heit triff i solche Themen mit Verständnis, bisi weniger Ongst und mehr Wissn.

Grod woa es Kindazimma da place to be, heit fühlt es sich on wie Nostalgie.
De eigenen vier Wänd zu hom is Luxus, de sich selba zu zohln kennen a Errungenschoft und a Verontwortung.

Grod homa Verontwortung nit amol schreibn kennen, jetzt is do a Lost am Buckl, de schen groß is. Fost zu groß, oba Erwochsene beschwern sich dariba nit, right?

Grod woan noch so Träume im Kepfln, vom Studium bis hin zum Auslond. Jetzt sein gewisse Sochn schon passiat und man sehnt sich hinta.

Grod woama a komplette Gang, jetzt a guats Trio. Freinde kemen und gehn, oba trottl, wie vü wichtig sein, lernt man erst. Heit sein leima de wichtigsten do. ❤️

Grod homa no mit de Idioten Schluss gmocht, um ondaren Kaspalen in de Oam zu fliagn. Heit sog ma nit amol mehr jedn Hallo.

Grod woan de grestn Probleme noch, doss wer nit hinta schreibt und das Vodka O ohne Eis kimt, heit muast amol schaugn, wos es Lebn kostet und wieso Gesundheit echt so großgschrieben kert.

Grod woa i noch 20, vua mein großen Abenteuer Frankreich und hätt ma nit gedocht, doss i mit fost 23 mei Lebn mehr im Griff hob, ols i ma selba zuagetraut hätt.

Oba hey, i bin stolz auf mi.