Wos bin i wert?

jap des is so a olta huat. EIGENTLICH. wenn ma mol umdenkn tat, wa es jo e logisch, oba wir sein olle bisi.. herzlbehindat?

Es geht um Freindschoft. Und wir vagessn olle zomm recht oft, doss freindschoft nit so unähnlich der partnerschoft is also der sexuellen liebe. Dabei sein so vü beziehungen mehr freindschoft als liebesbeziehung WAL de zwenig sex hom, oba des is a ondares thema, über des ma immer wieda mol quatschen kennen. ok ok?

Wir wissen, doss, wenn da Partner depat is, wir schluss mochn mit da zeit. Wos is, wenn a freind depat is? Do mocht kaum wer schluss.

Wir wissn, doss wir fixe datenights mitn schatzl brauchen, damit ma gnuag zeit fiaranond hom. Bei freinde tuama des vü zelten.

Wir wissn, bam fuatgehn, wenn ma auf jogd noch schmusigen partnern sein, doss der holt So oda So oda So sein muas. Bei freind seima do nit so happig?

Wir wissn, doss wir in ana Beziehung Verständnis, Vatraun und Ehrlichkeitn wollen. Gibs Werte bei da Freindschoft??

Wir wissn, doss wir des valongen hom, doss unsa Partner uns so liebt wie ma sein und schätzt, wos er on uns hot. OLTA WOS IS MIT FREINDSCHOFT?

Also, wos i anfoch sogn wü: a bei da Freindschoft diafts eich nit unta eichan wert hergeben.

De Linda tuat nua jamman, the whole day. iba de mama, de oabeitn und ian ex. de Tina hert ihr jo e zua, lei deaf de nie jamman. De Linda is nämlich donn wieda nit do, wenn de Tina a Ohr braucht.

Tina, du bist zguat fia de freindschoft.

Da Max spielt imma mitn Timo Tennis. Auf amol spült der oba lei mehr mitn Henry. In ana Beziehung wa des Betrügen, bei Freindschoft jo a?

I find, leit mochn in da beziehung sooft sinnloses theater. Warum schaust du beim Fuatgehn der aufn Oasch? Warum snapst du mit dem? Du host zwenig zeit fia mi, obwohl ma uns 7 mol de wochn segn. Bei deine Freind benimmst di ondas..

Und bei freindschoftn kimmt ma oft vua, lossn olle olles mit sich mochn.

händ aufe, wenn ihr schon mal friends ghabt habs, wo Eltern/ gschwista und partner gsag ham, des is ka echter freind!!!!!

I wü eich aufn Weg mitgeben, doss ihr bitte eich nit so untan wert hergebs fia ondre freinde. Ihr seids es wert, doss man eich zuaheat, sich fia eich zeitnimmt und eich guat behandelt.

De Freindin, de lei über di lästert wenn du nix do bist, is ka Freundin!

Der Typ, der mit deina Freindin schmust und sog es woa lei ihr Fehler is ka Freind!

Des Girl, des dei HÜ imma abschreibt oba dir nit amal a Hallo in da Fria schenkt, is ka Freindin!

Der Kerl, der ständig sog wie schwul/hässlich und dumm du bist, is ka Freind!

I wü nerma, dos ihr eich mit so schlechten Menschen umgebs. Schluss mochn tuat weh, des wissma olle. des kenn ma olle. Oba schluss mochn mit toxischen freindn, vor ollem de de imma nur dir de schuld on ollem geben, des is gescheit. Des gibt erlösung.

Du kennst deine Werte, i kenn se a. Nit jeda hot dei Herzl, dei Ohr, dei Hilfe, dei Empathie oder dein Whirlpool verdient.

NIEMAND BRAUCHT FAKE FRIENDS.

Es follt ma no so vü ein zum Tippseln, OBA des bered ma bold wieder bisi weita. ok??

Wir hern uns am Sunntog.