Des is Bullshit

Des is Bullshit

23. August 2020 0 Von Laxobu

Gedankenchaos. Kert geordnet. Also wenn i an Blog hob, verwend i den a zum zommenramen. In mir drinn. Mülltrennung, ausmisten und oblodn.

Eigentlich hätt jetzt wos über Selbstbewusstsein kemen sollen. Eigentlich. Oba i sogs ehrlich: heit fallt ma de muse dafia. diese fehlende muse is a da grund wieso i jetzt donn ab 1. September bis 1. Oktober a Instagrampause moch- i hol ma mei muse hinta und de lust zum schreiben. I hab damals JEDEN Blogpost im Biachln hingekratzelt, jetzt fetz i gefühlt jedn Blogpost am Posttag her. OBA i post weiterhin lei sochn, de ausn Herzl kemen. Dennoch wü i wieda neiche Ideen, Inspo finden und mehr Liebe einehaun. Daher gebs ma de Instapause und gönnts eich Blogposts. Ihr kenns hier e eicha Mail eintragen und gregs imma a Info, wenn a neia Post online geht. Fantastic??

Es is Bullshit. Olles zomm. Des vuam Spiagln stehn und nit segn, doss man gsund is. Na mia follt mei Pickl auf da Nosn auf. Mein Odan sigt man über de Augn so stoak. Meine durchsichtign (!!) Hoa auf den Obaoamen zipfn mi on. I sig nit, doss i gsunda vuam Spiagl steh.l I sig, wos i nit segn wü.

Wieso konn man sich nit fia ondre mitfrein? Als wa des so onstrengend und kompliziert. Gonz ehrlich, tuat Mitgefühl und Mitfrein weniger weh ols da Grant und da Neid, den man so mitzahn muas. Woher nehmen Leit bitte immer de Energie, ondre Leit und ondre Sochn schlecht zu mochn?? Bitte Gott, hobs de Energie mol, in EICH zu investian. I schwör, des wär life changin. Nit imma lei so depat über olles und jedn redn. Bah.

Unser Kepfl fickt uns oft und gern. Oba gonz ehrlich? Konn man do nit a an Fick drauf gebn? Dei Kepfl sog da um 3 in da Fria, doss dei Ex vua 4 Joa nit gongen is, weil du a Furie woast, sundan weil er mit der Snitch mit der er HEITE zomm is sia schon gesnapt hot. „Wos wern de Leit sogn??“ Wenn des de 1. Sorgen sein, de bei an Projekt, in dem i Heazbluat einesteck, echt hon, sollt i es glei lossn- weil i bin nit bereit, weil i bin noch zu obhängig von ondre. Gonz ehrlich, wenn ma wer sog „is peinlich, wenn du ohne BH ausa haus gehst oda wenn du so ongezogen bist!!“ sog i „Mir wär peinlich, doss i so auf de Meinung ondra zähl“

Dei Fleck im Zeignis is nit dei Schuld, weil du so faul bist, na da Lehrer mog di nit. Oba, doss du beim Lehrer davua genau es gleiche gsog host, homa vagessn? Schüler*innen hom oft a easy leben, wollen oba nix geben. Nit olle, i was, lei IMMA sogn de Lehrer sein schuld oda de ondan, geht nit. Geht später a nit.

Ausred valoss mi nit. Fia olles. Anfoch olles. „Sorry, mei Fehler.“ gibs im Sprachgebrauch der Menschen nerma. WARUM DENN A??? Wär jo zbled, amol zu seine Fehler zu stehn.

Wir wollen frei hom, wenn de ondan frei hom. Und unsa eigene Freizeit vabring ma donn erst recht mitn Handy oda mit Netflix. Onstott Sochn zu tuan, de uns gfrein und guat tuan, tuama holt wieda lei sochn, de uns triggan.

Des is Bullshit. Olles zomm. Aufhean. Nerma tuan. Nerma spian. Nerma sogn. Bitte bitte bitte. Donn seima endlich so „young wild and free“ von dem wir redn. Donn schmeck ma des sweet life und enjoyn des easy cheesy lemon squeezy leben.

Durchatmen. Ende. Bussis.