Wohin?

Wohin?

19. August 2020 3 Von Laxobu

Wohin kema eigentlich danoch?
Wenns vuabei is.
treff ma uns olle in an raum, zimma oda goatn?
Lafn do obn donn a oll de Kids uma, de es nie gschofft hom?
Nie gschofft hom, auf da Erdn es gehn zu lernen?

Wen sig man do obn als erstes?
Den, den man am meisten vamisst host
oda als erstes valoan hot?
schaun de leit olle noch gleich aus?
oda riachn se imma noch so guat?

Is es do obn wie ham kemen?
oda eher wie zruckgehn?
is obn wohl schen woam?
Mias ma a jackn einpockn?

Der Plotz do obn muas jo vollgstopft sein,
i konn glott tausend seelen aufzählen, de schon do obn woatn.
Woatn auf uns, de do untn aufe schaugn.
Is im Himmel schen?
Werma donn endlich vastehn?
Warum Leit in unsan olta gehn hom miasn,
vü zfria, ohne begründung und anfoch so?

Hoffentlich gibs do obn a schochbrett,
i hon anige revanchn mitn opa zu spün.
und schnapslan zu trinkn.
Und coffeedates stehn bei vielen noch aus.
Und da erste Kuss, der nie passiat is.
Und Worte, de no nie gsog woan sein.
Wal ka Zeit mehr woa.
Wals zspot woa.

Is des obn donn a richtige Party?
Mit Guaktola, Averna und Bacardi Cola?
Wos laftn do fa Musik obn?
Spün de Leit selba?
Wer holtet des donn fest?
Wem konn man des donn olles dazeln?

Wohin kema, wenn wir fia ima einschlofn?
Is do schen?
Seima do nerma alan?
Is donn olles leicht und man spiat nix mehr?

 

????