Sunst nix zum tuan

Sunst nix zum tuan

16. August 2020 0 Von Laxobu

Oag eigentlich. Oag, wenn sich wieda mol wer Wildfremdes in dei Lebn einmischt. Und du di frogst: He olta, host nix bessas zum tuan??Mault mi letztens a ältere Dame bei da Kassa on, wal i mitn Handy in da Hond vuam Bandl steht. Ob i nit gach des Scheißhandy wegramen konn. De Kassiararin schaug mi lei on. So „Schon wieda..“ mäßig. I sog donn anfoch „Es tuat ma jo lad, doss i Sie so stöa damit. Oba i tat echt gern mit dem SCHEISSHANDY mei Essn zohln.“ Da Dame, de de Maskn natürlich UNTA da Nosn getrogn hot, sog nix mehr.

Steht ma davua amol a Frau echt im Gnack bei da Kassa. Sog i HÖFLICH „Äh.. Abstandregeln gelten a ohne Maske!“ Und gedocht hob i ma: a ohne Corona muas de Frau nit genau hinta mir so stehn, doss i ihr Briaftoschn im Kreiz hon!!! Sog de original „ajo fia a poa teppn gibs jo Corona wirklich“ Gott sei Donk woa do a Monn hinta mir und mant „Jo komischerweise glab i echt on Corona, weil mei besta Freind desholb im Kronkhaus liegt.“ de frau is wortlos hinta ihrn wagelen gstondn.

schreibt ma amol a diandl, doss sie es jo oam findet, doss i niemanden von meinen followern folg, oba i mi gfrei, wenn mir wer folgt. I hob geantwortet, doss i lei menschen folg, de ma an mehrwert geben. ihr ontwort: donn folg i da a nerma, weil mehrwert gibst ma jo lei, wenn du mir folgst. i hob se blockiat, nachdem se ma entfolgt hat, weil sie jo sia kan mehrwert mehr will.

sitz i mol in an cafe, manen de männer am nebentisch über a junge mama uns gegenüber „De is sia lei ongwamst, weil se nit oabeitn will!“ de frau sog donn banhoat „I hoff, eichre töchter wern nie so depat von männern ongredet!“ Innerlicher applaus meinerseits. den spritza hom de männer stehn lossn.

über jedn blogger, fitnessinstagramer oder sonstigen mutigen menschn, her i sooft depate worte von ondaren. i frog donn, wenns bekonnte sein „aso. findest du donn meine sochn a komisch/sinnlos/depat??“ ehrliche ontwort greg i kane, meistens a „du bist jo ondas.. In echt bist jo nit de laxobu fia mi sundan de larissa.“ und genau des is es: de leit, de ihr auf insta oda online wo segs, sein in echt 100% a nit so.

trifft man wieda mol olte bekonnte wo und irgendwo sog ana „bah de person hoss i schon seit da schul, de werd i nie megn!!“ vadrah i schon de augn.

genug beispiele: i frog mi lei- hom de leit nix bessas zum tuan?
Also nur negativen schas von sich zu gebn?? über jeden zu urteilen, jeden onzumauln, nit amol anfoch neutral sein oda nett?

I hob schon glernt, doss solche leit, de anfoch immer und überoll oda holt öfters, negativität on ondre auslossn, es greste problem mit sich hom!
Natürlich hom de zwa damen on da kasse sunst nix zu tuan, außa mauln. kana ruaft se am obnd on vermutlich, niemand intressiert sich fia se oda senen is anfoch fad. De männer am tisch hom vermutlich zlong kan sex mehr ghobt und sorry wer am vormittag 3 spritza plus braucht, braucht vermutlich obends mehr. i her jetzt auf de leit zu verurteilen, des find i grod selba nit fair. Oba i sog eich des so: De Leit kennen uns lad tuan, weil se es nit bessa wissen und kennen. Se kümman sich lei um den dreck der ondaren. I man mi tat jo nie a handy von wen ondan in da hond stören??? I tat nie zu wen sogn, der will lei a kind wegen dem geld?? I tat mi nit lächerlich über de träume anderer machen.

Warum? I hon selba träume. i hon selba genügend selbstliebe. i hon selba genug liebe im leben und freid am leben. i bring so anen menschen ka verständnis, oba mitleid. donn sein se ma nit wichtig und i nimm se nit ernst.

Wenn ihr mit solchen leit freiwillig oda a eher unfreiwillig in kontakt tretets- durchatmen, ignorieren oda aufmerksam machen. gonz a guata tipp, vor allem bei menschen, de ihr kennts. Frogs „Wos host du eigentlich fa problem mit dir selbst?“

 

Wer sich über ondre Frauen, de „dick“ sein lustig mocht oda ärgert (WARUM A IMMA), konn nit super happy sein. Wer echt onfongt, fremde onzupöbeln fia sei Handy oder Einstellung oda wos was i, kimt mit sich selber nit zrecht.

On olle, de sich des gfolln lossn miasn- es tuat ma ehrlich lad fia eich. Ihr seids stärker als des.
Bitte gebs mehr Liebe als Hass weiter. ❤️