Hobs des mei Motivation gsegn??

Puh, jetzt Homeoffice und Homeschooling zaht schon on de Nerven oda? Weil in Jogginghosen und ohne BH is de Motivation a nit so wirklich zu bändigen. Oda holt zum auftreiben bessa gsog. Oba i, als Motivationscoach eires Vertrauens. (muhuahahahaha is des guat!) hon do a poa Tipps.

I selber oabeit grod im Homeoffice und muas schaugn, doss a Zeitung quasi steht. Wer des fost (redaktionell gesehen) alan tuan darf, hot zwoa vü Freiheiten oba a vü Verantwortung. UND MUSS SICH SELBER UM DE MOTIVATION KÜMMERN. Warum darf? weils ma a ehre is. ❤️❤️❤️ Obwohl um ehrlich zu sein a jeda Job, wo man am Ende vom Monat des Geld am Konto hot, sollte schon amol zu ana gewissen Motivation führen. Und damit man i nit, doss es Geld im Job es wichtigste is (oba a nit unwichtig.). Oba noch mehr als de 40 Stund bezahltes Tippeln braucht mei Blog Motivation. Weil fia den greg i ka Geld, oba er mocht mi glücklich und ihr a. Oba oft denk i ma „warum muss i des noch tippen, wenn i dafia e „nix“ greg?? JETZT TAT I OBA LIABA MITN BUA SCHMUSN.“ De Motivationstipps hau i jetzt ausa.. und jo i hab ka Motivation momentan neue Fotos zu machen. daher ans ausn Sommer. SOON NEW STUFF.

Konsequenzen

Fong ma glei hoat on, wos ka Motivation direkt is, eher so a Tritt ins Arschl. Du muast für de Schul wos obgeben oda de Uni erwoatet irgenda Seminaoabeit. Ok, du host kan Bock. Oba sorry, es is dei JOB. Gonz anfoch. Als Student/ Schüler muast du anfoch des mochen. Wenn nit, konnst es Semester wiederholen oda host a schlechtere Note im Zeignis, auf des du a kan Bock hast. Arbeiter können mit Konsequenzen wie a Gespräch im Büro vom Chef erwarten, wenn se nit onzahn. Wissts, des sein so unangenehme Konsequenzen, denen man eben ewigleicht ausn Weg gehen KÖNNTE. Also tua ma des a.

Aufschieben mochts nit anfocher

I fong ehrlich gsog auf meiner TO-DO-List immer mit de bequemen Sochn on. Also Anrufe stehen immer gonz hintn. LOL. Donn oba denk i ma, wos i hob hob i. Wenn du des Telefonat, des Interview, des Putzen, de Vokabel lernen auf morgen verlegst, host morgen a noch längere Liste und noch mehr Stress. Also tua glei, dei Zukunfts- Ich is dir dankbar! Des Mindset hüft vü. To- Do Listen sein a Leben. nit aufhean, bevua nit olles erledigt is. is schwer, oba lernbar. tua holt nit 1739 sochn heit und morgen 10. tua glei halbe halbe.

Fixe Belohnungen

Erst amol kert gsog, doss Essen ka echte Belohung is, sondern a Lebensnotwendigkeit. Also wenn du a während dem Lernen Cookies naschen wüst, tua. Oba wenn du des als Belohnung nimmst, GUAT SO. Gönn dir nochn Lernen a Folge deiner neuen Favserie. Moch mit dein Partner aus, noch getaner Arbeit gibs 7 Minuten im Schlafzimmer. (na eigentlich braucht man lei 4 oba psssst.) Wir ham jeden Donnerstag in der Produktionswoche der Zeitung Pizzadate, weil es somit des ruhigere Wochenende einleitet. Malts eich selber Belohnungen aus, de eich frein. Konn a Anruf sein, a Glaserl Wein, a Onlinebestellung.. wos eich glücklich mocht!

ZIEL

Warum lernst du so vü fia de Matura grod? Wos awoatest du von dir selber bei der Bachelorarbeit? Wos sein deine Ziele? Vergewissere di, zeichne se auf, erinner di immer wieder drann. Mit an Ziel vor Augen is da Weg dohin anfoch anfocha. „I lern jetzt mol 3 Wochen, um donn de Note zu ham, de i a verdient hon.“ „I schreib de Arbeit heit Abend, weil i donn nie mehr so an Bledsinn schreiben muss.“

HILFE

Anfoch an Motivationscoach suachn. Egal wer des is, jemand der di aufeziag, wenn du faul wirst. Oba ohne Strenge, anfoch mit bisi Würze.

Bestes geben

Wos mi motiviert is, zu wissen, doss i mei Bestes immer geben hab. Irgendwie an Ansa schreiben auf guat Glück fühlt sich NIE so geil on wie a echt verdienter. U feel me?

MUSIK MUSIK MUSIK

Jetzt amol Sportlich gsegn oda a fürs Auframen, Kochen, Putzn.. whatever. Mit ana richtig guatn Musik gelingt anfoch olles. I hob so guate mood listen. Des is still mei Lieblingsplaylist für mei Homeworkout. Des moch i oba so selten, doss i eich davon nit amol wos dazel hahaahah. Fitness girl wird aus mir sowieso kans mehr, daher loss i den Plotz a für de Sporty girls. Obwohl maybe intressiert eich so a Fitnessprogramm von an Faultier??

DUFTIS

Den Tipp hon i eig von meiner Nogltante. Tammy, du bisch de Beschte ? De hot ma mol so a guats Zeig fia mei Haut gebn und mant donn „Der Duft weckt di so auf und gibt da a guats Gfühl.“ TRUE THAT. Desholb werd i ma des Zeig fix holen, wenn mei derzeitige Routine komplett la is. Und wos i noch hob is von Origins der orange geile Spray und den sprüh i ma ins Gsichtl, wenn i Energie brauch. Außerdem sein meine Duftkerzen von Partylight Grund zur Motivation. Oba jo nix mit Lavendel, von dem schlof i SUFUAT ein LOL.

Erinner di, wer stolz sein sollt

Und wer soll stolz auf di sein? Mama, Papa, Bruder, Freind, Feindin? NA DU SELBER!!!!!!!! Motivation is, wenn man kan Druck mehr hot. Wenn i was, es is ma so egal, wer sich wos awoatet und von mir wü. Wenn i mir des selber olls beweisen und zagn will, reicht des komplett!

Sunntag is Muttertag, da kimt a wos liabs online. Nächste Woche werd mehr sexy. Bitte, bitte, wer ma auf Facebook folgt- lests Dienstags und Samstags meine Blog/Textempfehlungen de i post. So gregs ihr genug Content, obwohl i quasi weniger Content produzier. Und de Toge kimt auf Insta mal a klana Talk bout my job. hihi.

Bei Wünschen/ Beschwerden/ Anregungen: Immer wieder gerne mir schreiben!