Meine lange kurze Geschichte mit der Pille Teil 2

Here it is. Der langersehnte zweite Teil zur Pillenreihe. Heit geht es ums Absetzen von dem klanen Teufelchen. I werd mein Senf dazua geben und mei Story erzählen. Eure Storys kommen Dienstag anonym online. Damit man merkt, doss wir olle zamm das durchstehen. Generelle Infos über die Pille an sich gibt es in dem Beitrag Mei lange kurze Geschichte mit der Pille Teil 1. Bitte durchlesen, damit ihr eich a auskennts und i hier nit alles erklären muss.

Mit 15 hob i die Pille gnommen. Weil des holt OLLE, wirklich OLLE geton hom. Erste Liebelei, schlechte Haut, erster FA-Besuch. Wie hast es so schen? Ka erster FA-Besuch ohne Rezept für die Pille. Mei Pille  woa stoak, vadammt stoak. So stoak, doss se heit nit amol mehr am Markt is, weil sie VERBOTEN worden is. Thrombosegefahr. Viele Nebenwirkungen. Beruhigend oder? I hab schon seitdem i mei Regel hab SCHMERZEN DES TODES. Also wirklich so richtig feste Krämpfe. Mit Fieber. Jede Monat lieg i weinend im Bett und stell mei Weiblichkeit in Frage. (Lösung hab i derzeit kane, i arbeit mit CBD Öl und Schmerztabletten. I will bald mal bezüglich Endo checken, aber da schweif i grad nur ab.) Daher hat ma da FA a ganz stoake Pille geben, damit de Krämpfe a besser wern. Woan se besser? Schon jo, oba es woa trotzdem monatlich der Schmerz da. Obwohl die Tage schwächer woan, woa es nur a semigeile Verbesserung. Dann hab i halt a andre Pille greg, warum nit. Mit 16 hat man bei mir a Laktose- und Fruktoseintoleranz festgestellt. Pillen haben oft Laktose enthalten, daher muss i weg davon. (Außerdem bei Intoleranzen hat man oft Magen-Darm-Probleme, also is der Schutz der Pille nerma gegeben.) Mein FA woa schoaf auf es Stabl

 I loss mir oba sia ka Plastikdingsi in den Arm einehauen.- Larissa, 17, Angsthase

Gott sei Dank war mei Angst zu groß, denn des Stabl hot ongeblich so an Hormonpotzn, doss teilweise Frauen tamisch wern. Erschreckend. Was sonst zur Debatte stand? Ring oder Pflastale. Genau richtig gelesen, nur Hormone. Spirale? Kette? Laut mein FA nur für Frauen, de bereits Kinder haben. ENDE DER DISKUSSION. Also der Ring. 3 Monate später, 8 Kilo mehr. Hausarzt meint, maybe den FA kontaktieren. Anscheinend is a Gewichtszunahme bis 5 Kilo ok, oba donn weg damit. Nach 1,5 Joan oba erst. Warum? Idk. Also back zu ana „milderen“ Pille.  (Mei Intoleranz is quasi weggegangen mit 19, de Story kema a amal bereden). „MILDERE PILLE HAHAHAHAHAHAHAH„. Dann hab i mei Leben mit Pille weitergeführt. Jetzt bevor es zum Absetzen kumt a kurze ehrliche Story. Mei bester Freind hat es so perfekt erklärt. „In deiner Pubertät woast du anfoch a Hormonmonster.“ TRUE THAT. Heit loch i, damals hätt i gebleat. I woa des depatste, eifersüchtigste, unsicherste und grantigse Wesen überhaupt. Oft woa mei Einstellung „mir egal.“, jede Diskussion hob i spinneta und blerentiga beendet und meine Beziehungspartner hab i vergrault mit mein Grant. Warum? Weil i so bin? Na na na. Heit was i, doss de Pille und Hormone da Grund woan.

„In deiner Pubertät woast du anfoch a Hormonmonster.“

Erst nach Absetzen der Pille hob i mi selber kennenglernt. Mein Körper, wer i bin, mei Sexualität. I lieb mi erst, seitdem i de Pille abgesetzt hab. Des hot mi damals im Joa 2018 so daschreckt, doss i gebleat hob. Ohne das Absetzen der Pille taten meine Blogs heit so ausschaugn:

EIFERSUCHT IS RICHTIG UND WICHTIG. NUR SO LIEBT MAN ECHT.

DE NEIE IS IMMA DEPAT UND SEI EX STEHT NOCH AUF IHN.

DES IS DEI KÖRPER? NA I JUDGE DRÜBER WEIL I MI GERN EINMISCH

Ohne de Pille bin i a besserer Mensch woan. I konn Beziehungen führen, wos i damals partout nit kennen hob. Aus meina Jugend hob i genau 3 Freindinnen ( und 2 so eher Bekannte, de wenn ma uns segn, wär wie immer. Oba de sig i holt 1x im Joa) und sunst hon i mit kan mehr Kontakt. Weil mitn Olta merkt man donn a, wer echte Freind sein und wer mei Hormonpersönlichkeit übersegn hot kennen und mi jetzt nerma mit dem damaligen I vergleicht. Wie oft her i „De woa domols in da Schul so depat?“ Jo domols. Domols woa ma olle noch nit de tollen Leit, de ma heit sein: LEIIT ÄNDERN SICH. Also, wenn du a Mädel aus da Schul nerma mogst, vagiss des endlich und gib ihr a Chance zu zagn, wos fa liabe FRAU se heit is. Ok? Hot a vü mit Hormone und Erwachsen wern zum Tuan. Hob i wohl an Bua aus mein Leben gegrault, weil i mi anfoch aufgfiat hob wie a egoistische, krampfhaft eifersüchtige Diva, de gwusst hot, sie hot ihn nit vadient. Und deshalb hob i mi on ihn geklammert und nerma losglossn. Sogoa wie er gongen is, hon i nit losglossn. Heit denk i hinta und fühl mi schuldig. Es tuat ma so lad und des hon i ihn bis heit nit gsog. Oba i denk, doss er des so oda so gwusst hot. Doss i domols nit bereit woa.
Kurz zum Sexleben, wos a große Rolle im Leben spielen kann, aber nit muss.  Libido? De Lust auf Sex. De hob i in der Jugend nit ghobt. Ohne Witz, hob i mit anigen Mädels geredet, de a von dieser Trockenheit gredet ham und des „i wü nie.“ Kan Bock auf Sex? ALSO NIE? Des hot nix mit dem Partner zum tuan kob. Der woa e a Schnitzi, lei woa mei Hormonhaushalt auf „nit schwanger wern. Also a kan Sex ham“ Und wenn man de Fiaslen brat gmocht hot, hots weh geton. Also homa e mit Sex nix am Huat ghobt. Woa eher a Muss, stott an Genuss. Alle Mädels, de sich derzeit so fühlen, des wird besser. VERSPROCHEN. I woa glott erstaunt, wie glustig man so wern konn und wie oft man täglich Sex ham kann. (Keine genaueren Details haha.)

Mei Charakter? Seitn absetzen so vü mehr wert. Domols höchstens 2000 Euro wert, heit guate 3,5 Millionen. I bin ka Angsthos mehr, i hob damals vor ALLEM Angst ghabt. Verlassen zu wern, vorm Frech sein, vor anderen Mädels, vor Herausforderung und neuen Abenteuern. Heit red i sogoa auf Instagram, obwohl i mei Stimm nit soooo mog. Blea mi nerma on, wenn a Mädel Kritik gibt und was genau, doss mei Boy nit so depat is und woondas hin geht. Mei Selbstliebe hot nit nur mi weitergebracht, a meine Menschen im Umfeld und najo.. eich jo a. Ohne des Absetzen der Pille tats den Blog FIX NIT GEBEN!! Wieso? Weil i mei damaliges damaliges Ich kenn. Do woan Filter meine BFS und halbgsichtige Fotos hahahaha.  Heit konn i normal fremde Leit onruafn, i hülf mir Unbekannten unaufgefordert auf da Stroßn und wenn mi wer beim Fuat gehn bled ongreift, reagier i und loss des nerma über mi ergehen.

Jetzt zur häufigen Aussage: I HOB ONGST VORM ABSETZEN. Ich wiederhole mich gerne: jede Frau muss irgendwann mal de Pille absetzen, egal wann. Schwangerschaft oder der Wechsel, irgendwo holt eich schon ein. Außerdem Ongst hob is depat, liaba Respekt. Respekt vor Situationen, de man noch nit kennt is normal.
Gonz wichtig is, doss ihr duachholtets. BITTE. Nit noch 3-4 Monat wieder de Pille nehmen, weil des anfocha is. Damit fickts ihr lei eian Körper. Ungefähr 6 bis 18 Monats dauerts, bis eier Körper sich eingestellt hat. Dann geht eia Leben (vielleicht besser) weiter.

I hon 6 Monat kane Toge ghobt. Geil? NA. Schwitzt man lei uma, doss man schwonga is. Donn sein meine Hoa ausgongen. BRUTAL. A Haarsträhne gesehen, angegriffen, ausgerissen. Hätt i nit so vü Hoa am Schädl wa do a Glotzn gwesn. Schlechte Haut? Minimal. I bin vü greist, daher hob i generell schlechtere Haut grod und des Wossa in St. Pölten und Frankreich woan a nit so super. Wegen dem Abnehmen oder Zunehmen sog i lei so, des is bei jedem verschieden. De anen nehmen ab, de ondan zua. Oba gonz ehrlich, is des egal. Sobald man beim Absetzen sei Körpergefühl zruckgreg und Selbstliebe erlernen kann, spielt es Gewicht ka Rolle. I hab fast 10 Kilo anbgenommen, aber da war eben die Trennung a a Grund. Weiters hab i de Pille echt nach der Trennung abgesetzt nach dem Motto „I HOB NIE MEHR SEX“ Jojojojo.

Bitte setzts de Pille nit aus Gaude ob. Beredets des mit dem FA und machts eich an Plan, wie es weitergehen soll. Anfoch mol aufhern und donn nix tuan, is nit gscheid.

Bitte durchhalten, des is eia Körper eich wert.

Mei Gschicht is MEINE. Daher bitte nit so judgen und erlauben zu sogn, doss des olls depat is, wos i so man. 🙂 Oder bitte vaklogs mi nit, wenn ihr eben nit wie i obnehms oda bessere Laune gregs. Wenn ihr vom Absetzen a depressive Verstimmung habs, is des bitte nit mei Schuld.. Und de Oaztrechnung zwecks da schlechten Haut danach brauchts ma a nit schicken.

Wie i heit verhüt? Des mecht i anfoch nit online stellen. Find es voll ok, wenn Mädels natürlich verhüten oder lei mit Gummi oder a Spirale verwenden und des erzählen. I moch des nit, weil i a nit sog, wie oft i Sex hab und wie mei Kontostand lautet. Es gibt Dinge, de muss man nit sagen. Aber dennoch hoff i stoak, doss i eich gholfn hon.

Und nochamal: Sex ohne Kondome und dafia donn schwonga mocht es a nerma besser, wenn da Sex dadruch „geiler“ für ihn woa. Eia (Sex-) Partner hot gfälligst a dafia zu stehn, doss ihr de PASSENDE Verhütung verwendets. Spoiler: Sunst solltets den Bettnachbarn wechseln.

Ihr seid lieb. ❤️