I hob ihn wieder mol getestet..
Sodala, de Welt braucht wieda amol a bisi Witz und Humor. Werd jo vü zwenig glocht.. und gveglt! Auweh, so a Thema schon wieda? Es werd funny und i glab, am Abend gehn de anen und de ondan noch nit glei beleidigt und ongfressena liegen sundan.. schaun sich senan Parnter amol a bisi genauer on. Let’s go.
Sollte eich der Text etwas zu sexitisch vorkommen, i find ihn um ehrlich zu sein sehr realistisch und glott aus dem Leben gegriffen. I mach hier Männer nit zu an Objekt und Frauen nit zu Antihelden. I bring eich anfoch a poa Lochfoltn und vielleicht denken di anen und anderen a bist um.
Aus dem Tagebuch der Annika E., 36 Jahre alt, verheiratet seit 8 Jahren, in der Heimquarantäne mit ihrem liebevollen Mann Thommy.
„Was für ein Leben. Liebes Tagebuch, du glabst ma jo goa nit, wos mir passiat is. Bin immer noch a bisi zittrig und sprachlos. Oba von Anfang an..
Meine Fenster strahlen wieder wie nei. So sauber wie unser Heisl grod is, kennt ma es glott weiterverkafn. Piccobello. Olles. Sogoa des Scheißheisl glänzt, fost zschod zum Gschäft verrichten. Nitamol irgendwo findet man a Staubkerndl. Donn hon i meine Schuach amol geputzt. Gonz vagessn, doss meine StanSmiths goa nit grau sundan weiß san. Bam Kostnausmistn hon i a Gwond gfundn, des i mei Lebtong long noch nia gsegn hon. Mit Preisettiket und ana Greß, de i noch in da Schul getrogn hon. XXS, heit XS *zwinkazwinka* Oag wie vü Frau eigentlich hot und goa nit braucht. Meine Tuppertschreapnen hon i a amol durchgschaut und bei meiner Tuppertante glei mol gefühlt 429 Deckl nochbestellt und an Haufn Eingfrierboxn. De vateil i nämlich imma brav, oba segn tua i de nie mehr.
Jetzt hon i donn kurzzeitig Netflix fia mi entdeckt. Dank Magic Mike hon i glott mein Womenizer mol wieder in Action bringen miasn und huch. Der konn so vü. So vü guates! Donn hob i ma versehentlich olle 3 Staffeln Haus des Geldes in 3 Tog einegezogen und sitz ungeduschta, mit fettigen Hoan und Pizzaresten um de Pappalatur do. De 4. is gleich online, i beeil mi e mit Schreiben! Noch ana ausgiebeigen Dusch und an klanen Beautyprogramm gehts ma oba e wieda recht guat. De Sucht deaf nit über mi kemen.. und schon hon i es 2. 3000er Puzzle zommdabaut, bin i a Brain! Leider gibs grod an Puzzleengpass und i konn jetzt amol nix mehr puzzeln. Also lesen. Jedes anzelene Buach von da Jojo Moyes und Nicolas Sparks hon i vadruckt und ausadableat. Auf Deitsch und Englisch! I sogs da, i hon ma glei a guate guate Augencreme bestelln miasn. Sunst kim i aus der Quarantäne 3 Joa ölta wieda ausa. Puh.. Mit Yoga und an Selbstliebekurs hon i mi a beschäftigt, weil i es wichtig find, doss i mi lieb. Daher is de Augencreme wieder abbestellt. Folten machen mi jo nit zu an ondan Menschen und mir is jetzt a mehr egal woan, doss i jetzt 4 Kilo mehr hob. Liaba +4 Kilo und happy ols -13 Kilo und nit zfrieden.
Olles is geputzt, mei Netflix Watchlist is durchgschaut, mei Biacharegal ausglesn, olles verpuzzelt und verramt. I hon nix mehr zum Tuan. Es naht die Langeweile, de mi auffressn werd. OMG. I hon schon so Ongst davua, wie vua de ersten grauen Hoa. De sein ma jetzt oba a egal woan.
Donn is ma oba noch wos eingfolln. Wos eigentlich den gonzen Tog lei umasitzt. Vuam PC und BUMBUM Spiele spüt. Oda man sog dazua „HomeOffice.“ Mei Ehemonn.
Hätt i nit so an großn Gfriaschronk, von dem er sich 4 Tog ohne sich zu melden bedienen kennt und wär da Biervorrat nit für 6 Wochen aussreichend, hätt i des Wesen jo schon glott fria bemerkt. Er durchlebt grod an zweiten Movember und rasiat sich nerma. Fia den guatn Zweck *zwinker*. Auf olle Fälle hon i ma gedocht, vabring i wieder mol Zeit mit ihm. Greif ihn on, loss ihn bisi kuscheln.. Wissts e. Wie long es letzte Mol her is? Werd wohl V-Day gwesn sein. A na, do hon i Kopfweh ghobt. Also muss es Silvester stottgfundn hom. Na do woa des Problem mitn Juckn.. Weihnachten? Zvü gessn.. Ok muss da 2. Advent gwesn sein. De Zeit vageht!
Also wieda mol Sex. Er und i. Und huch hot er überrascht gschaut. Drei mol hot er gfrogt, 0b i wohl ka Kopfweh hon und ob olles ok is. Liab. I konn lei sogn, des mit da Zunge hot er nit valernt. Lei seima nerma so fit, wie domols. Wie weit i do noch meine Fias ausanonda greg hon he.. Grund genug wieda mehr zu Yogasieren! Und de Ausdauer is holt a nerma de gleiche. Oba Sex is Sex. Es woan echt schene 15 Minuten. Muss i schon sogn. I glab, in 2-3 Wochn werd i ma des schon noch mol gönnen. WUHUUUU. Befriedigt schaut de Welt irgendwie bisi easier aus.“
Also bitte seids ma nit bes. Hier will i niemanden a schlechtes Gewissen machen oder zu irgendwas zwingen. Wer glocht hot oda wenigstens gegrinst, hot mei Tagesziel erfüllen lassen. I kenn viele Mädels in mein Olta, de nit eftas Sex ham. Sex is a Nebensache, zwoa de schenste der Welt, oba immer noch nix komplett wichtiges. Oba in Zeiten von Quarantäne a echt siase Ablenkung und Zeitvertreib. Probiats es aus, überrascht eure Männer & Frauen. hihihihi.Auf de Kondome nit vergessen. Babyboom 2.0 brauch ma nit.
Genug gewitzelt, es geht am Sonntag ernster weiter. Nämlich zu an Thema, über des sich wenige im Internet äußern. Oba irgendwie liegt des ma auf da Zunge oder eher in de Fingerspitzen und i wü drüber tippseln. Bleibs gsund, meine Blümchen!