Huach auf dei Herzl.
Hoch die Hände, …. Verdammt. Moch ma ondas.. Hände hoch, wer schon mal hören hat diafn „HEA AUF DEI HERZL.„
Nur, wie soll des gehn?
Wie soll i oll de Signale verstehen? Es hupft, wenn er ma übers Gsichtl streicht. Es tuat weh, wenn er ma nerma hinta schreibt. Es brennt so richtig, wenn ma auf da Tonzfläche stehn. Es friert kurz ein, wenn i was über Vergewaltigung und Hass les. Es geht auf, wenn i irgendwo siase Hundewelpen sig.
Mei Herzl mog vü, lei mein Verstond nit so. De zwa sein Tog und Nocht. Winter und Summa. Apache und Ed Sheeran. Bades super, lei nit zomm.
Natürlich tat i am liabstn glei hupfn, wenn mei Herzl schreit. Lei.. wär des so gscheid?
Manst nit, doss des lei so semiguat wa? Und donn nimm i mein Vastond jo nia wa.
In welchen Angelegenheitn deaf i naiv sein und aufs Herzl hean und wo muss mei Hirn amol Hallo sogn?
Natürlich sein Entscheidungen a la „Des schmus ma jetzt ob“ schnell getroffen. Lei solche Dinge wie „Kündig ma den Job.“ oda „Reich ma de Scheidung ein“ oda „Geh ma noch Paris.“, Entscheidungsende quasi nie.
Es Herzl wird oag in Onspruch gnummen, sein schon an, zwa Mackn dazua kummen. Ongschoddat is es bei anigen, zrissen bei ondre und bei manche holt lei bisi ongeeckt. A unberührtes, unbeschädigtes, weiches Herzl hot a kaum wer. Der hot donn jo nit gelebt. Denn zum Lebn kert der olt bekannte Herzlschmerz dazua.
– Gedanken eines durch und durch Herzlmenschens.
Also hea i auf mei Herzl. Des schreit holt lei „GLÜCKLICHSEIN.“ Wenn i glücklich bin, is es zufrieden. Wenn i glücklich bin, gehts mir guat. Mei Glück über ollem, des will mei Herzl. Da Vastond bellt do oba eine. DU bist deinen Eltern wos schuldig. DU musst Verantwortung gegenüber anderern Menschen tragen. DU musst wie a erwachsener Mensch denken und handeln. Des bedeitet DU darfst nit impulsiv und spontan und leichtmütig sein. Niemand kündigt an Job anfoch so. Niemand geht anfoch ins Ausland. Niemand darf sich scheiden lassen, wenn er Kinder hot. Olles dumme Herzlentscheidungen. Wer sog des? Sia ka Herzlmensch, sundan de rationalen Vernünftler. De Menschen, de bevua se en Kuchn essn tatn, on de Kalorien denken und de Zuckerfalle. De Menschen, bevua se sich finally trennen liaba zwecks Gewohnheit banond bleiben. De Menschen, de bevua se Risiko eingehen, longweilig leben und sich donn mol frogn „What if?!“Oba loss ma jetzt jo kane Team Gehirn Mitglieder unser Herzensgefühl wegnehmen. De miasn sena eigenens jo a erst findn.
Also egal, welche Entscheidung du grod triffst. Kind oder ka Kind. Neia Job oda olta Hockn. Auslondssemester oder daham bleiben. Spanisch oder Französisch. Neie Beziehung wagen oder liaba wieda glei lossn. De Entscheidung ghert dir und dein Herzl. Schau, wos es grod will und wie vü es vakroftet. Weil i glab a 5. Mol a Scheidung durchziagn geht vielleicht bisi leichta von da Hond OBAAAA tuatn Herzln sia nit so guat. Es 3. Mol in dem Monat beim Oazt huckn, weil dei Piercing, des du da am Diskoklo stechn host lossn, sich entzunden hot, woa vielleicht rational betrochtet anfoch Mist. Jetzt 15 Joa an Merce -AMG GLE 63 Coupé leasen zu diafn, woa a ka heller Moment. Wos i damit sogn will.. nit jede Herzlentscheidung muss sufuat mit HIRN OFF durchgezogen werden. Ok? Bisi Bedenkzeit schodet nie. Aus bei Eis holen, des geht immer. Vor ollem Himbeer und Schoki. Geht immer immer.
I don’t know where you’re going and I don’t know why,
But listen to your heart before you tell him goodbye
And there are voices that want to be heard
So much to mention but you can’t find the words
The sense of magic, the beauty that’s been
When love was wilder than the wind.
Herzlkacke is ka Wissenschaft. Ongebeblich. Lei, Medizin is a Wissenschaft und Mediziner behandeln es Herzl wie Gott.
Wal es Herzl > Hirn. Es is 100 000 x elektronisch stärker und 5 000x magnetisch stärker. Ohne Scheiss.
Es Herzl is King. Wer losst uns am Leben? Hirn oder der Herzschlog? Haaaaaa. 2:0 Herzl. Es schickt en Hirn a mehr Infos, als es Hirn ihm gibt. Nix mit geben und nehmen do.
U know de Energie zwischen zwa Menschen.. Herzl sei Dank. De Herzlfrequenzen passen anfoch guat zamm.
Herzlkacke is so irre, unglaublich, spürbar und doch.. so trocken, theoretisch und wahr. <3
I bin Team Herzl. Egal, ob i 16 woa, 22 bin oder 47 wär. Imma Team Herzl. Imma MEI Glick.
Zum Obschied noch a Gedichtl. Ka selbstgschriebenes, dazua reicht mei Talent holt amol nit. Also Copy and Pasta. Haha.
Hör auf dein Herz
Ein Gedicht von Filomena ZepernickWenn wir zu viel denken,
lieben wir nicht,
wo wir zu viel lieben,
denken wir nicht,
tritt vor den Spiegel
und schau in dein Gesicht,
der Verstand kann nur reden,
was dein Herz zerbricht,
höre auf deine innere Stimme,
die deiner Seele Frieden bringt,
sie sagt dir was Wunderschönes
das nur die Liebe singt.