Wenn du eben nit valiebt bist.

Wenn du eben nit valiebt bist.

14. Februar 2020 2 Von Laxobu

Verliebte gregen an Briaf, der sena Gefühlsloge bisi beschreiben. Ihr gregs anfoch an fia eich.

Happy V-Day.

Liebes,

heit is ka Tog zum Struggeln und nervös wern. Ok? Werd da glei sogn warum. Oba fong ma mol klassisch on.
WOS FAN GUATN POPSCH DU HOST. Puh, do wird ma gonz has. I hoff, du ziagst heit no dei fav Jeans on, in der er no bessa ausschaug. Weil mir gfollts, wenn du Sochn onhost, de da selba taugn. Des Gefühl, doss du di wohlfühlst, strohlst du noch ausn.

Oba um ehrlich zu sein, strohlst du schon so oda so. Du klana Sonnenschein. Du bist jo de Sun höchstpersönlich mit dem Strahlelächeln. Vor ollem de siasn Lochfoltn rund um de Augn, liab liab.  Generell wü i, doss du nie vagisst, doss du ma mit an Lächeln bessa gfollst. Und dir selba jo a oda?

Lei weil heit da berühmte V-Day is. brauchst nit manen, als Single alan umazustarten. Du bist so liebenswert, des wast du genauso guat wie i. Vielleicht hot di dei Traumboy nit zum Date gfrogt, oba des spielt doch nit zwingend a Rolle. Is er überhaupt dei Traumboy? Und wieso frogst du nit selba? Und am Ende wirst du so vü Dates noch ham, glab ma, auf des kims nit drauf an. Und des Mädel, des da nerma antwortet, vergiss es. Entweder es kimt noch wos oda eben nit. De Chance steht 50:50 und hautpsoch du kimst glücklich aus da Soche ausa. Es is so leicht zu sogn, doss olles so anfoch is. Oba du werst auf meine Worte hinta denken und lochn miasn. Es woa doch echt olles nit so wüld, wie du grod glabst. Klana Tipp: Glab deinen Gefühlen und Hormonen nit olles. Grod bleast, weil du da den Ben& Jerry Tegl alan einemampfen musst. In 3 Joa wärst so glücklich, amol in Ruah alan a Eis essen zu kennen. Wir sein leider zu selten glücklich mit dem. wos ma hom. I was awohl.

Vielleicht triggern di heit oll de fancy Instaposts von den happy couples. De anen foan Urlaub, de ondan essen romantisch und wos des Paarle do vua hot, is uns egal.. Soll i da wos sogn? Leg es Handy weg. Konsumier bitte lei Content, der dir a guat tuat. Zweitens glab i, sein de meisten Momentaufnahmen echt weit weg von „Momentaufnahmen“. Gonz vü is lei inszinierte Scheiße. Gonz anfoch.  Und wie romantisch is a Candle light dinner noch dem Fotografieren, wenn man sich onschweigt? Oda wie fad is da Urlaub, wenn bade lei ins Handy glotzn? Glab ma, oft verpasst man goa nix und is umsunst neidig. Fia deine Mädels/ Freind, de heit richtig cute Dates ham, kannst di aber gern mitgfrein. Weil de sich ba dir a mitgfrein tatn. Unsa Chrisimaus haut sich heit a Schoko-Fondue obe mit ihrn Schatzikatzi, WUHUUU. Unsa Thresl foat Italien obe und sippt Coffee, WUHUUUUU. Unsa Caro foat Urlaub, WUHUUUU. Mitfreude is sowos schenes und is a so wichtig.

Solltest du holt gonz und goa nit alan sein wollen heit, gib i da an Tipp. Ruaf de Leit on. BFF, Mutti, Oma, Brudi oda alte Schulfreindin. Meld di anfoch und mochts wos. Coffee, Spazian oder Netflixen. Oda schreib Menschen an Briaf, hüft a volle.

Solltest du heit den Valentinstag goa nit vastehn, tuats ma lad fia di. I hoff, du spiast sobald es geht Liebe. Obwohl de Selbstliebe wohl de wichtigste Priorität is. Hoffentlich findest du bold de Liebe zu dir. Wal du da Wahnsinn bist. Erkenn amol dein Wert, erst donn kennen ondare ihn a erkennen. Du mochst es da Menschenwelt a bisi schwa, wenn du so toll bist und des verstecken probiast. Zag di und dei supastoakes Löwenherzl. Mit Stolz, mit Begeisterung.

Am Ende is heit e lei a Tog. A normaler. schener Tog. Moch a Tamtamm, wenn du wüst. Moch ka Tamtamm, wennst nit wüst. Oba präsentia di von da bestn Seitn, fia di selba. Schaug di kurz in Spiagl on. Sei stolz. Sei anfoch du. Und sei amol zufrieden.
Host jetzt Bock auf Pizza? Gönn dir. 8944 Kalorieneisbombe? Gönn dir. Schaumbad? Gönn dir. Maniküre? Gönn dir. A Glasl Vino? Gönn dir.
Oba nit lei weil heit V-Day is, sundan weil du dir immer gern wos guates tuan darfst. Oda sollst.

I bin so so SOOOO froh, di zu kennen. Doss i da so noh stehn darf, is glott a Ehre. Soll ma uns Siezen onfongen? Oda reicht es, wenn ma uns endlich die Liebe gestehen?

dei in di so verliebtes ICH.

PS: Noch an Briaf on di. Du bist so stoak