Lossts uns den Valentinstog!
Morgen is, welche Überraschung, da 14. Feber. A gonz a normaler Tog, Freitog. Oba trotzdem is es da Valentinstog und loss ma den bitte anfoch schen sein. Fia de, de ihn holt megn, schätzn und sich wos awoatn. Lei weil des kan Bock auf des hobs oda maybe „lächerlich“ findets, muas es nit de Welt wissn. UND IHR BRAUCHTS DAMIT A NIT ONDRE ONSTECKN.
Mir is schon bewusst, doss des a komplette Wirtschaftsfalle is und Leit wie depat Schoko, Schminke und Schmuck kafn. Natürlich is des zu an unangenehmen Buisness woan, des mit Ostern mitholtn konn. Freile is es depat, wenn Leit, de sich de restlichen 354 Tog nit ums Schatzi kümmern, an dem Tog mit rotn Rosn vua da Tia stehn oda sich amol Zeit nehmen. Oba so ane Menschen wü i goa nit verteidigen oda beschützen. In solchen sorry oba ausgelutschten Beziehungen will i nit stecken und beschäftig mi damit nit und basta. Mi hom a glott a bisi de Nachrichten á la „i hoff mei Freind schreibt ma an Briaf. OBA DER TAT SOWOS NIT TUAN“. Wal brauch i an Freind, der des nit tuat und i des oba wü? Und wieso erwoat i ma Sochn, wo i was, de sein nit realistisch? Und äääähm wieso sog ma anfoch den Boys nit wos ma wollen? Konn mi leida so schlecht in solche Dinge hineinversetzen, weil i (eigentlich) lei Typis date, de sich um mi bemühen. Und weil i fia de ondan a Nulltoleranzgrenze hon.
I bin holt eher auf da romantischn Seitn. I finds liab, wenn i Bliamlen oda Briaf greg. I finds süß, wenn a Paarle fria de Party valossn, weil i was de gehn mausan. I find es voll schen, Verliebte zu segn und sena Energie zu spian und ma de Sterndlan in de Augen. ❤️ Fia mi hot Liebe holt doch an Wert und i glab i bin nit alan damit. Ohne zwingend verliebt zu sein, kann man all des megn. Mir steig nit da Neid auf, wenn i Paarlen sig. I bin nix eifersüchtig, wenn i sig, wie happy zwa umaturtln. I gfrei mi. Missgunst wa ma zu anstrengend. Ob i zvü Biacha lies? Maybe. Hot mi „To all the boys i loved before“ a bisi hirngvegelt? JO PETER KAVINSKY I LOVE U.
Konn sich wer von eich noch an letztes Jahr erinnern? Do woa i jo noch in Frankreich und recht alone. Und da ham de Betreuer sich gegenseitig Schoki geschenkt, de Kids ham uns Blümchen gepflückt und Kärtchen gemalt. Und weil i am 14. halbtags garbeitet hab, bin i in de Kuchl und hab ma selba an Kuchen gebackn. #selbstliebe
I werd morgen am Valentinstag wieder was backen, nur diesmal teil i des. Segs ihr? Doss es egal is, wie man sich grod fühlt und wie da Lebensstand grod is, du konnst IMMA guat zu dir und ondre sein. Und du konnst den Valentinstag als Single genauso schön machen und feiern. Du konnst holt anfoch jedn Tog feiern und lieben.
Am V- Day gehts doch nit um den Kommerz- Schas. I find do gehts um sich Zeit nehmen. Bewusst. Nit des klassische „wir gehn zamm liegen wie jeden Tog“. Klane Geschenke sein lei Gesten, grod fias Herzl. Bewusst Zeit nehmen, ohne Handy, ohne Stress und ohne Streit, sondern sich bisi entspannen und redn. Ka Ahnung, i mog des. ♥️ Da i selba ka Beziehung hab, wie ihr wissts, hon i bei Freundinnen bisi gfrogt und hjo. Trotz langjähriger Partnerschaft greg es Hasl wos. Und se mochn was zamm. Aber am Ende daten se sich e regelmässig. So funktionieren a guate Bziehungen.
Sollte morgen irgenda Paarle voll kitschig a Candle-light-Dinner ham, ENJOY. I hoff, da Verdauungssex danach is genauso guat hihi. Solltets ihr genau morgen es Mädel eirer Wahl frogn, ob sie eicha Freindin wern will, BOY U ROCK. I selba kenn sowos wie Monatstage nit, oba ihr seids do sia nit alan. Wenn ihr morgen wen endlich gestehts, doss ihr valiebt seids, TUATS ES. Ach lossts de Herzlen und Schmetterlinge lei so fliagn. Hobs jo nix zum valian. Und donn sog i liaba amol zvü, wie gern i wen hon, als amol zwenig. Richtig? RICHTIG.
Natürlich nervt mi da V-Day bisi. I bin abgezipft. Oba nit von de Leit, de ihn spian und feiern. Sondern von den doofen Werbungen, wo i ma denk „Eicha Ernst?“ Du muast nit am Valentinstag unbedingt a Werbung fia Alk mochen a la „Wenn du Single bist, konnst lei saufn.“ NA NA NA. Oda i find es a irgendwie komsich am Valentinstag von mein Freind an Fitnessgutschein zu gregn. Klingt noch „Nimm bitte lei bisi ob, so taugst ma mehr.“ Und wer mi noch bisi onkotzt, sein de Valentinstagshasser mit so semigeilen Memes, wo meistens Kotze dabei is. Sorry, doss ihr weder Selbstliebe noch Liebe noch irgenda Mitgefühl empfindets. Wal i find, wenn man sich nit fia ondre mitfrein konn, is des schon problematisch. Neid is a Hund. Also wenn ihr den Tog so depat findets, postets des nit ins Internet. Und ihr miasts a eire Dates nit ins Internet stellen. Weil i find, offline is es Leben a bisi vü schena. Wennst den richtigen datest, host du a nit dei Handy in da Hond, sundan sei Hond oda sei .. u know. Oda a guats Glasl Wein. Najo wie a immer, i glab i hon gnuag zu dem Thema gsog.
Also wenn eich da Valentinstag onfuckt, ok. Oba bitte bitte bitte lossts ondre, de nit so an Grant auf sich selba hom, in Ruhe den Tog genießen.
Ob i da Date hon? WÜSSTETS GERN. ‚
I sog amol so, es braucht kana von den Herren auf de Idee kemen, mi gonz cringy per DM onzuschreiben und um a Date zu frogn. I konn eich auf 3 Sprochn fließend abblitzen lassen. Spoats eich de passenden „I hon Pianofingalen, i konn di perfekt massian“ oda „I was genau wos du willst!!“ oda des „Mi als Date und dei Leben is perfekt.“ Danke, oba na danke ❤️
Auf olle Fälle hon i fia eich morgen a Überraschung. Oba lei fia de, de es a wollen.
Morgen in da Fria en Blog checken.
Bussis.
