WHAT IF..

What if I never met you last night
What if I did, what if I didn’t
What if we never got drunk that day

Diese Textzeilen schiasn ma imma ins Kepfl, wenns um Thema Wos wäre, wenn geht. Huachts eich des Liadl a on, guate Scheibn. BTW sein olle meine Songempfehlungen guat. Just sayin. Wir könnten oba den Blog a oldschool starten mit „Wenn das Wörtchen WENN nicht wär..“.

A Followerin hat (wieder mal) den Drang ghabt, ma an Schwank aus ian Leben zu dazelen. Am Ende woas eigentlich irgendwie so a 0815 Storie. So is es Teilen der Gschicht echt ka Ding, weil vermutlich olle von eich so a ähnliche Erzählung kennen. Start ma mol mit der Storie und gehen dann über zu dem Senf, den i dazua geben will.
Und apropos Senf.. oh gott i fühl mi wie Gemischtes Hack, wo de Jungs von Dior Seidenhemden aufn 3. Nippel von Felix sein olten Schulkolleg kemen und donn auf amol über FEIGENSENF brabbeln. Back zum Thema: Senf.
I find jo bei den Standardsaucen Senf, Ketchup und Mayo is es so. Eindeutig Senf > Ketchup> Mayo. Nix geh über Senf. NIX. Und Ketchup und Mayo kert eigentlich zammen. Hatets mi oba so is es.

Sie 14, jung und naiv.(Nächster Musiktipp!). Er 17, hormongesteuert und a Reissa. Betrunkene Schmuserei, bisi Schmetterlinge und an Haufen Schwärmerei. De Woschmaschinenaktion, de er mit seiner Zunge obgliefert hot, bleibt ihr gefühlt ewig in Erinnerung. Übrig bleibt sie, verliebt und verletzt. Weil des woa einmalig, des woa s jetzt. Es kimt ka Message über Facebook. Sie leben weiter. Getrennt. Segen sich monchmol, oba najo, gschmust werd wo ondas. Donn holt sie ian Bruada bei ana Hausparty ob, mittlerweile darf sie Auto foan. Es sein de Joa ins Lond gezogen.. und sie is „erwochsn“. Ihr Brudi, leicht beschwippst, losst grod sein Frust über de semigeile Party aus. Wer olles do woa, wer wieda mol zvü dawischt hot und de Chefinnen aka Freindinnen seiner Friends hom sich wieda aufgebaut. „Do woa a so a Kerl, der hot mi wegen dir belästigt“ ratterratterratter.. 31 Treffer. Wen er jetzt wohl erwähnt.. Da X. „WOS?“ „Der mant, er woa damals eeeeeeeeeeeeeeeewig vaknollt in di, hot lei de Eia nit ghobt es dir zu sogn. Des is jo 8 Joa her, i man. Kimt bis heit nit drauf kloa, doss da nix woa. Außa 3 Bussis. Oama Kerl.“ Brudi schläft ein. Sie is quasi alan mit ihren gemischten Gefühlen grad. Heit is sie 29 und glücklich vergeben und beruflich erfolgreich und anfoch happy. Oba es gibt de Toge, do riacht se irgendwo Lavendel. Sowie damals in dem Kräutergarten von der Hausparty, wo er sie geküsst hat. Irgendwo sig sie rote Chucks, die er zu Tode getragen hat. Irgendwo hert sie es Woat „Puppele“, sowie er sie immer gnannt hat. Und dann denkt sie an ihn. Und frogt sich, wos wa gwesn.. Wenn sie gsog hätt „Du i steh auf di.“ Oda wenn er seine Gefühle gestanden hätte? Jo wos wa gwesn..

NIX WA GWESN, WEIL DE VERGANGENHEIT OBGSCHLOSSN IS.
Wäre er da Richtige, hätt er damals was gsag oda wenigstens es Universum hätt eich zamm gebracht. Olles hot irgendwo an Sinn, nit olles konn wos wern, es kimt e wie es kimt.
Wos wa gwesn, wenn du den Job doch nit angenommen hättest? Wos wa gwesn, wenn du doch ins Auslond gongen wärst? Wos wa, wenn ma de Zeit zruckdrahn kenntn? Wos wa, wenn i des vahaun tat? Was wa, wenn ma uns nie gsegn hättn? Gedankenfickerei deluxe. 

Dieses KONTRAFAKTISCHE Denken (google es, es existiert!) spült mit uns a Spiel, des ma lei valian kennen. Erlebnisse, de erst passian wern oda schon vergangen sein, wern in unsan Kepfln so durchgspüt, verändert/ MODIFIZIAT und uns anfoch tamisch mocht. Situationen auf de wir so oda so kan Einfluss mehr hom, kennen sich nerma ändern. Und sorry, diese Wahrscheinlichkeiten, de wir uns aus da Nosn ziagn, sein sowos von sureal, doss es schon fost an Unmöglichkeit grenzt. Beispiel gefällig? I kenn eich jo.

Er schreibt nit hinta. Wos is passiat?
‚1. er is auf da Oabeit und hot anfoch ka Zeit grod aufs Handy zu schaugn.
2. er interessiert sich nit fia di.
3. er hot grod vermutlich Sex mit dem Mädchen, des du goooooanit mogst und de er in seiner followerlistn hot.

Was wäre wenn, des Mädel, mit dem du zamm bist, lei mit dir zamm is, weil dei Schwanzl so groß is??
OLTA FREIND GLABST DU IM ERNST SIE TAT DI DONN DAHAM VUASTELLEN? 

Wir sollten echt olle gonz dringend aufhean mitn KONTRAFAKTISCHEN Denken. Im Ernst. Des tuatn Bluatdruck sia nit guat und des sog i jetzt gonz ohne medizinischem Wissen.
Wenn du a Wundn host, deafst do nit ständig draufgreifn. Des geht donn ima wieda auf und de Heilungsphase dauat EWIG. Des gilt fia körperliche und seelische Wunden.

Natürlich hama schlechte Tage, wo uns diese Frage beschäftigt. Aber Psychologen warnen, dass des in Depressionen treiben kann. Und egal wie „schwach“ de Form is, Hilfe braucht man. Solltets ihr eich zvüüüü Gefanken um abgeschlossene Dinge machen sei es a Trennung (de nit erst 2 Wochen her is sondern 6 Joa Oda so), a Todesfall, a Unfall, a Fehler .. holts euch Hilfe. Ehrlich. Is nix dabei, ausa doss es eich donn bessa geht. ♥️

Weil Schatzi, wir könnten das den ganzen Abend spielen. Was wäre wenn. Gerne. Aber besorg uns an Wein. Dann red ma über Dinge, de du nerma beeinflussen kannst. Als nächstes widme ma uns dem Thema, ob wir wie April aus Greys unsere Jungfräulichkeit zurück erobern können und dann wem anderen zu schenken. Und donn werma unsre Sternzeichen umpolen und unsere Augenfarben ändern. Es gibt Dinge des Unmöglichen. sorrrrrrrrrry

Wos wär, wenn du anfoch des nimmst wos du host und gregst? Wär a geileres Game. Des empfehlen a Psychologen. Hab mi fia den Beitrag bisi eingelesn um nit kompletten Schwachsinn zu schreiben. Suach da 3 Dinge, auf de Du jetzt im Moment stolz bist. Was sind 3 Dinge, de die glücklich machen. Fällt da des schwer, schreib se da auf, wenn’s da gut geht und kram des dann wieder aus.

Jetzt huachts eich de Liadlen on, please.