Spoa da dein Grant

Woa woa woa. I bin jetzt schon über ana Woche im Krankenlager und es hinterlosst erste Spuren. Bin nämlich aufgwocht und hon ma gedocht „Puh i könnt jo glott an Blog starten, des wär a Idee. Auf Kärntnerisch. DES WERD I JETZT MOCHEN.“ Gratulation, Larissa. Dei Hirn is eindeutig Matsch. Ka Ahnung. wie schädlich Hustensaft fias Hian is, oba onscheinend SEHR. Naja, deshalb hab i dann beschlossen, mi mal wieder vor den Laptop zu schmeißen. Spaß, eher zu kriachn. Und jetzt tipp i mein ersten Beitrag nach Ewigkeiten am Laptop und verwend an Text, der schon seit Februar 2019 aufs Veröffentlichen woatet. Vorgeschichte: Damals hab i voll begeistert Please Like me gschaut. 4. Staffel, de zweite Folge haben mei Fremdschamgefühl gekitzelt. Des hob i übrigens a beim Bauer sucht Frau schaugn. I man, de verkorksten, Mama geliebten Bubis, de nix sein außer introvertiert und liab, tuan ma jo a lad. Auf de wern 3 Schreckschraubn losglossn, de se aus dem Nix onmaulen und umablean. I man Gini, wie soll da oame Paul mit ana Frau umgehen zu wissen? Vorollem mit so ana unguatn wie du es bist. I man de Weibis auf de er sunst so schaug SEIN KIA!!!!

Also i werd eich de australische Serie nit erklärn, dafia hon i zwenig Lust haha. Oba generell is es a echt guat gmochte, humorvolle Aussie-Serie, de irgendwie grundlos beendet woan is. Oba mei, Sex Education 2 hot mi sowos von enttäuscht, don’t talk about this. Auf alle Fälle gehts in der Folge um Betrunkenes fetzen. Do macht man sich Vorwürfe und spricht Dinge on, de man sunst niiiiiiie onredet. Weil wos i nüchtan nit dasog.. BRÜLL I IM GRESSTN SUFF AUSA UND MOCH DAMIT OLLES NO VÜ SCHLIMMA. WUHU.

Gott sei Donk bin i selba nit so ane. I schaug ma des on und probia, doss meine Augen beim Rollen nit stecken bleiben.  Oba wie viele von eich würden sich erschrocken de Hand vom Mund halten und denken „Des bin jo i?“ ?? Jo wie vü von eich? Ha? Seids ehrlich? I kenn gnuag Leit, de so gern nochn 3. oda 4. Glasln mauln onfongen. Na um ehrlich zu sein, kenn i gnuag Leit, de liebernd gern aus dem nix Mauln onfongen.

Es gibt so streittamische also streitsüchtige Menschen. Oba muss daher jedes Zwiebelschneidn zur Diskussion werden? Oda jedes Dinner mit Freunden mit Tränen im Auto am Hamweg enden? Oda aus jedem kurzen Kritikpunkt a Liste von den Fehlern, de da Partner in den letzten 3,5 Jahren gemacht hat werden? Du konnst ihm nit verzeihen, doss er im Juni 2016 liaba es EM-Spiel Belgien gegen Irlandgeschaut hot, anstatt zu dir zu foan? Du wolltest mit ihm lei über a Freindin, mit der du heit sowieso nerma redest, herziagn und hättest e lei an Grant kob.  Kannst du bitte echt dir mal selber verzeihen, dass du so a unguates Wesen bist? Konnst du mit deinen Agressionsanfällen selber umgehen lernen? Kannst du bitte akzeptieren, dass dei Dauergrant der Grund für deine ständige Verkühlung is?
Arnold bringt s aufn Punkt

„Immer wenn jeder anfocht glücklich is, sogst du was Unguates“.

Belgien hot an dem Tog 3 zu 0 gwunnen. Du host sei Herzl sowieso schon long nerma ghobt. Er hot sein 18.6.2016 eindeutig gscheida vabrocht. No besser woa da 2.9.2016. Der Tog, an dem er di valossn hot, um glücklicher zu wern. Und heit am 19.1 2020 hot er a neies, liabs Mädl on seiner Seite, de ihre schlechten Tage in ihrem Tagebiachln veroabeitet und mit ihm generell über olles redet, oba nix auslosst on ihm. Und du bist a nerma so a Grantscherbn wie domols. Zwoa bist immer noch vü zu oft unausstehlich, oba es is so vü bessa woan. Alan bist trotzdem. weil de Männerwelt grantig und zickig nit als sexy und angenehm onsegn. A nit de Frauenwelt und a nit de Hundewelt. Niemand mag grantige Menschen.

„I mogs nit, wenn du mei Gwond nimmst. Tua es bitte nerma und frog mi davua.“ A normale Kritik, nix bes, nix unhöflich. Oba de Tamara greg des in folschn Hols und wü ihr Schwester am liabstn erstechn. „DU NIMMST IMMER MEI GLÄTTEISEN. DU NIMMST DA SOGOA MEINE TYPEN.“ Und grob damit a Story von vua 6 Joa ausa, wo de Lilly mit dem Typ gebusselt hot, den ihr Schwester guat gfundn hot, oba er woa erstens zolt fia sie und zweitens hot sie ihn nur in ihren Träumen abgschmust. Sie hat ihrer Schwester nix dazelt, oba hot trotzdem gspunnen. WHAT THE FUCK?

Martin geht mit de Boys aus. Sei Vanessa sitzt daham blerentiga im Bett und spinnt. Wie konn er lei ohne sie fuatgehn? Bescheißt se sia. Oba per Whatsapp schreibt se lei „Vü Spaß. Tausend Herzis.“ Und er antwortet mit an Danke Bussi. HALLO HALLO. Wie konn er lei nit checken, doss des von ihr gelogen is? (Spoiler: WIE SOLL ER DES BITTE??????) Bin selber per Handy machtlos und versteh den Sarkasmus schlecht und i bin Kaiserin der Ironie. Er kimt ham und sie mocht a Theater. Wie immer. Ach boy. i feel you. Du tuast ma echt lad.

Und nit zu vergessen da oamselige After Fight sex danach, der nichts, rein gar nix bringt außer Aggressionsabbau bis zum nächsten Suff?
Nie werd i de Aussog von an Bekannten vergessen „Ob und zua fetz i mit meiner Freindin, anfoch um on a bisi Sex zu kemen.“ WHAAAAAAT. Ajo, apropos Sex. Nächsten Sunntog gibs donn Teil 3 der Let’s talk about sex Reihe.

Und soll i eich wos sogn? Es werd eich versprochen nit überraschen. Grantige Leit kennen sich anfoch selba nit ausstehen. Und weil se nit wissen, wohin mit dem Grant im Bauch, lossn se es on de unschuldigen Mitmenschen aus. Ungustln!
Lossts des nit zua. An Grantzipf konn und wü i goa nit belehren, sorry oba de Oabeit tua i ma nit on. Oba ihr kennts denen gern sogn „Zupf di mit dein Grant. Spoa da dein Grant. Du konnst es nit anfoch bei mir auslossn. Kim mit dir selba zrecht.“ Donn gehts. Gonz dramatisch. Mit an guatn Beat als Ausklang. Und lochts senen ins Gsichtl! Und sogs anfoch, doss ihr ohne se bessa dronn seids.

Grantnzipfis juckn uns 2020 GOA NERMA!!!

Schenen Sunntog eich und bleibs gsund. ❤️