Liebe Larissa aus 2019

I schreib ma jedes Joa selba an Briaf. An mei Zukunfts-Ich und des mocht so vü Spaß. Imma am 31.12 setz i mi hin und schreib 2-4 Seitlan. Und naja, weil i grad mit Bauchweh am Bettl huck vualauta Lochn, wü i mit eich meiner Larissa vom 31.12. 2018 ontworten. Holt lei de veröffentlichbaren Parts hihi

Liebe Larissa aus 2019,

aus Germkneld is echt wieda a Mohnnudele woan. GOTT SEI DONK. Es woa wohl a hoata Kompf, oba here I am. Mir passn meine Fav Hoselen wieder und es fühlt sich guat on. Oba i find es jo SO erstaudnlich WIE selbstbewusst du de poa Extrakilos mitgezaht host. Des Selbstbewusstsein hätt i heit gern hinta. Leida hon i poa Momente derzeit, do denk i ma, des konn i nit onziagn, weil des lei fia dinne Haselen is. Dabei wär des vermutlich ka Thema. Wieso schaugn Oberschenkel von oben so vü brata aus und sein in Echt e gonz ok? 

Zum Thema Haut, yes sie is besser. Vü bessa. Fost traumhot. Lei bisi trockn, oba i pfleg se brav. Weil i schaug auf mi und nit auf ondre. De Hoa sein jetzt grau und mittellong, 2020 wern se donn richtig geil long.

Den Briaf hon i tatsächlich wie tamisch gsuacht. Den nächsten sperr i bei da Bank ein oda so. I überspring mol den kitschigen Kack und sog da wie es is- i bin glücklich. Sowos von glücklich.

Nix host da mehr gwunschn, als di zu verlieben, Larissa. Und du host di sowos von verliebt. Oba vielleicht a lei ins Verliebt sein? Der Wunsch von de Schmetterlinge im Bauch?
Auf olle Fälle woast du glücklich, verliebt. Doch heit bin i glücklich, verliebt ins Leben. I hab gelernt, doss i meine Prioritäten so setz, wie i wü und nit wie ondre es wollen. I wollt aus Frankreich ham, i bin ham. I wollt de Freindschoft, de mehr Gift enthält wie so a Botoxspritzn nerma, also hon i de Freindin nerma. I wollt mi nit on wen binden, der mi als selbstverständlich sig. LARISSA DU BIST A FUCKIN QUEEN.
Jetzt diafn lei mehr Leit in dei Leben, de es schätzen und de di schon vagwehnen.
Wir stehen bade alan. stoak und glücklich do. Alan is de Definition der Gesellschaft. Dabei kema so e supa zrecht. Uns konn und wo holt kana händeln miasn. Wir sein Prinzesinnen und hom nix vadient wie grenzenlose Liebe und unermüdliches Bemühen. Wer des nit geben konn, konn uns nit hom. Und es Sternzeichen muas passn. 

Pass auf, wos du dir wünscht, es passiert nämlich donn a. Denk on de Sternlan, de du wieder segn wolltest und schau in wem du se gsegn host. Nit olles soll so schen, perfekt und romantisch oblafn. Es is lei es Leben, Larissa. Des muas ka Bestsellerroman wern.

Vua 1 Joa woa Abschied a Thema. Heit is es lei Fernweh. Du host a Lochn in den Herzln der Kids in Frankreich grissn und gonz long nit überrissn, doss des Loch in dein Herzln vü tiafa is. Mit Obschiede homas nit so, oba dafia mit Worten. Damit verzaubern wir de an oda ondaren und bringen se zum (Über)denken und Fühlen. Wobei holt nit jeda unsere Worte vadient hot. Oba wir sein jo herzensguat. Gern geb ma bisi wos ob, weil uns gehts jo guat gnuag. Obwohl ma jetzt mol länga kan Briaf mehr verschicken. 

Leider hots 2019 ka Tattoo geben fia uns, oba vielleicht 2020 glei 2? Grod wär i in der Mood. Oba irgendwie lustig, wenn i dronn denk, doss uns grod 12 Tattoos gleichzeitig ziemlich umghaut hom. Mit ollem drum und dronn. Vom Knia über de Schlüsselbeine über olles. Vielleicht sein Tattos so unsre neien Lieblingsdinge 2020 on ondren Menschen? Who knows.

Mit offenen Mund hon i glesn, doss wir vua an Joa hase 183 Follower auf Instagram ham. Heit am 31.12.2019 seins oage 841 (!!!!!!!!!!!) Leit, de uns folgen, feiern und vastehn. Du bewegst onscheinend immer noch Leit mit dein Blog und host ihn ordentlich ausgebaut. Longsom schoffst du da an Nomen der mit Selbstliebe, Mut und Ehrlichkeit in Verbindung gebrocht werd. Longsom mochst du wos aus dir.
Klassiker, wenn man sog, 2020 setzt man den Fokus auf sich selber. Oba des tuama holt echt. Wir wern uns weiterbilden, verstanden? Egal, ob beim Thema Blog, Social Media, Job, Studium.. wir mochen mehr aus uns. Weil wir es echt werd sein und Larissa, wir sein so gscheide Kepfln!

Auf deiner Wunschlistn sein Sochn gstonden, de hon i olle obhackeln kennen YES. Außa, wenn i ehrlich bin, des wöchentliche Yoga hon i durch ondre sportliche Aktivitäten ausgetauscht hihihihihi. Werd i oba a wieder mit Yoga starten. Und dieses „niemand tuat mir weh“ is irgendwie a gonz guat zum obstreichen. Weil heit sitz i do und bin auf niemanden wütend. I glab, Vergeben hon i glernt.

2020 werma ruhiger, ok? Oba lei a bisi. De Konzertlistn is long. Suach ma uns lei noch Apache- Buddies. 2020 stehst du wieda gonz alan im Mittelpunkt, Larissamaus. Und deine Träume. Du bist a gscheida Teifl. Wir wern bisi in WordPresszeigs investian und bisi Zeit in Logo, Layout und Co steckn. 
Mei berufliches Ziel? 10 k au Instagram fürs SWIPE UP in da Story hahaha. 

I wü di nerma unglücklich segn, Larissa- Vorollem nit, wenn ondare de Schuld dronn trogn. Dafia bist du zvü wert. Du > Welt. Ok? Und dei Aufgob is es,. ondre Mädis des Wissen weiterzugeben… Und a Buamen. Nix mit Neid. Nix mit Hoss. Nix mit Missgunst. We are all in this together.

Also i glab, du bist stolz auf mi.

Hab di lieb,
Larissa