Kärntnerischer gift guide

Kärntnerischer gift guide

27. November 2019 1 Von Laxobu

Ihr wissts jo, doss i am liabstn 5 Beiträge de Wochn schreibn tat. Oba des tat jo kana lesn und Zeit fia so ane Schmähs hon i eigentlich a kane. I nimm se ma holt. #prioritäten
Jetzt vua Weihnochtn muas i oba doch nochmol Gas geben, weil im Dezember kumt jo lei  bis Weihnachten jedn Sunntog plus a Gewinnspiel online. De Gewinnspiele sein fost olle mit österreichischen Brands und passen so zu mir. Bessa gsog hon i eigentlich olles selba a schon. Be ready.

Letzens hots jo schon an gift guide geben, oba jetzt mecht i mi a noch mehr regional bewegen. Kärnten. Des Land der Berge, Seen und richtig coolen Firmen. Wir brauchen kane fancy Marken, de ma nit amol ausdasprechen, weil wir hom gnuag vua da Haustia. Tuats daham einkafn, lossts daham eia Geld und unterstützts eicha Daham. Vüüüüü gscheida.

Ajo und doss ma uns richtig vastehn, des is olles Werbung. Oba unbezahlt. Bei jeder Überschrift mit an * hon i Sochn selba gratis oda günstiger mol greg. Oba weil de Leit so liab sein und i trotzdem wirklich überzeugt bin. Oba transparent will i a unterwegs sein. BTW sein a poa Sochn zwoa kostenlos, oba i schenk se EICH. Generell is de Kooperation donn nit wegen diesem Beitrag entstanden, sondern schon DAVOR. Der Beitrag heit hot sich lei so ergeben und daher erwähn i es nochmal. Weil i will und es gesetzlich a muas. 

A Tiroler schleicht sich ein*
Ok, i muas de liabe Janine anfoch dazua tuan. Weil wir doch IBK lieben und ihr Schmuck so schen is. Handmade und voller Liebe. Mein Mond und mei Sun leg i kaum mehr ob, sein Glücksbringer. Wirklich wos wunderbares und edles. Do konn da H&M Tschatsch einpockn, der e lei 2 Wochn holtegt, de blaue Abfärbung bleibt uns oba 3e.  Die Oambandln von ihr taugn ma voll, do werd i ma glott noch an- zwa holn miasn..

Processed with VSCO with c1 preset

Vitamine schenken woa noch nie so leicht
I lieb Saftln. Karottn- Orangen is mei Fav, oba leida hob i kan Entsofta. Und wenn i an hätt, tat i den nit verwenden, weil de Putzarei tat mi tamisch mochn. Also kaf i vü zoft ane Saftln bei Pep juice. Im Atrio oda City Akarden. Mit da Zeit werd des holt echt teia, oba es bin i ma holt wert. Gscheida wie a Cola und a Coffee und a Sticki Kuchn. Verschenkts holt ane Gutscheine fia den (coolen) Saftladen! 5 Getränke und ihr zohlts 2 Euro weniger.

B4AED9E9-0DDD-4965-917D-C5F7B16D08F2.JPG

Pep- Genusskarten Foto: pep juice

Wellness pls
Wir hom e olle zwenig Zeit, vorollm zum Entsponnen. Oba wenn man des geschenkt gregt, werd man quasi gezwungen, Zeit zu finden. Also verschenkt man Wellnessgutscheine. Oft reicht a Tog und man fühlt sich so vü bessa. Saunieren, lesen, schwimmen, essen, entspannen. In Kärnten konn man des am besten im Badehaus in Millstatt. Warum i jetzt ka mega Wellnesshotel vorstell? Weil i ehrlich sein muas und sog, doss ihr für den Togeseintritt von 29 Euro echt komplett entsponnt seids. Kane 60 Euro und 2 Leit hom echt a klane Auszeit vom Leben. Im Badehaus gibt es genug Saunen und a de Möglichkeit in See zu hupfn. Brrrrrrrrr. I selba muas sogn, i woa schon EWIGKEITEN nerma drinn und hoff selba, doss ma wer wieda mol an Eintritt spendiert. 😚

Käse > OLLES
Käseliebhaber gibt es zur genüge. De glücklich zu stellen, is anfoch anfoch. De Kaslabn in  Radenthein hot so a göttliche Auswahl, do werd jedes Herzl glücklich. Lebensmittel zu verschenken, de man sich selber vielleicht nit imma „gönnt“, is echt a guate Idee. Obwohl man sich jo sowos wie Nahrung nit „gönnen“ muss, sondern jo eigentlich a braucht. U know what I mean? Auf olle Fälle isde  Kaslabn voll liab eingrichtet und imma an Besuch wert. Achtung, Onlineshop gibt es noch nit, oba der Weg dohin zohlt sich aus.

IRSCHEN, I LIEB DEIN TEE
Irschen hot fia mi nit vü, außa eeeeecht geilen geilen Tee. Oba der Preis is fost pervers, also loss i ma den imma schenken. (Korrektur, im Onlineshop sind die Tees günstiger. Vermutlich rechnen Apotheken drauf, sena guates Recht, damit se a wos davon hom!) Richtige Teelovers wern eich dafia obschmusn. Weil do konn ka Sonnentor oda ähnliches mitholten. Der is zuuuu guat. In den Apotheken greg man de. Oba de hom sogoa an eignen Onlineshop. Tamisch, wie modern de Welt is.

Liebe, Essen, chic
Mir falln selten de Worte, oba mia is ka würdige Überschrift fia de liebe Catrin eingfolln. CookingCatrinis holt a Begriff, do sig i perfekte (!!!) Instagramposts von leckeren Essen vua mia mit der sorgfältig ausgsuachtn Deko dazua. Beim Durchblattln von ihrn Magazin is ma aufgfolln, doss sie nit nur nochn Gusto kocht, sundan des a olles noch so anfoch erklärt, doss du des fost selba so hingregst. De Kuchl und sie sein meine Lieblingskocheinheit. In ian Shop findet man so entzückende Geschenke, de nit lei de Mama und Oma glücklich mochn, sundan OLLE. Mei haßa Tipp: an Krendlkurs vaschenken, WIE GEIL!! Erst donn darf man heiraten
PSSSSSSS.. sie is am Wochenende mit an Standln beim Edelstoffmarkt!

75550355_2422746477980138_5226445436490874880_o

Foto: CookingCatrin/ Facebook

De geilste Wabn, de so umalaft
Von wen i red, wissts ihr e schon. Tammy. De Frau mocht olls zu Glitza, wos se so ongreift. Wenn eire Freindinnen schene Wimpern hom wolln, schenkts senen de Wimpern. Wenn i Tschoppl de aufedatua, kennen eire Mädels de locka auflegn! Oba a oll ihre Shirts und Hoodiessein qualitativ hochwertig, doss man de gern untan Christbam legt. Schaugs amol durch, maybe findets ihr do a Teil fia Schminktamische, des wie de Faust aufs Aug passt.

72201539_2449222078699023_1354097686852141056_o

Foto: Makeupbytammy/ Facebook

KENNTS IHR DE SCHON?
De vakaft Tschreapn, do ludlst di on vualauta lustig. Puncake. Michaela Kofler steckt dahinter und de Frau is da Wahnsinn. Ihre Tassen sein jo sowos von GEIL/ WITZIG/ RETRO/ FANCY zugleich, doss i nit amol was wos sogn. Onschaugn und bestellen würd i eich rotn. Weil bevua ihr a normale Tassn kafts, schenkts so ane. De is regional, selbst designed, lustig, wertvoll und OLLES. Und ka Chinaschas.

Wie spot is? Zeit zum Uhr kafn
Damit man i ka Instagrammikroinfluncer Uhr, de außa zteia lei zteia is. I man damit a hochwertige Uhr aus KÄRNTEN. Konn jo nit de anzige sein, de nit gwusst hot, doss es in Friesach an Uhrmacher gibt. Wie fancy! Be banana is lustig, der Name brennt sich ins Hirnkastl. Du konnst dei Uhr PERSONALISIEREN. A Unikat. A Einzelstück. So bsundas, wie du es holt bist. Wenn des ka geiles Geschenk is!

Schokolade aus Kärnten. YES
Wenn wir von österreichischen Schoki reden, man ma den Zotta. Dabei gibs doch in Friesach, der Ort der kreativen Kepfln,a Manufaktur. Craigher. Do konn man sogoa a Führung buchen. Geschenke, Geschenke, Geschenke. Mei Lieblingsschoki is anfoch die Kärntner Milchschoki. Na woat, de mit Champagner oda woas doch de mit Preislbeer und weißer Schoki?? ZU VIEL GUTE AUSWAHL.

Verschenk holt bisi Wissen
Die Rede is von DER Kärntner Tageszeitung. A Abo für a poa Wochn, Monat, an holben Joa.. Gonz leicht angmeldet, liegt es schon vua da obgmochtn Tia. Voll a intelektuelles und regionales Geschenk. Super is a de Digitale Ausgabe fürs Tablet!

Sticht nit, schmeckt lei*
Mei geliebter Moskito Cider, den man jetzt a mit Salbei hom konn. Klingt gsund, schmeckt oba noch gekühlten Glühli. Soooo guat. Also a Vierertragl Cider und a bisi Zeit zum Ratschn is a Geschenk, des fia bade Seitn schen is. Wer glei a 24a Log kaft, konn sich sia sein, doss der Obend legen.. Moment, es kommt gleich- DÄR wird! Sorry, hab glab i noch nie HIMYM Quotes eingebaut. Also kafts und trinks Moskito Cider, des geht als Geschenk imma kloa. Sobold de Beschenkten sein 16 Joa.
(Des woa a Reim, des soll so sein!)

Haarschmuck, der einzigartig is*
Einzigartigkeit soll jedes schene Geschenk beschreiben. (Sowie passend a.) Die zwei lieben Mädels von Lockstoffstore verbinden Einzigartigkeit mit Nachhaltigkeit und Handarbeit. Alles so schene Wörter, genauso schen wie de Haarbandln von den Mädels. Auf Instagram is doch e schon jeda mal über a Foto von senan Schmuck gstolpat. I folg senen schon, do woa da Onlineshop noch nit vorhanden. Jetzt konn man easy online bestellen, aber hab acht. De Bandln gibs nur in begrenzten Stückzahlen und am Ende gregst des vielleicht goa nerma. I find den Gedanken cool, a Bandl am Kopf zu ham, des nit olle trogn. Und donn zu wissen, dahinter stecken anige Stund Oabeit von zwa liabn Mädels aus Feldkirchen.
Am Wochenende sein a de zwa Mädels am Edelstoffmarkt.
Gern tat i eich a Foto von mein Bandln zagn, des ma de zwa netterweise zugeschickt ham. ABER i wollt davor zum Frisör und jetzt woa noch ka Zeit. Es kumt nachträglich auf Instagram, do kennts ihr ma folgen und lockstoffstore a. Weil, wer was, wos am 2. Adventsunntog auf mein Instagramaccount verlost wird.

Lockstoffstore_2.JPG

Flora& Kati, die kreativen Kepfln von lockstoffstore beim Tee genießen oda Mund verstecken 

A JAUSN GEHT IMMA
Mei Lieblingsgeschenk? Essn. Mei Lieblingsessn? Speck. Wer mi erobern will, soll mit Speck und Buttabrot mei Haus stürmen. Oda so. An Jausnkorb vom nächstglegenen Bauern is anfoch es beste. Als Jausnexpertin leg i eich im Mölltol amol die Platza Jausn (Bestellung telefonisch ongeben) ons Herz sowie an Korb von Bauernladen Walter. Do unbedingt es helle Brot probian und den Senf. LEBEN. Also damit mocht man jedn a Freid.

Bin jo soooo neigirig. Schickts ma Fotos von den Geschenken, de ihr heia so verschenkts… ❤️ Und vom 1. bis 4. Adventsunntog gibs 4 Klanigkeiten bei mein Instagramaccount zu gwinnen. Dafia miasts ihr ma holt folgn. Und bisi rätseln. Und liab sein.