Goldene Beziehungsregeln
I bin sowos von da Beziehungsexperte schlecht hin. Okay, Sarkasmus lässt schon mal am Donnerstagmorgen grüßen. Oba nichtsdestotrotz honi de anfochen Regeln, wie Beziehungen eher funktionieren. Nit nur de Liebesbeziehungen sundan a de Freindschoften, Arbeitsbeziehungen oder de Nochbaschoftsverhältnisse sein gmant. Also sollt sich des jetzt e jeder durchlesn.
Mei echt vertrauenswürdige Quelle nennt sich des Psychologiebuach fia de Aufnahmeprüfung. Dieser Maderthaner was holt genau wie man zukünftige Studenten ärgern konn. Also de zwa Psychos Argyle und Henderson hom sich im Joa 1986 gfrogt, wos so de internationalen Beziehungsregeln für soziale Relationen sein.
Wos ausakemen is? An Haufn gscheides Zeigs. Is also a ka Wunda wieso i unbedingt irgendwann Psychologie studian mecht. (Autismus oda Wirtschaftspsychologie, weil i find doss Wirtschoft komplett fetzt) Oba de Psychologieaufnahme is so schwer zu knacken, wie de Trägerin eines purity rings.
I bereit fia eich de Aussogen wieder trottlanfoch und auf Kärnternisch auf, weil sunst vasteht des jo e wieda kana.
Die Intimsphäre vom ondan kert respektiat.
Grobt eia Nochba grod im Goatn a Loch, donn schauts nit bled ume oda frogs nit, wos er tuat. Anfoch umdrahn. Geht eich jo nix on, welche Bliamlen er einsetzt oder welche Schatztruhen er vagrobt. Unterstehts eich ihm zu sogn, doss eich sei Goatn so nix taugt. Kumt die Kollegin blerentiga in de Oabeit und wachtelt mit de Händ, wenn ihr frogs wos los is, donn bohrts a nerma noch. Mia kumen ob und zua de Tränen, wenn ma wer a siases Welpenmeme schickt& will mi dafia a nit rechtfertigen. Sog da Freind, er geht mit de Jungs heit essen, wünsch ihm viel Spass. Loss de Frogn, mit wem, wohin und wos er essen werd amol. Dazelt er vermutlich e später. Du muast nit ima olles über jeden in dein Umfeld wissen. Manchmal braucht man bisi Privatsphäre, Abstand und a Ruah. Und bitte loss dein Partner/ Partnerin ob und zua alan aufs Klo!! Se lafen da daweil nit weg. Im Notfall nagelst es Bodfensta zua
Geheimnisse bleiben geheim
I know, es is so schwer. Sogt dei Arbeitsbestie, doss se schwonga is, willst du es glei verkünden. Oba des is nit dei Tanz!!! Loss manche oder besser kane Bomben platzen, de nit groß dein Namen oben ham. Geheimnisse hom mit Vatraun zu tuan. Also wer da wos sogt, wos nit uma gehen soll, vertraut er da. Tritt des nit mit deine dreckigen Fiaslen
Den ondan nit vua ollen ondan niedamochn
Soooooo wichtig. I mog diese lustigen Kaspalen nit, de senan Partner imma als Lachnummer fia olle hernehmen. WÜRG KOTZ. „Schatzi, ga du host gemeine Jeans daham? De sein soooo eng. Unfair.“ „Echt guat woan der Kuchen, Maus. Dafia doss du ihn gmocht host. HAHAHAHAHAHAHAHA.“ „I verdien es Geld, sie studiert, damit sie irgendwie beschäftigt is.“ WOW KLASSE BOY. I find es imma schlimm, wenn i sowos mit greg. A unta Kollegen greg man oft sowos mit. Schlimm find i des vor Kunden. Aka „Wissens e, mei Kollegin is bisi longsoma..“ Muss des sein? Stinkt nach Kindergartenkacka!! UND DO SEIN DE KIDS SOGOA STUBENREIN. Solche Menschen nit. Insgeheim will man sich selber höher stellen und sich besser dastehen lassen. Soll i wos varotn? Tuats oba ka bisi. I find Leit, de ondre lächerlich mochn miasn und sich damit aufgeilen, unattraktiv, hässlich und pfui!
Imma schen in de Augn schaun
Obwohl i find des kert sich nit lei bei an Gespräch sundan a in da gonzen Beziehung. Nie den ondan aus de Augen valian und immer auf ana Hechn bleib. Olle sein gleich wichtig, man hert zua und es wird zuaghert. Du hilfst, dir werd gholfn. Kana is da bessare, kana der, der mehr liebt und gibt.
Schau in de Augen und spia de gonze Reaktion. Freid, Ärger, Verständnis. Frog, wie s dem Nachbar geht und schaug in seine Augen. Sigst de Woaheit drinn ha?
4 Regeln. Gonz anfoch. Gonz wichtig.
❤️❤️❤️❤️❤️
