Flashback Friday 7.0

Flashback Friday 7.0

2. August 2019 1 Von Laxobu

Wär i a Pessimistin, würd i den Beitrog gonz kurz und knackig mit „24/7 WORK“ betiteln und wieder beenden. Oba als optimistische Realistin konn i des nit mochn, weil i jo alan am Ende vom Monat des Geld sig und was, fia wos i goabeitet hob hihi. Nur so als klane Motivation für olle, de sich grod im Summa den Oasch abarbeiten und glaben, sie tuan goa nix mehr ausa essen, schlofn und oabeiten. Des meine Lieben ghert holt a zum Erwachsen sein dazua. Suprise, irgendwann werd ma wohl hoffentlich (oder leider?) olle des gonze Joa (oder Leben?) long oabeiten.

Obwohl i echt vollgas goabeitet hob, hots im Juli derwegen a poa Highlights geben.

IMG_1145Des größte Highlight woats jo wohl ihr olle zomm!!! Des is mei Körper is gelesen, geteilt, geliebt und verstanden woan. <3 Nie im Leben hätt i gmant, doss sich so vü Leit verstanden fühlen, den Beitrag teilen, mir liabe Nachrichten schreiben oda mi glei drauf ansprechen. Ehrlich, mit so ana Welle voller Liebe und Mitanond hon i nit grechnet. DANKE. Ihr kennts eich nit vorstellen, wos es fane Auswirkungen hot, wenn mol wer mein Beitrag auf Facebook teilt oder in sei Instastorie packt. Wenige Klicks und Oabeit fia eich, oba gooooonz vü Freude bei mir. <3 Eigentlich kert jo jeder anzelne von eich obgschmust. Tuama mol so, als ob <3 <3 <3 <3 <3

Im Service lernt man an Haufen, sogoa nützliches Zeig. Meine Bierzapfkünste sein holt von okay guat zu echt nit schlecht, fost perfekt woan. Gebs ma noch bis Ende des Sommers Zeit und i zapf eich Bierlen wie a Ansa!! Weiters konn i jetzt echt guat und verschieden Servietten falten, was wie i Kürbiskernfleckn ausagreg und doss in Soda Zitron frisch gepresster Zitronensoft einekumt.

154E05D1-C54A-4653-942E-FF7AD3C47CF3.JPG
Am meisten onghobt hon i wohl meine drei Diandlen, wovon lei ans mir ghert. Wer hätt es gedocht, doss i so a Diandldiandl werd. Ziemlich praktisch, von da Oabeit glei fuatgehn kennen und dazuazupassen. Kirchtogszeit sei donk! I will jetzt mi selber nit loben, oba eigentlich woa i goa nit soooooo vü fuat im Juli. Tongana Kirchtog, Trachtenrausch und Wenn di Musi spielt.. ALSO BITTE.

Dafia homa schon für de Zukunft vorgesorgt und i hab ma schon Konzertkarten für Ina Regen und Raf Camora gholt. Jo, wir wissen, doss mei Musikgschmack echt schräg is und nit zommpasst. Zu meiner Verteidigung Wenn di Musi spielt woa zwoa a echt coole Veranstaltung, oba i steh echt nit so auf ältere Herren, de zu Zeilen wie „Wieso hast du deinen Hosenknopf offen?“ oder „Du bist wie ein Diamand in meiner Hand“ dazuaschunkeln. Des tuat senan frischoperierten Hüften doch nit guat!! Solche Sugardaddys onzufeiern, find i schräg.

Noch a Highlight woan zwa Frauen, de i „kennen lernen“ hab dürfen. Zwoa nur via Skype und es woa a Bewerbungsgespräch, oba des zählt derwegen. Es geht nit drum, welches Gespräch des woa und wer de Frauen gwesn sein. Oba de zwa woan wandelnde Sonnenscheine, mit denen i ausn Lochn kaum mehr ausakemen bin. Sie woan so Zucker!! Selten hab i zwa so motivierte und motiviereden Mitarbeiterinnen gsegn, de so souverän, locker und ehrlich a Bewerbungsgespräch abghalten ham. Jo, i kann sagen, i hab des beste Bewerbungsgespräch EVER ghabt, egal obs wos wird oder nit.

Wirklichen Fans brauch i goa nit dazelen, doss von Stranger Things de 3. Staffel herausen is. Obwohl i vermutlich als anzige Person de Staffel nit so grausig gfundn hob, hot se ma getaugt. De Kids sein holt kane Kids mehr und des Feeling der 80a Joa wird so guat vermittelt. Als wär ma olle dabei gwesn oda? Natürlich is never- ending Story nun mei neia Klinglton und i perfom den Song 24/7 sobald sich die Möglichkeit ergibt. c59ceff5-fb11-4e84-b4f3-2e1ca8fc5687.jpg

This is us hob i a endlich fertig gschaut, meine Güte de Serie kostet ma an Haufen Tränen.
Rotets kurz, welchen Film i ma SCHON WIEDER eingezogen hab? Allright, The Kissing Booth. Wo bleibt der 2. Teil, der mi restlos und hundertprozentig enttäuschen wird? I am ready.
Am letzten Julitag hab i endlich mit gefühlt 7 Joa Verspätung Suits angfangen. Warum hot mir niemand gsog, WIE guat de Serie is? Der Humor is so genau mei Schiene, obwohl da Harvey mi so an den Will Gardener von Good Wife erinnert, doss i fost blean kinnt.

 

IMG_1768IMG_1769

IMG_1241.JPGObwohl i nit alle meine Girls gsegn hab, woan an Haufen Kaffeedates drinn. Moser, Frau Jot, Mci, Kap und La Fleur (macht bald zu, nutzt die letzte Chance). Nix geht über Kaffee mit netter Begleitung und stundenlangen Gequatsche über Zukunft, lebensnotwendigen Investitionen sprich neien Schuach und Handtaschen und so weiter. Soulfood.

Und noch a klana Tipp, der wenig kostet, viel Freude bereitet und eigentlich voll nix bsundas is. Kuchen mitbringen. Egal, ob selbst gmacht oder nit, nehms amol beim nächsten Mädelsbesuch anfoch a Stickl Torte mit. Es frein sich olle zamm drüber. 

Apropos Kaffeesucht. Dadurch doss i doch nit ständig Iced Caramel Latte Macchiato beim Mci holen konn, hob i versuacht mir des daham selber zammzustellen. Eiswürfel, Espresso, geschäumte Milch und Karamellsirup. Semigeiler Versuch, a Original zu faken. Donn hob i oba Barista Caramel Latte gfunden von Alpro und OMG. Schmeckt a richtig, richtig nice. I sollt aufhören für die irrsten Getränke Süchte zu entwickeln.
Weil Almdudler Mate gibs jo anscheinend a nirgends mehr, dafür schmeckt der neue Frucade Energy Drink geil nach Fizzas.

Wenn man komplett glücklich is, vergeht de Zeit vielleicht nit gonz so im Flug, oba sie is derwegen a Ätzl zschnell und man versucht jeden Moment einzufangen. In mei Tagebuach werd i so vü mehr eineschreiben, wie do heite. Weil anfoch gonz a großa Haufen von meinen Gefühlen, Momenten und Highlights do anfoch kan Plotz findet.

Bussi, bis Sonntag.
BTW, habs ihr gwusst, doss man den August als Sonntag des Jahres bezeichnet?
Find i komisch.

IMG_1596.jpg

Ausn bestn Buch, was i im Juli glesn hab: Der geile Scheiß vom Glücklichsein.