Luisa

Luisa

1. August 2019 0 Von Laxobu

Kennts ihr schon de Geschichte von Luisa? I glab, de kert eich dazelt..

Luisa is a zehnjähriges, herzensguates Wesen, des ma wieder mal gezagt hot, wie schen es is, Zeit mit anderen zu verbringen. Und vielleicht hots ma noch bisi mehr gezagt.

IMG_1850Ende Juni hab i mei Mutti zu ana Grillerei begleitet, weil gratis Food und weil Familienzeit. Zwischen all den Erwachsenen steckt a jüngeres Diandl ihr Kepfl ausa und strohlt mi on. „Mama, do is doch noch a onderes Mädchen zum Spieln!!“ Jap, Larissa, 21, eindeutig als Mädchen abzustempeln.

Nachn Essen, was außa guat e lei guat woa, bin i aufgstondn. „Kum mit, wir gehn ume zum Spielplotz.“ Ihre e schon so strahlenden Auglen hom glei noch mehr gstrohlt. Sie is Fuasbollarin, oba zum Glick homa kan Boll do ghobt, weil donn wär i e voll obgekackt beim Umahupfn neben ihr. Also geb ma uns mit Rutsche, Schaukel und Tunnel zfrieden.

Kaum geh ma de Stiagn obe, fongt sie schon on zum Plappern. Ohne Witz, de hot donn ungefähr 2 Stund pausenlos gredet ohne zu Atmen. Zwischen durch hon i ma Suagn gmocht um des Weibl.  „Du host so klane Fias, dafia doss du schon ERWACHSEN bist.“ Beim Wort ERWACHSEN hot sie Gänsefiaslen gmocht und gekuttat wie a Ansa. Ajo, gekuttat hast glocht. I schaug auf meine winzigen 36a Watschalen obe und donn auf ihre riesigen Pfoten. Locker a 39. „I hab 39,5 folls du grod überlegst.“ 

Wos drauf folgt, woa a Kreuzverhör der Extraklasse:

  • Wieso bist du so klan fia dei Olta? Bei mir hots noch ka Kroftfutta geben, wie se dir heit ins Essn mischn. 
  • Wirst du den Typen, in den du grod verliebt bist, amol heiraten? I WISH LOL. Also i was nit, i schick da donn de Einlodung, folls do wos zustonde kumt.
  • Host du schon mol wen geküsst? 1-2 Mol. (gedanklich: pro Obend.) 
  • Is Knutschen echt so grausig? Es hast Schmusn und na glab ma, do gibs Grausigares. Zum Beispiel Zigaretten. Fong nie rauchen on, des is anfoch BÄH. (Hier hat die Larissa wohl den pädagogischen Teil des Gespräches zu 100% erfüllt)

Donn hot sie mi de Frog gfrogt, de ma bis heit noch hängen geblieben is.

Wos willst du mol werden, wenn du groß bist?

 

IMG_1848

Kindheitstraum: professionelle Harfinistin

Also erst amol echt niedlich, doss i als 21-jährige Frau von ana 10 Jährigen nit als groß oder erwachsen ongsegn werd und donn diese Frog greg. Als klans Kind hot man de glei mit den irrsten Jobs der Welt beantwortet oder den Standartversionen. Wir wollten doch olle Tierärzte, Feierwehrmänner oder Astronauten werden. Donn seins amol echt longweilige Antworten von Alltagsjobs woan, de anfoch jeder gsog hot. Lehrer, Anwalt, Mechaniker oder Frisörin woan de Klassiker unter den Träumen, de viele donn nie verfolgt hom. Oft hot man donn Bauchweh bei der Frog greg, wenn man ka Ontwort gwusst hot. Soll i sogn, doss i mit 18 NIT was, wos i werden will, wenn i groß bin? Soll i ehrlich zuageben, doss i gern Autorin wär oder Pilot oder selbständig a Idee ausabringen will? Darf man so „hirnrissige, risikoreiche“ Ziele als Antwort auf so a ernste Frage geben?
Jetzt wollts doch e wissen, wos i zur Luisa gsog hob, oder?

G L Ü C K L I C H

Wer hätt sich des wohl denken kennen ha? Weil mir is momentan egal, ob i i in 5 Joa noch studia, an super Job hob, in Wien bin oder in Kärnten, in ana Partnerschaft oder Single as a Pringle. Hauptsoch i bin glücklich, wie de Situation grod is.

Sie hot donn so liab glocht. Des klane Strahlegsichtl konn i nerma vergessen.  Auf mei Gegenfrage, wos sie denn werden will, hot sie gmant „Wenn i groß bin, mecht i so wern, wie du.“ <3 <3 <3 <3 <3 <3 <3

Kennts eich doch goa nit vuastelln, wie mir es Herzl aufgongen is. So schen, sowos zu hern. Des Diandl is a klans Abbild von mir domols gwesn, wobei sie um Welten sportlicher umanonda is. Außerdem is sie des groß, wos i klan bin und des wos i zvü Kindaspeck ghobt hot, hot sie eindeutig zwenig. Oba ums Ausschaugn gehts do jo goanit.

Danke Luisa, doss du so unverhofft in mei Leben kemen bist, ma a Loch in Bauch gfrogt host und dabei mei Herzl erwärmt host. Selten hon i so a dankbares, guat erzogenes und liebevolles Mädel kennenglernt. Mei damaliges Ich hätt di gern als Freindin ghobt und mei zukünftiges Ich hätt wenn donn gern so a Tochter wie du es bist. Ausa mitn Fuasboll miasat ma noch reden, weil de Grosflecken greg i um olles in da Welt nerma ausa aus deine Sochn und jeden Sunntog am Fuasbollplotz stehn wär ma a bisi zfad.

<3 <3 <3 <3 <3

Morgen gibsn Flashback Friday 7.0 – better be ready.

IMG_1849.JPG

i mit schoafe 7 Joa oda so. Frisurentechnisch hot sich aniges gebessert, Gott sei Donk.