Friedhof der unveröffentlichten Posts #1

Friedhof der unveröffentlichten Posts #1

13. Juni 2019 0 Von Laxobu

Seit Novbember tipp i jetzt schon wie a Irre Blogbeiträge oba und sitz jeden Donnerstog und Sunntog fua da Entscheidung, welchen i jetzt posten werd und welcher wieda mol auf de Backuplist kimt.  Jetzt hob i ma gedocht, doss i anfoch de besten Teile aus diesen zerupften, unfertigen und dennoch oft echt gut gelungen Beiträgen zusammenfass in ans. Weils so viel sein, kummt a zweiter und a dritter Teil a noch in da nächstn Zeit. 
Warum i übrigens trotz so viel Inspo, Ideen und Einträgen lei 2-3 Mol de Woche wos post, is gonz simple akleat. Ihr lests ma jo nie im Leben so viel und i selber werd ma nit so viel Oabeit ontuan.
Sollt eich irgenda Beitrog volle jucken, donn schreibs ma gern, vielleicht veröffentlich i ihn donn decht gonza. Oda a nit. We will see. Vü Spaß beim Lesen.

Herzlbrechen kostet Karmapunkte

Nochdem i wieda mol miterlebt hon, wie a Bua gonz furchtlos an Mädi es Herzl gebrochen hot, wollt i da gonzen Welt kloa mochen, wos des bedeitet. Wer Herzln bricht, muss wissen, wos donn olles so passiat. Und i mecht nit sei Chaos zommramen, wos er hintalosst. I will ka gebrochenes Diandl aufbaun, wos er geknickt hot. 


„I will ollen Herzlbrechern mol wos sogn:

Warum muss i mit eian Theater beschäftigen?
I versteh es ehrlich nit, warum ihr, während ihr eia Leben lebs, ständig ondan Menschen mit gewissen Worten/ Aussagen oder Aktionen weh tuan miasts.

Die Lena will schon ewig long wos vom Max. Oba da Max holt nit von ihr. De will sia glei Haus und Hof errichten und sein Nochnomen klaun. Horrorvorstellung fürn Max. Wos tuat er, onstott ihr zu sogn, doss es nix wert? Er schmust beim Kirchtog VUA ihrer Nosn mit ana ondan uma. Des tuat da Lena weh. Lena bleat, Lena schreibt ihm böse Worte, Lena will des ane Mädl in de Hölle schicken.
Do kert mol gonz kurz gsog, doss des ane oame Mädel NIX oba goa nix dafia konn. Warum redet die Lena jetzt sooooo schlecht über sie? Sie is hässlich, sie is depat.. Is sie des tatsächlich, Lena? Nur weil sie auf den Oasch kemen is? Glabst, der Typ hot ihr dafua gsog, wos zwischen eich is? Na. Also bitte, dei Grant ghertn Max alan.

Sarah und Milena sein BFFIUE. Also so richtig, seit da Krabblstubn. Noch da 4. gehn se holt (schulisch) getrennte Wege. Sarah ins BORG, Milena geht Pitz. Trennung 100 Kilometer plus, Sehen tuan sie sich holt weniger. Sarah is positiv gestimmt, will imma wieder de Milena treffen. Milena, de sich schon a neies Leben aufgebaut hat und ihr Kinderfreundin nerma braucht, ignoriert sie anfoch. Anstatt ihr zu sogn, doss diese Freundschaft jetzt nerma bestehen kann, weil die Milena schon imma gfundn hot, doss de Sarah zu egoistisch is. Sie sog ihr des nit und die Sarah steht do verletzt do und kennt sich nerma aus.
4 Joa später treffen se sich auf an Maturaball und schauen sich an und gehen weiter.
Da Sarah tuats bis heit weh, weil de Milena NIE gsog hot, doss des anfoch nerma wert.

img_6074I was, doss für eich solche Aktionen logisch sein und doss de Leidenden es eigentlich verstehen hom miasn. Von alan. Oba na, hom sie nit und meiner Meinung noch miasn se des jo a nit. De geben Ihr Hoffnung nit so schnell auf und valetzn sich damit selba. Es könnte jo decht bessa wean..
Ihr miasts schon mit Leit reden, damit sie eich verstehen. Aktionen und zwischen den Zeilen lesen is zu wenig. Klipp und kloa sogn wos los is und aus.


Egal, wie du oft du jemanden etwas sogst, wenn es Gegenüber des immer noch nit verstondn hot, donn is es so, als hättests nit gsog!!

Du willst sie nit daten, weil du grod ka Beziehung willst. Sog ihr des.
Dei Partner engt di zu sehr ein und du willst oba holt echt mol alan wos mochen. Sog es.
Du kündigst de Freindschoft, weil er oda sie di sowos von nit schätzt und es dir zu viel Aufwand is. Sog es.

Herzlbrechen is ka olympische Sportart, meine Lieben. I selber was gonz genau, wie scheiße man sich fühlt, wenn man was, man tuat wem weh. Is fost schlimma, also doss an weh geton wird.“

Sternlan in de Augen

Dea Bua, um den es do geht, hot dieses positive und schene Gefühl nit verdient, wenn er des lesen tat. Außerdem is des literarisch so romantisiert, doss es e nerma vü mit da Realtiät zu tuan hot. De Gschicht spült irgendwonn im Winter 2018 und gelongt jetzt in mei Gedächtnisschublade „Schen zum Erinnern.“


„Also i hab panische Angst vor Krampussen. Richtig oag. A wenn i was, doss mei Bruada drunta is, greg i nit so geilen Schweißausbruch. Hmmmmm. Zur Beruhigung glei mol drei Glühli obeglossn und woatn, bis es Zelt aufmocht. Hob den Typen donn überhaupt mein Ausweis zagen miasn, weil i zwischen olls 2003er Baujoare gstondn bin. Sogoa den Jäga wollt er ma bei da Bar nit geben. Danke für nix. Oba wahnsinn, wos es hilft, wenn man sog „Donn trink i holt nix.“ Darum gehts oba nit und es geht donn a nit über den siasn Kerl, der ma a Bussl obgezwackt hot. „Du schaust in echt jo echt nit hässlich aus.“

Also es geht a nit um den Typi. Es geht um an ondan Bua. Um an Welten besseren Bua. Der ma wohl an dem Abend a bisi es Herzl gstohlen hot, ohne es zu wissen

Mitten auf der viel zu engen Tanzfläche mit Seli und BacardiCola woas nit so geil. Ständig kumt wer her, druckt di on sich und frog, ob du wieda do bist. Musik woa a so 0815 Zommschnitt vom Après-Ski am Ankogl. NoNa. Semigeil beschreibt de Loge ziemlich guat.

img_0461

Er is Fische, ka Wunder, doss do de Sternlan lei so gfunkelt hom.

I sig so links gegenüber an echt großen Kerl. Wer mi kennt, was, doss groß des Adjektiv Nummer 1 meiner Männerwahl is. Der Bussibär von dafua woa lei an halben Kopf gresa, also bleibt der e unberührt. Also groß, also wird er beobachtet. I tipp die Seli an und deut auf ihn. Ok, sie hot a kan Tau, wer des is. Ups, unsre Augen treffen sich. Glabs ma, mir is echt bisi woam woan. De Augen. Donn taucht do a Lochn über sei gonzes Gsichtl auf, i kennt dahinschmelzen. Wos tat i für so a Lächeln jeden Tog geben? Er mocht a poa Schritte auf mi zua. „Du bist die Larissa oda?“ Herzstillstand. I nick lei. WTF, woher was denn der des? „Sollt i di kennen?“ I tat di gern kennen, tuas oba nit, also änder ma des bitte. Schnell. Mein Nochnomen a bitte. (Ok, i her schon auf gedanklich siase Typen heiraten zu wollen) A Mädi neben ihn druckt ma an Klopfa in de Hand und dazua steckt sie ma bisi den „Finger weg, i find den a echt sias“ Blick. Verstanden, Maus. Also noch amol tiaf in de Augen schaun, den Klopfer trinken und obhaun. Kums ma lei so fua oda sig i do Sternlen in seinen Augen? Hob i selten so schene Augen gsegn. Es woa echt schwa zu gehen, oba wos solls..“

 

Hamweh. Lei ondas.

Larissa und ihr oaga Wunsch, doss sie gach an Freind findet. Des woa Ende letzen Joares echt a hoate Kompf mit mir selber.

IMG_5321.JPG„Hamweh hob i noch an Menschn on meina Seitn. Dea do is und zwoa am besten glei fia imma. Vor dem du stehst, in seine Oam follst und da denkst „i bin daham“. Der, di in jeda Lebenslage untersützt. Der di liebt, wennst bleast, lochst oda bled bist. Oda a Hormonbombn bist.
Nach 1 Joa Larissa alan gegen den Rest da Welt wirds Zeit für mein Partner in crime. Kloa mit meinen Girls im Ruckn. jeda Zeit fia an Kompf bereit, hab i es e guat gnuag.
2018 woa soooo guat zu mia. Hob olls, bin wunschlos glücklich. Doch es fallt ma derwegen mei persönlicher Sonnenschein, aber dea kumt doch bestimmt a noch. Nächstes Joa oda so.“

 

Sunntog kumt wos üba den depatn Sotz „I mog des Mädl nit.“ Des wird mei neuer Augenüberdrehen-Satz. Den her i nämlich derzeit irgendwie ima und überoll.

Bussis ?