Girls supporting girls

Sollt sie den Mann deiner Träume küssen, hoss sie bitte nit. Wir wissen olle, doss Hass a so a stoakes Wort is, mit dem man ziemlich vuasichtig umgehen muss, es gleiche is mit dem Wort Liebe. Weil des Mädel tuats jo vermutlich nit mit Obsicht, eher zwegs Gefühlen oda vielleicht woas doch da letzte Schnops, der zvü woa. Küsst den Quatschkopf doch nit mit Obsicht, nur damits dir schiach tuat. Sie is nit so hässlich und grausig und depat, wie du sie grod beschreibst, seima uns ehrlich.

Ihm jetzan bissige Nachrichten à la „De is nix fia di.“ „So nötigst host du es also?“ „Du bist wirklich SO verzweifelt?“ „I wär wohl da bessare Fong!“ schicken, hilft da Nullkommanix, Diandle. Er werd lei drüber lochn. Himmel, werd der sich lächerlich über di mochen. Und des versteh i sogoa.

Sie hot wos, wos du willst. Des mocht sie holt ka bisi zu an schlechteren Menschen. Da schlechte Mensch in da Gschicht bist jowohl du. A wenn sie über di Bescheid was, is des komplett egal. Was is sie dir schuldig? Vielleicht wenns dei Schwester oda beste Freindin is, okay, donn loss i s ma einreden. Oba tatest du über dei eigene Schwester so herziagn bei an Bua? Respekt, tat i niemols tuan.
Süße, in a poa Monat wirst di schomen, oba sowos von.

Man geht nit gegen ondre Diandlen! Vor ollem nit because of boys. Verstehst?
Egal, ob du erst zoate 16 bist oda schon so „erwochsen“ mit deine 22, loss so a Theater anfoch sein.
Des Universum teilt holt aus, wie man es verdient hot. Dei Glick, dei Zeit kimt schon noch, oba jetzt grod nit. Weilst di so auffiast wie a Klankind.
Kennst du sie überhaupt? Also nit lei ihrn Nomen, ihre Followeranzahl, ihre Exmänner und wo sie Schul geht. I man ihr Vergangenheit? Wos mit ihrn Ex passiert is, wer sie gebrochen hot? Wast du, wos sie schon olles so durchmochen hot miasn? Vielleicht wast du nit, doss sie ihr Glick wirklich verdient hot, im Gegensotz zu dir. Also du kennst sie nit? Donn holt dei Klappe, sog anfoch nix.
Bevua de es nächste Mol onfongen willst, über sie herzuziagn, schweig anfoch.

Sorry, oba i glab nit, doss so a giftiges Weibl wie du es bist, momentan an herzensliabn Bua verdient host. I red goa nit von dem, den du grod willst oba nit gregst. I red von etwas, was du a verdient host. Mit eich solls jo anfoch nit sein, des muast holt akzeptieren a.
Weil klana Spoiler, Typen de uns nit wollen und uns des sogn und donn schon mit ondan umatuan, dafia seima olle zguat!
Du sollest wohl gscheida mol alan sein und merken, wie du nit sein willst. Nämlich so wie du grod drauf bist. So willst du wohl wirklich nit sein, oda? Über quasi Fremde so schlecht reden, weil de nit den Bua gregst oda ihn „valoan“ host. Schmusn is holt leida immer noch ka Vapflichtung, doss er da sei Herzl schenkt und jetzt „deins“ is. Wobei i es jo schon fraglich find, wenn Leit sich gegenseitig besitzen. (Society-Schauer denken grod on en Harry, right?)

Gönn ihr/ihm/ senen des, wos se hom, egal wos des jetzt is. Vielleicht a Schmusarei, vielleicht werds a Beziehung oda mein Gott, wenn se heiraten, gonz egal. Du willst jo später a, doss sich wer für di freit, wennst wen gfundn host. Oda glabst, taug da des, wennst überoll lei Neid und bad vibes spiast?
Glab ma, es gib nix schlimmas, wenn sich zwa Leit richtig megen und olles nit genießen kennen, weil irgendwelche Figuan desholb auf und obspringen. Weils neidig san, weils grantig san.

Wast wie s da schiach tuat, wenn a Mädi zu dir kumt, mit den Worten „Loss di Finga von ihm, er kert mir!!!!“. Weil do konnst lei dei linke Wongen zuabeholten, damit se da ane obehaut, tuat gleich weh. Oba wos wohl Welten schlimma is, is wennst e schon wast, doss a Mädchen seit Joan hoffnungslos in den Bua, den du jetzt dein Freind nennst, verliebt is. Und er da schon dazelt hat, dass er seit 3 Joa nix von ihr will. Sie neben dir steht und da sog „I lieb ihn jo immer noch..“ und du konnst nix tuan, weil wos willst sogn? Es tuat ma jo lad, oba i ihn a. Wir sein zamm, es gibt nur ihn und mi, es is ka Plotz fia di. Es tuat ma so lad. Heite noch tuat ma des so lad.

Oda wenn a Freindin zu dir sog, doss sich de ondan Mädels für sie nit frein, weil se an Bua gfundn hot. Der Kerl hot holt vua 425 Joa mit da ondan Freindin gschmust und is daher in da Kategorie „Oasch“. Blerentiga mant se „Wos tat i mi frein, wenn meine Mädels hinta mir stehen tatn!!!“ I vasteh di, i gfrei mi fia di und de Mädels sollten des ehrlich a tuan.
Es bricht ma immer noch es Herzl, wenn i dronn denk, on de Situationen.

Sobold Freindinnen über die Neie vom Ex aufregen, schau i se lei verständnislos on. „Host nit DU schon 3 ondre ghobt?“ „Jo, oba de woan ma nit so wichtig, des woa Ablenkung.“ Super, jetzt verwend ma wieda Buamen als Trostpreis und regen uns donn wieda auf, wenn die Jungs nix Fixes von uns wolln? Olls kloa, i hoff, ihr verstehts des selba nit. Schmusn Donnerstog im V, Somstog im G2 und Sunntogobend in sein Auto, zum Zeitvertreib, oba unser Ex darf des nit. Sei Neie is a klane H***, dabei kennst sie jo nit.
Beziehungen sein holt zwischen 2 Leit, ziemliche private Angelegenheit. Also tua nit von außn spekulieren, wie scheiße des olles is und doss des nix wert und sie lei Ersatz is. Ziemlich mutig, zu glaben, doss sie nit bessa sein kinnt wie du. Zu glaben, doss du so a guate Traumfrau bist. Warum is er donn nit bei dir geblieben? Spoiler: Er woa nit es Problem in da Beziehung.

Zruck zu de Mädels, de den Typ als „Oasch“ erklärt hom. I mogs jo goanit, wenn sich ondre Mädels es Recht nehmen, dir zu aklean, wie dei Typ is. Hob i kürzlich doch ghert, doss mir a gewisser Typ jo sowieso lei es Herzl brechen wird. Des hot ma nit de Mama oda mei Schwester gsog, na a unbekanntes Mädel anfoch so. Oda diese „Pass auf di auf, der tuat mit Herzln Fuasboll spielen.“ Aussagen, do greg i so an Grant. Soll er bitte mit mein Herzln probian a Tor zu makian, dabei jonglier i schon mit sein längst uma und hob daneben drei ondre Herzln in da Hond!!!

Oda wenn a Bua zu dem Girl sog „I will ka Beziehung.“ und donn vier Monat später kitschig verliebt Hond in Hond mit ana umalaft. Sonja, steck deine Giftpfeile wieder ein! Nur weil er mit dir ka Beziehung wollt und Freindschaft Plus holt ideal gwesn is, darf er doch bitte mit da Richtigen a Beziehung eingehn, wenns passt oda? I man, es is doch noch a Unterschied zwischen Gspusi, Beziehung und lei Theater. Oda brauch ma darüber a an Blogbeitrag?
Eigentlich schüchtern solche Aussagen von ondan Mädels ondre volle ein und viel zu oft blockia ma donn den Typ oder probian nix mit ihm, weil wir denen mehr glaben wie dem Bua oder unserm Verstand. Weil amol Herzensbrecher immer Herzensbrecher, tuat er ihr weh, tuat er dia weh. Jo nit mol positiv denken.  I woa selber gschockt von mir, wie oag i des auf mi obfärben hob lossen. Oba am Ende sein des von diesen Girls doch lei Versuche, doss du de Finger von dem Typ losst und se „freie Bahn“ hom. Also wie lautet de Devise? #HEIMLICHESCHMUSAREI. 
Weil donn glaben die Mädels, es laft bei eich nix und am Ende hobs ihr zwa eia Ruah. Doppel gemoppelt und gwonnen a noch dazua!
Und wenns da nit guat geht und di a Bua sufuat onruaft, glab ma, so a gemeiner Kerl konn er donn goa nit sein. Her nit auf de Mädels.

Kema nit liaba drum streiten, wer den nächsten Tequila zohlt? Oda wo bleiben de Schmusschwesternschaften? Zwa Unbekannte schmusn mitn gleichen Typ am Obend und zohlen sich donn gegenseitig ans oda freinden sich on. Konn man nit amol zum Bua, der leider nit da Richtige für an gwesn is, donn gehn und sogn „Schen, doss du ane gfundn host, de di glücklich mocht!“, wenn er mit seiner Freindin do steht?
Des is letztens ana Freindin passiert. Do is ihr Longzeitgspusi anfoch herkemen, hot sie fest gedruckt und gmant „Es is schen, doss du mit ihm so glücklich bist.“ Der Typ is a Ehrenmonn!!! Dem ghert selba es beste Mädel ever hergstellt, er hätts verdient. Oba wos i was, schlogt der sich jo a lei mit so depate Nussn uma.. Gott schick ihn an Haufn Kroft und Nerven.

Olta wo gehtn des bitte hin???
Weltfrieden und wos was i, wos wir olle wollen..
Oba gegenseitig sich wegen a poa Typen herfetzen?

Kregs eich wieda ein, bitte. DANKE.

ps: morgen Flashback Friday. Bussi