Wie entschuldigen

Wie entschuldigen

19. Mai 2019 1 Von Laxobu

Du host Mist gebaut, ziemlich großen. Und jetzt? Hot di de verletze Person blockiert, gebeten, nie wieder mit dir reden zu müssen oda geht da ausn Weg?
We feel you, wir olle zommen kennen des.

Moch der Person bewusst, doss du verstondn host, wos du folsch gmocht host.
Außer es is grundlos zu dem Abbruch kemen oder de Person spinnt anfoch so, donn woat a bisi. Des wird schon wieder. Wenn du echt kan Tau host, warum sie nerma mit dir reden will, donn loss es liegen. Ab und zu brauchen de Menschen Zeit mit sich selber zrecht zu kemen und suchen selber den Abstand. Oba klana Disclaimer: Solltest du „heimlich“ ihr beste Freindin gebangt haben oder „heimlich“ Samstagnachts holb Kärnten obgschmust hoben, glab ma, des könnt a Grund sein, warum sie will, doss du di schleichst.

Sprich sie anfoch ehrlich drauf an und frag, was du falsch gemacht hast. Ehrlichkeit, meine Kinder, is so a Soche, mit der klärt sich vieles. Stott 4 Wochen Theater, liaba 13 Minuten telefonieren oda a 46 Minuten oda 1 Stund 22.

Dos sein so Klanigkeiten, für de man sich entschuldigen sollte, obwohl man des gonz oft vergisst:

  • wenn man nit zuaghert hot
  • wenn man nit dogwesn is ohne driftigen Grund (dei Boy hot a Theateraufführung am selben Tog wie dei Maturaball? GIRL DES IS A ECHT GUATA GRUND DOSS ER NIX DO IS, DO GIBS NIX ZUM SPINNEN.
  • wenn man die Gefühle des anderen nit ernst genommen hat, verletzt hot oder de Person obgemocht hot
  • wenn man ungefragt und ungebeten sein Grant bei da Person auslosst. Vielleicht gehts der Person grod e nit guat, kenns ja nit wissen& dann kems mit eirer Laune daher & machts alles schlimmer. Wos seids ihr fane Monster?
  • wenn man zu wenig Zeit hot
  • wenn man vergessen hot Klopapier zu kafn, obwohl man es versprochen hot
  • wenn man nit ongruafn hot oda sich nerma gmeldet hat
  • wenn man de gemeinsame Serie alan weitergschaut hot (des meine Freinde is oba ka Klanigkeit. Wär auf meiner breakup Liste)

Ob und zua reicht echt a ehrlich gmantes „Tuat ma lad“ und a Besserung. Und a feste Umarmung oda a Bussl. Wie hot da Opa so schen gsog „Nix geht über a klane Schmusarei!“ Mei Lebensmotto haha. Sich entschuldigen bedarf gonz viel Mut, Kreativität und Herzl. Wennst di lei so holbherzig mit Blumen oder ana Schoki versuchts zu entschuldigen, schleich di von selber und machs nochmal besser.

Hier a paar Pro-Tips:

1. kauf a Klanigkeit: Lieblingssüßigkeit, a Kistn Bier, Badezusatz, Stofftier. Also i nimm gern ane Erdbeervans, ane Beatskopfhörer in rosé und Kistenweise Mannerschnitten und Mesinokekse. Kems brechts ma es Herz und entschuldigs eich bei mir!!
2. bastel wos: a selbstgmachtes Mixtape, Fotocollage… Oder erstellts für de Person a Spotifyplaylist!!
3. schreib an Briaf. Mit Worten, de sie hören will. Wie lad es dir tuat, wie dumm du woast, wie daneben du di benommen hast. Und Girls, sprühts den Brief mit euern Parfum ein, do konn kana nit nit glücklich sein danach!!
4. mochts was für de Person, wos ihr sunst nie tuan tatets: i bin zum Beispiel donn mol klettern gongen, WÜRG.

I hob mi schon echt oft entschuldigen müssen, weil i woa in meina Jugendzeit a richtiger Kotzbrocken. Wer mi domols megen hot, Hut ab. Oba i verpack jetzt do mol a paar mehr oda weniger harmlose Dinge, damit ihr an klanen Geschmack gregs:
Es is nit ok, den Bruder zu küssen und donn den Älteren. Schlimm wirds donn, wenn du mit beiden im Kontakt stehst. Wie stellst du dir donn den ersten Familienbesuch vor? Sitzt du donn auf der Seite vom Großen oder vom Klanen? Und muss man sogn „I bin de Freundin vom X und oder Y.“ Oder reicht, wenn du sogst „I bin de Freindin von Ihrem Sohn. Jo, i was, Sie hoben 3. I hob mi lei noch nit entschieden. Da ane is e vergeben, der is ausn Spiel. WIESO SCHAUN SICH IHRE SÖHNE SO ÄHNLICH?“ I hab mi dann bei dem entschuldigt, der wohl mehr verletzt gwesn is. Vom ondan hab i an Klopfa auf de Schulter greg und a Lächeln. Passt a.

Glabs es oda glabs es nit, oba i hob mei gonze Jugend lang an Trostpreis ghobt, der immer herholtn hot miasn, wenn i komplett alan woa. Jedes Mol is er gsprungen, wenn i gsog hob, jedes Mol hot er olls und jeden fia mi liegen lossn. Komplett idiotisch sowos. Woa i am Ende sogoa grantig auf IHN, doss er mi an andan Mädel bevorzugt hat. „Verkaf di nit unta dein Wert. Du host wos bessas als mi verdient.“ Sich für so a hirngespinnstiges und dummes Verhalten, des sich über Jahre gezogen hat, zu entschuldigen, is echt viel Oabeit. Oba wir sind heit befreindet, er is mei Taxi, i bin seins und irgendwann werd er mit an Mädi gonz glücklich sein. Und i was, er hot des bei weitem mehr verdient als i.

Jetzt bin i oba eich a noch wos ondres schuldig. Es gibt nämlich Momente, de kennts unentschuldig lossn:

  • wenn ihr eich mol über ondre stellts. Des is normal. Des kert sich so. Warum für olle ondan immer 24/7 do sein, oba für sich selber nit?! Selbstliebe is nit arrogant oder uncool. Wenn ihr Freinde hobs, de eich vorwerfen, ihr seids doch nie do, oba für eich selber schon? Donn schickts de, ehrlich..
  • wenn ihr nit 24/7 erreichbar seits. Sorry diese Zeichenwiederholung, i man durchgehend am Handy sitzts. Euer Freundin hot grod wieda an Onfoll, weil der Typ von fua 4 Joa in da gleichen Disko woa und nerma Hallo gsog hot. Und ihr sitzt daham gechillt mit Netflix und Karamellpopcorn im Bett und hobs eia Handy im ondan Raum (weil eich jo e kana schreibt.) Sie is am nächsten Tog brondhas, weil ihr jo ihre hysterischen Anrufe ignoriert habs. Tjo, Nadja life goes on.
  • wenn ihr im Ausland seids und für kan fria ham kemen wollts. Sollte sich selber ergeben oder? Wer von eich verlangt, dass ihr für ihn etwas abbrecht und früher heim kums, is schon ziemlich a arrogantes Schweinchen. Is der Person wirklich so viel mehr wert als man selber, doss man für de fria ham kumt und damit quasi sei Leben nach ihr richtet? NO WAAAAAAAY.
  • wenn ihr fria des Auslandsjahr beendet& quasi eure Mitfreiwilligen in Stich lässts. Ihr> anderer. As always.
  • wenn ihr de empfohlene Serie/Musik/Bar.. nit megs. Geschmäcker sein verschieden, wer deshalb beleidigt is, is komisch. (Außer ihr findets QUICKSAND nit so grenzgenial wie i, DONN SEIDS IHR KOMISCH. Des do is mei Blog ok? Ihr solltets schon meine Empfehlungen ernst nehmen!!)
  • fehlendes Interesse. Euer Freund erzählt eich zum vierzehnten Mal von dem ach so geilen Mädel wos er abgeschleppt hat? Mittlerweile is aus seiner klanen Schmusarei der beste Sex seines Lebens woan und aus der schüchterenen 1,65 großen grauen Maus mit ana bisi zu groß geratetnen Nase is a geiles langbeiniges Topmodel woan, des am nächsten Tag nit glei die Liebe gestanden hat… Juckt eich nit? Muss eich nit lad tuan. Alan de Zeilen zu tippen und mir vorzustellen, wie viele von eich des erleben, hot mir schon an Gähner gekostet.
  • wenn es eigentlich es Gegenüber is, wos sich entschuldigen sollte. Er hot sie betrogen, also is es sei Schuld. Sie entschuldigt sich oba, weil sie glabt, sie hot olles folsch gmocht.. Sie hebt a Woche nit ob, weil sie ihre tamischen vierzehn Toge hot und donn is es er, der mit Rosen vor da Tia steht. Herts auf. Verkafts eich nit unta eian Wert.
  • Wenn ihr sie oda ihn anfoch nit liebts und seine Gefühle anfoch nit erwidan kennts. I man, wieso sollts ihr denen wos vorspielen? Wenn do nix is, is do nix. Finito. Also tuasts do eich nit entschuldigen, wir kennen nit jeden lieben. Wär jo kataschtrophal sowos.

On olle, de sich a Entschuldigung awoatn (vorausgesetzt es is überhaupt ane nötig): Seids zufrieden mit den klansten Dingen bitte. Nur weil er Donnerstag nit angrufen hat, erwoatets eich jetzt do kan 4seitigen Tuat ma lad Brief. Do reicht a Bussi auf de Nosn. I würd ma jo a nie noch an Streit von meinen Mädels awoatn, doss se noch Frankreich kemen, um sich gescheid zu entschuldigen. Obwohl.. wer des tuan tat, wär schon mei Hero. Seids holt nit enttäuscht, wenn ihr „nur“ a Klanigkeit greg und der Typ nit de schon längst im Internet ausverkaufte Tasche für eich auftatreibt. Am Ende gehts doch a nur drum, doss die Leit sich Gedanken um die Situation gemacht haben und da Wille do is, doss sie sich ändern/ verbessern, doss de Situation nie mehr fua kummt.

Piep piep piep, wir hom uns olle lieb. <3