Heit is Vollmond, oda?

Olle, de alan schon beim Titel de Augen übadrahn, ihr dürfts jetzt gern den Beitrog wieder schließen. Zupfts eich! I hoff, eich kackt heit a Vogele aufn Kopf oda eia Partner wird zu an Werwolf oda so! ?

Ach, es nervt mi a bisi. Schon so long steht der Titel auf meiner To-Write-Liste und immer, wenn da Vollmond näher kumt, follt ma nix ein. Donn schreib und veröffentlich i nix, weil i unzufrieden bin. Heit is oba mol so weit, i hoff, doss des wos werd. Wenn nit, werdets des e schon wieda nit zum Lesn gregn. Also be ready und schenkts ma a bisi Liebe. Weil Universum, Mond und Sternalan sein a bisi a Herzensgschicht fia mi und es kert mehr dazua gsog. Obwohl bei de Sternalan denk i wohl eher on de Augen von gewissen Männern hihi.

So gonz on dieses Vollmondgschichtl hob i selba gonz long nit geglabt, oba donn bin i in den Buchhandel kemen. Neben der Esoterikabteilung, de voller Mondkalender und Ratgeber is, de da sogn, wennst aufn Mond herst, lebst bessa, hot mi a mei Kollegin fasziniert.
I geh an monchn Togn schon fua 9e ocht Mol a Schokolade holen und schimpf selber mit mir und sie locht lei. „Heit is Vollmond Weibl, des ziag da de Siasn ausa.“ What? Na, oba sia nit. Oba donn schau i mi um, stopft sich jede, wirklich jede Kollegin Süßigkeiten in den Mund. Sogoa de, de sunst nit amol wos Siases megn.
Schlofn konnst jo sowieso vergessen, Vollmond hin oda her.
Kumen Kunden ins Gschäft „Verkafn Sie Biacha?“ und du konnst dei Lochn nit verkneifen, springen se wie Hiana auf und lafn wieda weg. Oda „Wo is denn des rote Buach von letzer Woche?“ Um wos is es gongen? Kochbuch, Roman, Ratgeber? „Na, na, a Buach.“ Leit, es kennts eich sicher sein, Vollmond.
Will i eich damit sogn, doss da Vollmond olle Leit depat mocht? Naaaaaa. De meisten seins jo e imma.
Vollmond bedeutet für mi immer lei komische Kunden und noch seltsamare Kolleginnen. Wechseljoa und Vollmond bedeuten Hexentreffen.
Bin jo insgeheim dafia, doss jeder im Handel arbeitende Mensch a klane Vollmondschulung greg.

Oba um es irgendwie positiv zu segn: da Vollmond steht genauso für Vervollständigung/ Abschließen/ Dankbarkeit. Vielleicht a Zeichen, weil sich ab heit wohl an Haufen ändert oder holt in nächster Zeit. Also bei mir, persönlich, innerlich und generell.

Heit Nacht verbring i tanzend, betrunken und gut gelaunt mit meiner Lieblingsdeutschen in meiner Herzensheimatstadt Strass, Strasbourg. Wird ma abgehen. Es Mädi a. Olles zomm. Vermutlich werd i heillos betrunken sein, oba wos solls.
Heit Nacht werd Ma wohl unser klanes Projekt starten, von dem i eich bestimmt mal bericht.
Heit Nacht zählen Freindschoft, Musik & positive vibes. Heit blea ma lei Freudenstränen.

Wos a guat beim Vollmond hinhaun sollt, is Zommrammen. Hätt mei Zimmer bitter nötig, oba i tua des donn versprochen Montag. Do nimmt da Mond donn wieda ob, sowie mei Chaos & vielleicht mei Germknedlfigur a.
So gonz strikt nochn Mond sein konn man doch nit, oda? Weil donn is dei Date Samstagabend, oba du solltest Dienstag Beinchen rasieren nit Samstag, dann is des a nit es Wahre. Da Zohnoazt hot Sunntog zua, also wos soll i tuan? Und im Goatn donn richten, wenn i genau Prüfung hob? Geht a nit. Also da Mond is voll liab und toll, i richt mi donn oba wohl eftas nach meina Laune. De Laune sog holt nie HEIT RAM MA AUF, LARISSA MAUS. De sog „a in 3 Wochn sog da Mond kema auframen onfongen.“ Nur damit ma genau an dem Tog wos ondas „versehentlich“ planen kennen.

De letzte Mondphase woa so schrecklich. Desholb hob i ma des jetzt holt olles überlegt und fest nochgedocht. Gefühlt hob i durchgehend nie nachts geschlafen, Mittogsschlaf hot so 4 Stund gedauert und in Nacht woa i donn putzmunta & hab ma a Serie nach da andan eine gezogen. Irgendwie woa olles unrund, depat und komisch. Und de schlechte Nachrichten sein eingetrudelt noch da Reih. Also wenn i sog mir konn nerma viel mehr schlimmeres passieren, glabs ma anfoch, doss des stimmt.

Oba diesesmol loss i des nit so schlaflos, unruhig und tatlos über mi ergehen.. Larissa spielt nit lei gern, sie übernimmt liaba de Spielregeln. Amol moch i an Fehler, oba danoch loss i des nerma mit mir mochen. Ausa da Fehler i hübsch. Oba sunst tua ma do immer glei a gscheide Lösung herzaubern.

Dieses mol bestimm i wie s ma geht. Lässig moch ma heit durch, so wälz ma uns nit ewig hin und her. Statt unruhig umahupfn tuama im Takt obdancen& bestimmten selbst wie ma uns fühlen wollen. Frei, federleicht & Single. Hob ma jetzt a wieder mol de Vorteile aufgezählt, wos so toll am Singlesein is. Weil obwohl mei Herz und es Hirn genau wissen, doss i grod in ana Beziehung bessa aufghobn wa und i echt knopp dafua bin an Vollmond-Liebestrank zu mischen und den donn mein Auserwählten unterzujubeln, probier i bockernst zu bleiben. Als Single brauch i nit mei Essen teilen. Als Single brauchst nit immer wen schreiben, doss de daham bist. Als Single konnst spontane Entscheidungen treffen. Also Single konnst da an Hund oda neie Schuach holen, ohne di rechtfertigen zu miasn. GENAU SO IS ES, ES IS TOLL JUNG FREI UND SINGLE ZU SEIN.
Wer braucht schon an nitwechselnden Sexpartner, der genau was wos du willst? Wer braucht schon Nähe, Liebe, Wärme und a Schulter zum Onlahnen? Wer braucht schon jemanden, der da bei schweren Entscheidungen hilft? I nit (lei a bisl, sundan dringend.) PASST GUAT.
Also bitte Problemlöserin Nummer 1 wieder am Start. Brauchts ma oba jetzt nit aklean versuchen, doss es für mein Schlafrythmus nit geil is, wenn i mal durchmach. I know, i akzeptiers, is ma derwegen egal.

Vollmond bedeutet also a Guates. i leg jetzt sia kan Stan ins Wasser oder Moch irgendwelche Rituale, de ma helfen bis zum nächsten Vollmond de Liebe meines Lebens zu finden. Konn man mochen, i probias vielleicht a anderes Mal. Überlegt hätt i s ma schon und aufgschrieben a.
Diesesmal probier i es holt mol so, schau ma mol wos ausakumt.

See u tomorrow. ♥️