Ghosten tuat man nit

Wow, der erste Beitrag bis jetzt den i gonz spontan schreib und glei post. Komisch, hob gmant des werd i nie tuan und alles muss davor tausendmal durchgelesen und überprüft werden. Oba diesmol will i kane hindsight bias also Rückschaufehler machen. Sprich, beim Durchlesen mei jetzige Stimmung und meine momentanen Gedanken uminterpretieren, weil i in drei Tog bestimmt gscheida bin.*

Eigentlich hätt i jetzt am Abend donn a Date mit gonz an recht liabn Typen. Franzose, Medizinstudent (in Nancy studiert JEDER Medizin, also nix besonderes mehr) und holt nett. Jetzt ka Wunderwuzzi, wo i genau was, der is der Mann meines Lebens, weil er mi zum Lochn bringen wird mit trockenen Witzen oder seiner Obsession für verschieden gefilterte Kaffees. Er wird mir a nix Neues beibringen, so wie den Unterschied zwischen verschiedenen Tonicwaters oder erklären können, wie des Bitcoin-Game funktioniert.Unterm Strich was i jetzt schon, dass i am Ende vom Date zwoa glücklich bin, oba definitiv nit verliebt. I geh dennoch alan ham und bin froh, mei Ruah zu hoben. I werd am Weg nach Marseille NIT den Drang haben, ihn schreiben zu müssen und im Urlaub werd i ka anziges Mal ihn erwähnen neben den anderen. Beim achten Shot Tequila werd i nit ihn anrufen wollen und beim Typen, mit dem i wohl oder übel schmusen werd, werd i ka schlechtes Gewissen ihm gegenüber haben.

Deshalb loss i es glei sein. Und jo i bin dejenige, de immer sog „Du konnst jo nit wissen, vielleicht wird es jo e guat.“ „Loss Sochn auf di zuakemen.“ „Aus den kleinsten Dingen können die schönsten Momente wern.“ Jo eigentlich denk i wirklich so.
Oba wir reden hier von an Date, von vermutlich entstehenden Gefühlen, de gonz sicher nit von mir kemen. Warum i des so genau was? Weil er mi alan schon per Whatsapp nit auf sich aufmerksam damacht. Weil er für mi zu normal, zu glatt und holt anfoch nit des is, wos i will.
Wär des jetzt a Mädel, mit der i mi anfoch anfreund und wir anfoch so ausgehen, bin i voll into it. Weil zu Freundschaften oder besser gsag guten Bekanntschaften sog i nie na. Bin i sufuat dabei. Oder wär des a große Freundesrunde, warum nit.
Oba i bin zu olt um mit zu wissen, doss der Typ sich schon mehr awoatet. Und des will i nit.
I verschwend doch mei Zeit nerma mit Typen, wo i was, des wird nix. Nix Echtes, nix Festes, nix für mi.
Und von ONS und so holt i holt echt nix.
Vielleicht konn es a sein, doss i kan Freund aus Frankreich haben will und daher bei jedem Typen abblock. I muss zu geben, er is jetzt schon da 5. Typ, den i am Tag vom Date absag oder eiskalt ghost. Was des bedeutet?

Unter dem Begriff Ghosting (engl. „Geisterbild“, „Vergeisterung“) versteht man in einer Partnerschaft einen vollständigen Kontakt- und Kommunikationsabbruch ohne Ankündigung.

Jo, des tuat man nit. Ehrlich nit. Oba meine Güte i bin für de Typen nur a virtuelle Figur, de ziemlich lustig is und echt viel Rechtschreibfehler mocht. I existier doch jo goa nit wirklich für de und se a nit für mi! I konn anfoch nit virtuell für jemanden Sympathien aufbauen, weil i jo kan Bezug zu seiner Stimme, sein Lochn oder sein Wesen hab. Weiters glab i verstehen de nit, wenn i schreib I wish oder easycheesy. Semigeil konn i übrigens a nit verwenden. Wie soll denn des wos werden, wenn de mei Vokabular nit verstehen??
Und jo natürlich könnt i ihn treffen und mi donn von seinem Charme umgeben lassen, will i oba nit. Weil er Franzose is, i in absehbarer Zukunft wieder österreichsichen Boden betrete und donn mei Leben in Wien starten will.

By ghosting, they have sent you an extremly loud message that says: I don’t have it takes to have a mature healthy relationship.
Ihr wissts i bin echt streng zu mir selber, daher akzeptier i, doss i wieda so 50 Karmapunkte verloren hab (nix zu meine -300 Verlustpunkte anfang des Jahres. Dafür sein ma so schlimme Sochn passiert, doss i jetzt glab i mit den nächsten Dingen leicht umgehn konn). I akzeptier, doss i dadurch beweis, doss i a schlechter, schwacher und unguter Mensch bin. Bin holt amol so, is nit so schlimm. In drei Wochen was er nerma wer i woa und i glab, der hot gmant i has echt LAXOBU mit Vorname also bitte.

I was, i blea jeden voll, doss i so gern in ana Beziehung wär. Weil de Beziehung mit mir selber schon so guat hinhaut und i langsam mein Partner in crime zum Pferde na eher zum Hunde stehlen brauch! Oba er sollte holt quasi für mi perfekt sein, also auf olle Fälle lustig, groß und er sollt bitte mehr Automarken kennen als i. Und es grüne Twinni bevorzugen, bitte danke.
Des wär jo mol a geile Zeitungsanzeige für die Partnersuche?
Du musst schon es grüne Twinni lieber haben und sei bitte groß und so lustig wie i. Wird schwer, oba greg ma schon hin. 
Grod im Moment gibt es wichtigere Dinge: mei Zukunft, mei Blog, mei Buach, wos i wohl irgendwann in dem Leben daschreiben werd und an Weg finden, wie i oll de Menschen de i in mein Leben hab, a drinn gholtn konn.

Ach, wer a immer des grod liest, i hab di lieb. Weil du dir de Zeit nimmst. Weil du mi unterstützt. (Kleiner Disclaimer: Solltest du di über mi lustig machen und des hier nur aus Neugierde und Neid oder so lesen: HAHAHA DANKE DU UNTERSTÜTZT MI DERWEGEN BUSSI.)
Weil du vermutlich grod volle lachen musst, scheiß Wetter in Kärnten hast und mir hoffentlich schreiben wirst. Weil mir is unendlich fad. I hab in der Nacht de ganze Staffel von Quicksand angschaut, den Koffer noch immer nit gepackt und dafür die Blogbeiträge bis nach Ostern geschrieben. Oder wenn du so a Mensch bist, der öfters mit mir telefoniert (hot), ruaf mi on, wenn du Zeit host.
I hoff, dir gefällt der Blog. I hoff, du nimmst immer wieder wo mit. I hoff, du ghostest niemanden.

Bussi.

 

*Wer merkt do bitte nit, doss i grod voll im Psychologiemodus bin???