Unglaubliches is passiert.

Es is mir wos passiert, wos heitzutog so selten is, quasi a Rarität, doss nit darüber schreiben, anfoch nit geht.
Mochts eich bereit..

I woa Mitte Feber recht spontan 3-4 Tog daham. Deshalb hob i ma gedocht, i moch a klane Reunion (Wiedertreffen) mit den 5 wichtigsten Seelen meines Kärntner Lebens. Meine Eltern sein do ausgnommen! Und wissts wos do passiert is?
OLLE HOM ZEIT GHOBT.

Jo, richtig glesn. Ka kurzfristiges Obsogn, kane ondren Dinge wichtiga nehmen, ka Verschiebungsproblem. Anfoch die SMS „Kino. Donnerstag. 10 vor 8.“ kumt von ollen a passt zruck. Nit mol gfrogt, wos ma uns anschaun. Hauptsoch wir segn uns.
Danach natürlich der obligatorische Kaffee beim McCafé is einstimmig beschlossn woan. Ohne doss ma des als Froge formuliert hätten. Ane sog „Jetzt Mci.“ Olle steign in de Autos und olle sein beim Mci. Punkt aus.
Ach, i hob immer noch Pipi in die Augn. Weil i anscheinend diesen Mädels so wichtig bin und sie sich de Zeit so selbstverständlich nehmen.
Von 17 bis 21, Schülerin, Lehrling und Studentin bis hin zur gut bezahlten Urlauberin (MEEEE). Die perfekte Mischung, perfekte Kombination.

Und wos is an Monat später gwesn? Wie mei klane Schwester 18 woan is? Olle hom sich wieder versammelt und sein zu uns ham kemen. Im Wintergoatn neben Raclette und Klopfer hama glacht, gredet und in Erinnerungen geschwelgt. Wieder wir sechs Girls plus Familie. I will uns nit selber loben, oba wir sein echt nicht schlecht. Die ane ärgert sich über die bevorstehende Diplomarbeit, de ondre über die kommende LAP, de ane über depate Franzosn, die ondre freit sich übers Tante sein, de ondre übers Tante wern, de ane ist vergeben ans Leben, de ondre hot an siasn Freind, na sogoa 3 von uns.

I will eich nur damit sogn. setzts Prioritäten richtig. Sogs nit jedes Treffen holbherzig wegen bisi Kopfweh oder ka Lust ob. Seids so a Seltenheit wie wir.
A coole Gang. ?

Würd jetzt echt zu gern a cooles Foto von uns Girls posten, wir hom oba kans olle zomm. Wir sein zu beschäftigt mit Zeit miteinander verbringen, doss ma auf Fotos mochn vergessen. Egal, des hol ma noch, wenn i zruck bin. Hier a poa aus den letzten Jahr(en)♥️