Wie kannst du nur immer positiv bleiben?

Oft werd i gfrog, wie i so positiv und optimistisch bleiben konn. Wenn die gonze Welt zommfliagt und i dennoch es Lochn nit valia. Wenn olls und jeda gegen mi zu sein scheint und i dennoch nit aufgib. Wenn es mol nit glei a Lösung zum Problem gibt. Dei Nachricht wird bewusst gelesen, aber es kumt ka Antwort drauf. Diese schas blauen Whatsapphackelen und des „Gelesen“ per Insta/ Snapchat/ Facebook sein gemein. So viele Leit machn sich dann Gedanken und verzweifeln fast. I archivier donn SOFORT die Nachricht. Aus den Augen aus dem Sinn. LOL. Und donn? Geh i wos mit Menschen in meiner Nähe machen, bestenfalls is holt wer in da Nähe. Oba i ärger mi donn nit weiter, weil wie oft schreib i selber bewusst länger nit zurück? I man i hob noch so a gute Erziehung genossen, doss i wenigtens nit auf die Nachricht geh.

Du host Gefühle, er/sie nit. Es soll leider anfoch so sein. Geh ause, hol frische Luft, probier dei Kepfl ausscholtn. Du konnst ana Person holt anfoch kane Gefühle eineprügeln oda so. DU konnst do leider sowas von nichts machen, bist quasi machtlos. Also probier damit kloa zu kumen, es konn nur besser werden. Versprochen. Gib der Soch .3 Monate.

Du host grod so megaviel Stress. Ruhige Musik. Und Finger weg von Kaffee, de Pumpn geht donn jo wie da Speedy-Gonzales, de wilde Maus. Leg di am Abend mit langsamer Musik ins Bett und atme durch. Stress vergeht, de Falten, de dadurch kemen, bestehen.

Du vermisst den Idioten. GIB AN FI*** DRAUF, ER IS ES NIT WERT!!!! Sobald du an Typ als Idiot abstempelst, bin i ma sicher, er is es nit wert. GO Girl.

Du fühlst di grod ungeliebt und ungewünscht. Ruaf oda schreib den liebsten Menschen in deinem Leben, wie gerne du sie hast und wie gerne du grad bei ihnen wärst. Dass du ohne sie nix wärst und es schen is, doss es sie gibt. Wenn du ka Liebe gregst, gib du anfoch Liebe, sie kumt donn a versrochen zruck zu dir.

Schiabst grod den Obagrant und mogst di selber nit? TANZ MÄDI TANZ. Hau eine a guate Scheibn und tanz wos lei geht. Tua da oba nit weh, danoch liegst halbtot am Boden und konnst nerma aufhern zu lochn, über di, du komischa Grantnzipf.

Du wirst nit eingeladen. Ach, wir kennen des jo e olle. Silvesterparty steigt ohne di, oba deine „Freind“ sein olle eingeladen? Muss i echt erwähnen, doss des donn holt kane Freinde Freinde sein, sondern nur gute Bekannte. Weil echte Freind würden di einlodn. Also moch du anfoch wos mit deine WIRKLICHEN Freinde oda ana Person, de mehr von dir holtet.

Menschen, de da nit guat tuan, verhauen dei Leben. Schick sie endlich. Wennst se immer noch nit im oltn Joa hinter dir dalossn host, moch es jetzt. Ziag an Schlussstrich, wink senen noch und geh anfoch. Loss de depat sein, du brauchst de nit. Wirklich. Wie lang wirst du des noch mitmachen?

Generell Dinge, de du lossn solltest, damit es da echt nit so letz geht:

• schaun, wer deine Stories anschaut auf IG.
• alte Nachrichten lesen, tua es anfoch nit.
• vergleichen. Herts olle zomm auf mit dem Dreck, des macht mi so wütend.
• dei Glück von anderen abhängig zu machen
• Snapchatstandorte checken, anfoch na.
• jemanden, der sich nit zurück meldet, vollspamen
• Dinge lei tuan, weil es ondan passt
• auf Dates gehen, auf de du anfoch ka Lust hast
• Männer küssen, de du nit küssen willst
• Männer nit küssen, de du küssen willst
• Dinge nit sagen, aus Angst vor der Reaktion des Gegenübers
• Mut durch Alkohol hervorrufen. Wird nur peinlich

All de Dinge zu ändern und zu begreifen, hot bei mir Joare gedauert, also lass dir Zeit, Liebes. Es gibt Tage, do fong i a on wieder mi mit an ondan Mädi zu vergleichen. Oba noch a poa Minuten hau i ma aufn Kopf und loch. Als wär des Mädi a nur ansatzweise so lustig wie i!!
Fong klan on. Du schoffst des. Bussi.