gibs drama-free a?
es gibt holt schon olles: laktofree, glutenfree, ohne zusatzstoffe, zuckerfrei.. warum gibs nit anfoch menschen mitn aufdruck drama-free? wenn es des geben tat, olta i tat genau dohin gehn und nie mehr back to drama.
first of all: drama kennt ka geschlecht. es sein nit de „weiba“, de theater als hauptfoch gwählt hobn in da schul des lebens. nit jedes girl is eifersüchtig und macht aus jedem männer-abend a zerreißprobe der beziehung. ah ondre wesn, egal welches geschlecht (gibt mehr als mandl und weibl, oba des hob i eich schon 82038x hingschrieben!!) de anfoch gern auf drama stehn. und i steh oft do in da mittn als ausgeglichene waage und frog mi „EICHA KACK ERNST?“ in de letzn joa reagia i so allergisch auf drama wie aloe vera, ES JUCKT ANFOCH SO UNGUAT UND I TAT GERN OLLES ZOMMHAUN.
beispiele, weil i momentan so geil göttliche fallsituationen kenn:
da wiliam und de celine ham a gspusi. easy cheesy schmusn, sexln, guat essn und lochn. eeeeeasy. also wirklich wos, wos i ma selber wünsch. und es kimt e bold mol a blogpost übers gspusi OBA, du kannst di in dei gspusi verlieben ohne mit ihm zamm sein zu wollen :-)) geht wirklich! schwöre! oba da wiliam, der noch jedem mal sex drei mal erwähnen muas, doss se jo lei freinde sein und de celine schon de augn ibadraht, baut an schas. welchn schas? ER SCHREIBT IHR NOCHN AUSGEHEN UM VIERE IN DA FRIA DRUNK DOSS ER SE DOCH LIEBT. muas des sein? kann man des nit nüchtern amal nachn sex beredn? eventuell? und nit imma so tuan, als wär olles klaro maro und donn in an moment, wo du eigentlich lei party und gaude im kepfln host, muast an emotionalen gregn ehrlich?
spoats eich de emotionale momente bitte fia passende situationen auf. noch 2 uhr in da fria und via telefon muas olles nit sein.
die zwa besties zafira und mila gehen shoppen. und de zafira findet a ewiggeile jogginghosn und de mila will se a. se kafn se bade, obwohl de zafira schon bam kauf an grant im bauch ghobt hot. de kack nochmocharin!! de mila is dünner& schena& schaug anfoch in da hosn geil aus. wos tuama? stott da mila zu sogn „he du es stört mi wenn ma es gleiche trogn.“ oda stott der selbstliebe, doss man sich denkt „mir egal wos sie onziagt. i bin schen genug& andre frauen sein ka konkurrenz.“??? GENAU- wir stehen am schulhof und betitln de mila als fett in da hosn. druckn ihr ego, um uns zu pushn. supa zafira. es mocht di lei nit schena, wenn du ondre schlecht mochst. oba guat zettelst bisi missgunst und mobbing on. dramaqueen.
a klassiker unter den klassikern: seit drei joa san da alex und di bekki a paarle und seit drei joa und a schon davua, regt sie sich IMMER auf, doss er noch da feierwehrübung, fuaßbolltraining oda musikprob ans trinken geht. JEDES MAL IS A THEATER. warum er nit amol ham kemen konn, warum er imma saufn muas, warum de leit im wichtig sein. wo er de ondan 4-6 obende is? ba ihr. wo sie ihn eigentlich no weniga sigt, weil se von tiktok video zu tiktok video wischt. oba hauptsoche spinnen, wenn er an an abend echte ondre gsichtlen sig. ih man, des is jo schon a witz oda? a partnerschaft hast nit, doss man sich 24/7 sigt, ausa man will des. und genau de zeiten, de man fia sich donn alan hot, genießt man jo EIGENTLICH volle oda? und wer auf der gottvadommtn welt hot es recht, sich imma iba ondre zu stellen. lossts ihn am abend wos trinken gehen, er werd eich schon nit davon lafn. und wenn er es tuat, tat i es a vastehn. klingt jetzt echt hoat, oba wenn du schon 3 joa long nit kloa kimmst, doss er manchmal aus is, wos gonz normal is: wie werst des donn auf ewig mochn? i glab nämlich nit, doss da alex zum beispiel gerne zur bekki ham kimt so. und donn is stress in da beziehung doch vorprogramiat und hjo.
mei lieblingsbeispiel is und bleibt des handy. herrlich. wie oft wer i no sogn doss kommunikation der schlissl fia olles is? oft. oba de kommunikation ibas handy zu holtn, is anfoch lei schwoch. de chrissy und da mario hom momentan poa probleme. es laft nerma so, also im bett sowieso nit oba generell a nit. und do mant man: klärendes gespräch führen. HAHA. na man is wenn man sich sig leise und spricht olles on, ausa des thema. daham donn oba stürzt man sich aufs handy und liefert sich an fight. du bist unfair! du behandelst mi schlecht! i bin nit genug fia di! du snapst e lei mit ondan. OLTA DEI ERNST? im bett huckend sogn i lieb di& den emotionalen durchfall greg ma donn daham. weil ma zfeig sein zu redn? STREIT KERT NIT IBAS HANDY GEKLÄRT PUNKT AUS. wer des tuat: kindergarten kinder wolln ihr verhalten hinta. so wird man nie a beziehung rettn, aufbaun oda irgendwos.
schwöre, es gibt trennungen de lafn normal, menschlich und ruhig ob. und donn gibs leit, de nutzn de trennung fia an hollywoodreife drama-streifen. OLTA. wos i do in letzter zeit und im gonzen leben schon fane stories ghert hob. endgegner. kloa wenn de beziehung übers habdy beendet werd oda aus dem nix oda whatever: grant entsteht. oba doss do OLLE sicherungen durchbrennen: im ernst?? von massen-nachrichten über stalking über aktionen wie eier auf de wond schmeissn, lügen verbreiten, vua da oabeit stehen oda wildfremde leit anschreiben… hoooooly! i finds ja schon wild, wenn da expartner an beginnt zu beschimpfen. weil hallo? respekt bleibt a nach ana trennung. & kems ma nit „oba sie hat mi betrogen.“ „er hat ma weh getan“. dennoch: sprechts nie worte aus, de ihr dann irgendwann bereuts. würd nie ana person was verzeihen, de mi wirklich tief beleidigt aber naja.
man sog zwoa imma, es eigene leben soll wie a film sein. oba i glab nit, doss man damit a drama-komödie von wish bestellt gmant hot.
i sog wie es is: wenn i drama wü, steig i bei mein rtl plus account ein. wenn i drama wü, donn nit mei eigenes, sundan belangloses seichtes wischiwaschi am bildschirm. wo er in boomboom room will& sie sich denkt „na vua gonz deitschlond tua i des jetzt nit.“ oda wo se fremdgehen und donn blean, wenn da partner fremd geht. doppelmoral? kennen wir nit. i wü a nit es drama neben mir am kuchltisch oda direkt vua meina nosn mit 5 promille. i vasteh nit warum wer glabt, drama is geil& schen. du deafst a trennung in friedn erleben, ohne doss sie dei wohnung aufn kopf stellt, deine ganzen freinde irre mocht oda er lügen verbreitet. du deafst streitn& diskutian, ohne doss de fetzn so fliagn miasn, doss de da grosscousin vom nochba no aufklaubn muas WEILS ANFOCH JEDA MITGREGT. du deafst echt sogn zu leit: kolt da dei drama fia di, i wü davon nix hern.
es is ma echt a rätsel wie jemand es feiert, imma innerlich gestresst zu sein. jede muckn zu an elefont zu mochn gleicht jo ana sisyphusarbeit. & i was jo nit oba so vü energie fia theater aufzubringen, wo nimmt man de her? red bull verleiht flügel, welcher drink zwingt drama her? weil wos a imma des is, i hobs gegenmittel intus. wenn mi wer frogt, wos i will bin i mittlerweile so wei,t doss i sog: hauptsoch ka drama! und jeds mol wenn a wesn neben mir onfongt, krise zu schiabn, zuckt schon mei ohrlappele und i sog „freind, theater konnst wo ondas mochn.“ oda i ontwoat nerma. weil mei lebenszeit und energie anfoch nit fia drama verschwendet werd. punkt aus.
mittlerweile sein sätze wie „ihr frauen seids olle gleich“ schon so a red flag fia mi woan, doss i do schon des drama dezent riachn konn und dahin bin.
jetzt no eigenwerbung, weil i selber mal lästerschwester nummer 1 woa (so a la hannah montana de zwa bitches do wissts no???): i hab a digitales workbook ausagebrocht, wo man 40 tog long auf sich schaug & bisi mehr in sich geht. & donn merkt man: ok i brauch ka drama lama sundan a entspanntes faultier haha. hier der link :)) und on jedn der es kaft, schon gekaft hot, DANKE DU TOLLES WESN. mit textln& hilfreichen tipps wü i eich zagn: ihr >>> de welt. bussis