meine red flags

ok letztens hobi eich dazelt, wos meine green flags sein. hier kennts des nochmol nachlesn. und heit kemen de sochn dronn, de i nit dapock. bei menschen und vorollem bei männliche wesen. damit des olles bisi unterhaltsama bleibt und nit zu oag, weil eigentlich sein des echt oage dinge, hob i mi lyrisch bisi ins zeig gelegt& über typen geschrieben hahaha. enjoy!!!

erstes date und du führst an monolog über di,
just for info, da kern eigentlich zwa zur partie.
warum frogst du mi nix?
oder riach i do a bisi narzisst?

äh dings, narzissen also bluamen hob i gmant, i dumme maus,
weil wie host du gsog: du wast, wie du frauen umhaust?
mit unnötig sexisitischen witzen& ständigen „i bin nit wie olle ondanre“ sprichlen?

du bist laut dir selba wichtig, reich und geil,
glabst du da des echt selba weil..?
so vü selbstbewusstsein tuat jo weh, 
verstehst irgendwie a kan meiner schmeh.

sich über die ex lächerlich mochn,
zag ma glei, doss i pockn konn meine sochn.
glabst du, du imponiast mir damit,
sei froh doss i di nit glei schick.
obwohl i tuas liaba glei als später,
bin im gegensatz von dir nit lei a redna.
i tua mehr, als i sog.
wos, wos de von mir vielleicht obschaugn mogst?

wie schnell mei interesse on dir erlischt,
wenn du schlecht über andre frauen sprichst.
manst des gibt mir selbstbewusstsein oda wos,
boy, do greg i innerlich lei an hoss.
und du zagst ma schon wieda,
schlimma geht imma. imma wieda.

nenn sie ruhig toxische bitch, kumpl.
so werd kane mehr ongreifn, dei lumpl.

du manst, du mochst mi schoaf,
mit deiner fuckboy-oat.
es gibt vü sochn de sein genauso attraktiv,
zum beispiel die korrekte verwendung vom genitiv.
Spaß: der zweite foll is mehr mei foll,
mehr mei foll wia du. 

i trink den spritzer nit amal fertig,
host ma schon drei mol gsog wie geil de bist, wer tat di nit olls.
wer nit? ajoooo: ICH

du pockst glei aus: du mogst, wenn de spritzn deafst ins gsicht,
überlegst du da eigentlich do drüber zu schreiben, vielleicht a gedicht?
post i donn gern do am blog,
vielleicht londest so amol an hit,
wenn schon sunst nit. 
maaaa woa des jetzt a stich? 
in dei herzl, weil i dei ego ongekrotzt hon?
ma sorry. 

du manst du kannst jede fertig mochn,
sorry halt kurz mei capri sonne bam lochn!!

mir sogn, mit 3 kilo weniger wär i schena,
du wast ma mit 100 iq punkte mehr liaba, stecha.
dei gsichtl so schen zum onschaugn,
no schena zum einehaun. 

meine fehler mias ma unterstreichn mit lochn,
deine loss ma leise aufn bodn folln.
mr perfect, wos bist du fa monn
kotztest du di eigentlich nit selber a on?
wieso muas i mit dein drama kloakemen,
des de selba nit amol verstehst.
wundat mi nit, warum man ba dir freiwillig geht. 
host nit amal an echt freind, der hinta dir steht.

frauen diafn nit zu künstlich fia di sein,
sein se zu natürlich, nennst se oba glei fad, wie konn des sein?
erklärst ma groß und brat, wos a frau hobn darf.
und vergisst selba, wos du brauchst: onstond, sunst gib i da bold gas. 

du sitzt breitbeinig do& sogst ma im ernst: a frau kert hintan herd?
wenn i da meine einnohmen sog, frogst du, ob de richtig heast?
bin lei a nette buchhändlerin fia di, des mit da zeitung glabst ma nie,
und selbstständigkeit.. des werd a nie.
mi longweilen solche männer, de ma nix zuatraun,
i loss di anfoch in dein glaubn.
& morgen kimmt de nachricht „du bist ma zu selbstständig! i will doss a frau mi braucht“
äääääh wer um himmels willen werd jemals brauchn- so an lauch?

mei rock is da zu kurz, i zag zu viel haut, schaug aus i tua des lei, weil i es brauch?
sogst du des wirklich ernsthaft laut?
deine frauen hom nit so umasteign diafn,
i man, alan, doss i mi do jetzt rechtfertigen sollt, 
du sogst a ernsthaft, a beziehung braucht bisi gewollt.
i glab, des is da endgültige knoll? 

doss des mei körper & mei leben is, geht in dein hirn eine- nit.
du willst es sagen über dein frau hobn und i soll di dafia vielleicht noch lobn,
vermutlich werst no long den status single hobn..

ihr lieben, toxische menschen sein nit mit humor zu genießen, sundan mit verstand obzuschießen. i bitt eich, wenn ihr leit hobs voller red flags in eichan leben: cuttets de so guat es geht. ihr schuldets solchen wesen nix. und wer eich ka guates gefühl gibt, braucht eich glei goa nix geben. kopfweh greg ma schon vom wein oda von da gonzn oabeit, brauch ma a nit noch von ondan menschen hoben. bitte passts auf eich und eire herzlen auf. ihr kennts kane leit richtn, a oaschloch bleibt vermutlich fia imma a oaschloch und lei weil er es schofft, eicha hesle noss zu mochn oda eich umgarnt mit poa netten worten: seids gscheida. seids nit naiv und holts eich do a gern hilfe. freind*innen haben meistens recht, wenn se sogn a person tuat eich nit guat. natürlich, wenn de freinde a toxisch sein, is des schwierig. oba redets donn gern mit ana außenstehenden person. weil de will imma lei es beste fia eich und is objektiv. schwieriges thema, iba des ma wohl no eftas quatschern wern.

am mittwoch folgt part 2 von „du host se valoan„. bitte kafts eich toschntiacha und seids so kniawach und lossts mir a ane zuakemen, alan bam schreiben hob i schon 3 packln verbraucht. HAHA LIEBS.

danke fias do sein! und wieda mal da friendly reminder, wenn ihr mi und mei kreative oabeit do am blog supporten wollts, auf patreon kennts mit lei 3 euro im monat jeden montag a morgenmotivation von mir genießen und gregs zum geburtstag a briafle und a weihnachtskartl. hier da link amol zum anschaugn. und i dazel in den motivations-posts imma bisi aus mein privatleben :)) tat mi gfrein, wenn mi wer supportet. oba i bin a so dankbar, doss ihr meine blogposts momentan so verschlings und sooooo liab zu mir seids!!! ❤️