Regionaler Naturprodukt-Dealer
ihr lieben. es is endlich wieder mal an der zeit, eich meine favs von wurzelstock zu zagn und ons herzl zu legn. nit lei weil bold weihnochtn is, sundan a weil sich seitn letzten post sooooo vü geton hot. & es immer mehr lieblinge gibt, de i eich gern vuastellen tat: fia eich selba, als mitbringsel.. pipapo. Der beitrag is nit gesponsert, i greg nix dafia, außa doss ihr poa ideen hobs, wos ihr bestellen kennts. es is a herzlempfehlung und a kooperationspartner, den i wirklich lieb und wenn da lockdown mol vorbei is, werd i obn wieda ontonzn, bisi coffee trinken und für gute laune sorgen haha 😀 klanes goodie vorweg: mit laxobu10 gregs 10 prozent auf die onlinebestellung!!
also i will mi nit wiederholen, also lests de sachen von damals!! 🙂
„Des is nix fia mi“
Da alex, geschäftsführer von wurzelstock, hot ma persönlich de deocremen gezagt. und i woa so „naaaaaa freind des is nix fia mi“. irgendwie vatrau i bei schwitzigen angelegenheiten dann doch eher nit auf natur. BIS JETZT. kane zwa wochen später hab i ihm schreiben miasn, doss i de deocreme lieb. es is a umgewöhnung JO, oba lol in zeiten von lockdown und co is umgewöhnen e nit so schlimm mehr. am abend auf de gereinigte und TROCKENE achsl schmian und fertig. konn man beliebig oft (wie schoaf es date holt is) schnell wieder auftragen und es wirkt mega. i hab de duftrichtung rose (echte rose, ka kunstpicksiasrose) und habs so gern. aber i hab schon gehört de limette-pfeffer is mega. Also: wer jetzt a glab, naaaa deo creme is nix fia mi. probiats aus und dazelts ma davon!!
natürlicher Badespaß
mei empfindliche haut feiert badezusätze nit wirklich. schlimm, wenn man nachn badn nochmal duschn muas weil olles juckt. donn is wurzelstock mit badebomben daher kemen und omg: liebs. ka juckn, lei duftn und entspannen. is holt gscheid, lei natur in de bombn zu packen und nit lei chemie. es anzige problem: de auswahl. WIE VÜ VERSCHIEDENE GIBT ES DENN BITTE. i hab mittlerweile anige probiat, favoriten gibs kane, weil i holt a kane nit mog: Es gibt apfelstrudl mit vanille sauce, lavendel mit majoran, Weihrauch&Rose und so weiter. also des is amol des perfekte geschenk für leit de gern bodn und kids. ehrlich. so geht selbstliebe nämlich a.
safn
von den safn hab i damals schon geschwärmt. de lossn mi übrigens a erwachsen fühlen. weil erwachsene menschn, de sena leben im griff haben, haben immer geschenke parat. i dank wurzelstock seifn a. du host ma dei buach glichn? gregst a safn. du host ma beim trogn gholfn? gregst a safn. wir san spontan bei wem einglodn? greg a safn. du bist mit mir 25 joa verheiratet? gregst a… na 2 safn ;)) OBA es gibt donn noch wos geiles: a bierseife. de riacht guat (und bisi maskulin) und schaug a wos gleich. mega. MEGA. und bambina approved is a de hundeseife!!
klane hexe
i bin a hex, des wiss ma olle. hexn tuan zauban und räuchern. und mit de räuchermischungen von wurzelstock gelingt des no glei so vü bessa. wer no kan räucherbrenner hot, gregn a dazua. is übrigens a echt a mega geschenk für leit, de grod wo nei eingezogen sein. oda anfoch so. meine lieblingsmischungen: entspannung (entspannt), stärkung (stärkt) und reinigung (reinigt leider nit es haus oba den geist)!!
schenste flasche der welt
i wollt eigentlich eich a foto mit der schenstn flasche der welt postn OBA a person hat sich des packerl geschnappt und verwendet seitdem diese flasche mit kohlefilter. HOW COOL IS DES? de schaug a sooooo fancy aus. jeder braucht a glasflasche, aber noch drinder braucht man so a coole wie von wurzelstock. IS GROD IM ANGEBOT!!!
helferlein
wer katzn hat, kennt diese klanen nervigen kratzalen, de die schatzis oft an der haut hinterlassn. oda kennts ihr a de depatn „fauln eckn“ beim mund, de richtig weh tuan? und warum schleicht sich der zipfige pickel eigentlich nit? mei antwort: ringelblumensalbe. de gibs als klanen oda nit so klanen tegl zum kafn und i liebs. hilft immer SOFORT. hab sogoa amal an girl, des beim fuatgehn hergfolln is des auf ihr babywunde gschmiert und sie hot gsog, es tuat nerma weh. schauts, ringelblumensalben verbinden.
freinde, wir hern uns. passts auf eich auf und bussis!!!!!!