zeit zu gehn

also mei plan jedn monat zwa blogposts zu schoffn, hob i im jänner mol galant NIT gschofft hahaha. najo neicha monat, neicha versuch! enjoy.

zur sicherheit: herzltexte hom in den meisten fällen nix mit mein privatleben zu tuan, weil gefühle de i grod im moment gspia, gholt i gern fia mi oda teil se mit lieblingsmenschn. daher nix wildes, oba trotzdem: a text übers gehn, obwohl man gern bleibn tat.

egal, ob beziehung, freindschoft oda wos a imma: es gibt momente, wo an kloa werd, man sollte jetzt anfoch gehn. und i hob schon mal an blogpost gschriebn (UND I WAS NERMA WIE DER GHASN HOT. do is es ums gspusi gongen, doss du do in da nocht zu ihm foast und donn di ärgerst oba donn selba merkst, du losst es noch amol zua donn is a ruah), wo es drum geht, doss man nit von heit auf morgen gehen muas. du konnst mitn gedonkn spielen, obwohl dir da mut noch fallt. du konnst schon wissn, doss du zu sein geburtstag nerma sei freindin sein werst, oba daweil bist es no. du host im kopf den moment schon tausend mol durchgspielt, oba donn schaugst in ihr gsichtl und denkst da „na es passt ma e so“. i sog imma: nit stressn lossn. du werst de person schon gehn lossn, sobold du di mutig genug fühlst. es is egal ob des heit, in 3 tog oda 4 wochn passiat. (urlaub zamm buchn NIMMA empfehlenswert haha). oba solche entscheidungen, de aniges in dein leben umwerfen wern, diafn a bisi a zeit brauchn. und se diafn dir weh tuan. und i was leit sogn oft gern „des is so unfair! wenn de nerma bleiben willst, geh glei!“ i sig des bisi ondas: de person werd so oda so weh hom, ob des heit oda in zwa wochn is, is egal. und man muas sich jo nix vuaspielen. und von außen betrochtet konn jeda glei mol brüllen: bah geh holt. moch schluss. des is so unfair, des von außn zu sogn, oba nit wissn, wie es drinnen ausschaug.

und klane sidenote: man konn iba olles redn. nit lei glei gehn, weils schwa werd. nit beim ersten mol „huch i bin dechta nerma so verliebt!“ obhaun. beim ersten streit nit glei aufgebn.. bisi durchholtn. oba wenns bauchweh nerma geht, du noch jedem treffn weniga energie wie davua host und anfoch nerma nebn der person stehn willst. donn geh. irgendwonn, in naher zukunft. des wird dir weh tuan und da person a. oba wir hom holt schon 100% unsra schlechtn toge überlegt, a de phase geht donn vorbei.

und donn werst da denkn:

i wünsch da es beste, oba es is zeit zu gehn.
mit dir fühlt es sich imma on, als tat i nit weita kem. 
imma auf da gleichn stell stehn,
bin ma sia, do gibs no mehr im lebn. 

i was jetzt, doss do draußn mehr woatet auf mi.
oba gott sei donk a auf di.
vielleicht homa bade gmant des mit uns endet wohl nie.
oba nit jedes fia imma hot so vü magie. 

unsa „fia imma“ woa kiaza wia gedocht.
oba wir hom gliebt und wir hom glocht.
du host mei leben fia a gewisse zeit bessa gmocht,
oba realistisch wiss ma, doss des jeder von alan a schofft. 

dei lieblingsgetränk werd i nie vagessn,
und wie viele nächte du munta nebn mir bist gsessn.
i bin da donkboa fia jeden moment, 
oba jetzt is es de zeit, auf de i denk.

wir sein bade so jung und des leben no so long,
vielleicht hom wir von der liebe/freindschoft zvü verlongt?
pass auf dei herzl auf, vasprochn?
i bin froh, doss wir uns hom getroffn
und a a bisi zvü in uns anonda hom valofn
der herzlschmerz werd vergehn, des bleibt zu hoffn.