da schenste summa meines lebens (bis jetzt)

ok nochdem i mei winterjacke unironisch oft onziagn muas, konn i sogn da summa is uma und i ziag a fazit. und wer jetzt glab, i werd do private dinge und namen droppen: hot sowos von pech ghabt 😀 wobeeeeeei- schau ma mal

i hab den schenstn summa meines lebens ghabt. und nit weil ondre summa nit so geil woan, sundan weil der anfoch sowos von gepasst hot. i man i woa… fünf mal (?) oda eftas am meer. i hob über zwa wochen urlaub ghabt. i hab FAST jedn meiner lieblingsmenschn gsegn (viola und laura i miss u) und hab am ende anfoch glebt.

i was nit mal wie viel sinn es macht, darüber an blogpost zu schreiben, oba ondre mochn 18 minütige videos wo se eineblean, weil a club se nit gratis eineglossn hot oda doss sena gepäck am flughofn valoan gongen is (wos jo nur senen passiat is und goa ka luxusproblem is oda so). donn deaf i wohl a kurz übern summer schwärmen, daweil i meine alpakasockn onhob und es irgendwie fein find, nerma weil wegen schwitzen des bedürfnis zu haben, vierzehn mal am tog duschen gehen zu miasn. Kern jo vü mehr liabe sochn ins internet oda?

So jetzt fongt de feste schwärmerei on, vielleicht werd eich jo a bisi woam:

zwischen konzerten, anigen aperol-glaserln (aka flaschn)& spontanen ausflügen hama uns verliebt, wieda gfundn, gfreit & gekuttat. wir hom gratscht, getonzt& ondre überroscht. wir sein ins meer ghupft, im see glondet& a im whirlpool ausgnutzt. Wir hoben ideen ghobt, sochn umgsetzt und fian herbst an haufn dinge festglegt. es wurden dinge feiert& ondre wurden mit gemeinsamer zeit bessa gmocht. Wos ma den summa definitiv nit woan? alan. Und a endlich amol nit mit an schwaren herzln irgendwie. monche festln hama alan valossn, monche mit an liabn knopf on da hond. Monchmol is es sperrstund woan, monchmol oba a holba elfe. Wir hom leit kennen glernt und zu ondre wieda gfundn, wo ma uns gedocht hom, des ende is fia imma do gwesn. Eltern hom uns mit an „schen, doss du wieda do bist“ begrüßt und ondre hom uns es erste mol im oam ghobt. Aus „vielleicht werd da summa gonz ok“ is a „da beste summa des lebens“ woan. ohne große obsichten wurde gedatet und mit voller überzeugung und dem gresten feierwerk hot man sich verliebt. De an oda ondre gschicht is relativ kleinlaut am sunntog in da fria am telefon dazelt woan und ondre hot man mit an vino voller stolz ziemlich laut dazelt. kane herzln sein gebrochn woan, dafia gheilt ❤️

den summa do onkemen, wo i sein wü. 🌞

mei summa riacht noch sunnencreme, an richtig guatn parfum& noch spätsommerregen.

mei summa schmeckt noch aperol sprizz, schmusarei & geeeeeeilen food.

mei summa hert sich noch donauinselfest, imagine dragons und podcastfolgen on.

mei summa fühlt sich in wie 20 runden am breakdancer, millionen schmetterlingen im bauch& noch dem leichten wind direkt am meer.

Wenn i hinta denk, muas i grinsn und hoff, doss da nächste summa den, den offiziell schenste summa meines lebens, fest konkurrenz mocht.