ins kolte wossa hupfn
OLTA bin grod so grantig. weil i hab schon alles fertig ghabt, blogpost für die nächsten drei tage, newsletter, patreon, instaposting.. alles. dann wollt i endlich duschn& huckn gehen und eigentlich sollt i zammpacken, ABER mein lieber podcast-kollege raphael hat random JETZT die erste folge gedropped und mir damit mein abend noch enger gschnürt. also neuer blogpost, ENJOY.
i wollt an podcast machen. aber war nit mutig genug. i habs geton.
i wollt an blog starten, aber war nit mutig genug. i habs geton.
i wollt postkoatn ausabringen, aber war nit mutig genug. i hobs geton.
i wollt mi selbstständig machen, aber war nit mutig genug. i hobs geton (nebenberuflich okkkkk).
würd i mei altes ich beschreiben, wa immer des woat ongsthos mitghupft. wos heite immer no a daseinberechtigung hat, weil i anfoch ängstlich bin. weil i oft soch überdenk und mi zu mein eigenen mut oft selba onschupfn muas. oda es kimt irgendwer und haut ma sachte aufn popo oda trittet richtig fest eine. sowie bei mein workbook im frühjahr. i hab imma angst ghabt, weil i angst ghabt hab, was leit sogn. a jetzt hob i ongst, doss irgendwer schreibt „lächerlicher müll!“ wobei in dem podcast steckt 70 prozent larissa 30 prozent laxobu, also wie konn des eigentlich müll sein? hab an lieblingsmensch gsag, doss er nit einehean soll. er wirds tuan, i was, oba i hab richtige panik, doss er mi judged. wos e dumm is, i was, oba de ongst is do.
mi ständig ins kolte wossa zu schmeißn, hot mi dohin gebrocht wo i heit bin. oda a eineschmeißn zu lossn von mir aus. ohne den mut, de textln, de in notizbiachan seit joan einegekritzelt woan sein von mir, zu veröffentlichen- tat i heit nit do sein, wo i bin. grod gestan gecheckt, i hab vor 3 monaten noch 2000 weniger follower*innen ghabt?? i man hallo, was sein des fane zohl. do wo i herkim homa nit mol so viele einwohner. GESTÖRT. des kimmt oba nit von irgendwoher
mutig sein, zohlt sich aus, imma imma imma. des predig i jo a imma imma imma. wobei es mi imma imma imma wieda on meine grenzn bringt und i donn do sitz und ma denk „olta bist du wahnsinnig. wie konnst du des tuan? wie konnst du di sowos traun?“ i bau auf mi selba holt donn doch irgendwie immer so oag vü. werd schon schief gehn. und wenns kacke is, her ma auf damit. und wenns guat is, is es guat.
leit frogn imma wieda, wie se mutiger wern kennen: am ende, anfoch tuan. und kane gedonkn mochn, wos ondre sogn kenntn, weil wos wern se da. es is dei lebn, du solltest glücklich sein.
i bins definitiv. i bin glücklich wie noch nie. oba i bin a komplett miad und hin. wenn ihr de zeilen lests, schlof i hoffentlich schon. also wenns wer donnerstag abend liest, morgen bin i nämlich no mehr unta strom.
würd mi heit mei oltes ich segn tat se bled schaugn, de maus. seit wonn sein wir mutig? seit wonn wern wir nerma rot, wenn wir hübschn männern in de augn schaugn? seit wonn kema redn ohne rot zu wern? seit wonn sein unsre textln öffentlich? seit wonn kennt wer unsan nomen? jo maus, des hob i domols schon gwusst, lei nie gsog, jetzt sog i es doppelt so laut: mut zohlt sich imma aus.
fallt lei mehr mei buach ausabringen, oder?
najo eigenwerbung stinkt nit: herts eich gern unsa erste folge on. a zweite is schon im kostn, de deaf da raphael no fein zommschneidn und zommspochtln. danke!