DES tuama 2022
hi meine siasn. seids guat ins neiche joa gestartet? i hoff schon. i hab fia eich/uns a liste von 22 gewohnheiten, on de ma uns gewöhnen sollten im neichn joa. damits UNS besser geht. bin gspannt, was ihr davon schon machts und was nei is. viel spaß beim lesn 🙂
eventuell sein 22 regeln echt hoat viel, aber ihr kennts eich a lei 2-3 sochn ausapicken und eventuell mochts davon e schon 15 sochn und mochts den rest anfoch mol zur probe.
- alles aufschreiben
schon seitdem i 11-12 bin, schreib i anfoch OLLES auf. derzeit hab i für mein blog/insta sogoa a eigenes biachl wo alle projekte/ideen und so gesammelt werden. wenn du da wos aufschreibst, erinnerst di bessa daran und kannst so besser ziele erreichen oder a dinge loslassen. oft schreib i ma klanigkeiten auf und denk ma „sinnlos, oba i schreibs auf“ und dann erinner i mi monate später daran und denk ma „gott sei donk“. i schreib ma a so gern auf, wie es ma grod geht und mach es in 3-6 monat auf um zu merken, des leben geht weiter, wird besser und i kim imma weiter. übrigens: natürlich kennts a ins handy tippen, wenn ihr ka schreiberle seids. i hab über 800 notizen am handy LOL - gscheiden content konsumian
Wir entscheiden selber, welche dinge wir konsumian. essen, segn, lesn. warum dann nit glei content konsumian, der uns weiterbringt? wenn i motivation brauch, folg i seiten, de mi motivian, lies büche zu den themen und so weiter. wenns ma nit guat geht, schaug i liaba a komödie als a drama. gewöhn da on 2022 mehr content zu konsumian, der di weiterbringt. stichwort ted talk. hier glei amol an, der mi immer wieder bewegt. wenn du stott 4 sinnlosen youtube videos lei 3e schaugst und ans mit sinn: life changer. - weg mit sinnlosen inhalten
wir ham so wenig zeit auf dera welt. wieso dann auf tiktok de dämlichen tänze von zu dünnen, zu gefilterten menschen anschaugen und a schlechts gefühl haben. 0815 influencerinnen folgen, wenn se sich de 5. louis kafn und auf senra seitn NIEMALS dankbarkeit zagn? naja. kann man machen. muas man nit. i tua es schon long nerma und bin super happy! entfolgs regelmäßig menschen/accounts, wenn ihr merkts, doss es eich nit so guat geht. - notification OFF
des mach i a schon lang, weil sunst drah i vor allem wegen insta mal durch. snapchat, whatsapp, insta.. überall de benachrichtigungen weg, wenn a nachricht kimt. vor allem wenn man viel zu tun hat. und dann geht man nur noch in de app eine, wenn man LUST hast und nit lei weils aufblinkt. is a klana gamechanger des. - früh(er) aufstehen
probiats des echt mal aus. es is so geil, wenn man vor da schul/arbeit nit lei 30 min hat sondern 2-3 stund. du kannst lesn, duschn, in RUHE kaffee trinken. morgenstund hat halt echt gold im mund! irre, wos do in da fria weiter geht, wie viel energie man sammeln kann und hjo. - bett machen
GLEI NOCHN AUFSTEHEN. SO A GEILER SCHEISS HAHAHHAHA. du fühlst di so „i hab jetzt schon was erledigt!“. aber aufpassen: wenn a katze im bett liegt, nit so wild bett machen 😉 gilt a für partner*innen - nit to-do sondern I WILL
to do klingt so gezwungen, wenn man oba schreibt: i will liste, klingt des glei besser. i will mein arzt termin ausmachen. i will de seminararbeit schreiben i will den blog fertigstellen.. es sein imma de klanen dinge! - 5-minuten regel
gib da fia sochn, de du nit machen willst 5 minuten, setz den timer und tua es! 5 minuten zimmer aufräumen is oft genug. 5 minuten wen anrufen, den man nit anrufen will, reicht. 5 minuten des altpapier sortieren/wegwerfen.. 5 minuten reichen! - körperhaltung achten
früher war i genervt, wenn wer gsag hat i soll schena do stehen. heit richt i mi selber immer bewusst auf und gspia glei, doss i mi besser fühl. irre, wie man de psyche glei verwöhnen kann! - wechseldusche
YEIH I HOSS ES OBA LIEB ES HAHAHA. erst kolt donn has donn kolt oda wie a immer: tuats es anfoch - bildschirmzeit checken
wir redn immer von zu wenig zeit haben, aber verschwenden se dann in sinnlosen apps. deshalb: check dei bildschirmzeit, setz da a ziel und lets go. i tua wirklich oft so, doss i, wenn i zb blog schreib, lies oder wos a immer, mei handy wegleg und erst wenn i fertig bin, dazua greif. natürlich muss i mi oft zwingen, aber es tuat ma guat.
- a glasl wossa in da fria
GLEI NOCHN AUFSTEHEN A GLASL WOSSA TRINKEN OHNE NACHZUDENKEN. du brauchst den schluck wossa, kind! wirklich. und donn, wenn du des schon perfekt machst, trinkst a zu jedem getränk (tee, kaffee, alkohol, was a immer) a glasl wasser dazu oder davor. dann hast echt automatisch genug flüssigkeit zu dir genommen. - finanz check!!!!
i hab mi davor echt lang gedruckt, oba es is anfoch wichtig, zu wissen, wohin dei geld geht und wo es liegen sollte. du muast nit mal viel verdienen, um des zu tuan. du kannst a mit wenig geld schon gscheid sparen. du schaust mal wo deine ausgaben sein, welche sein sinnlos, welches abo hast du, nutzt es aber nit? wie viel willst sparen? es is a spannendes und no so vü wichtigeres thema!
- zeit alan
jap etwas was viele glei als einsamkeit bezeichnen, wos oba eigentlich anfoch lei guat tuat: alan sein. me time. zeit mit sich selber. davon braucht man genug. am bestn imma ohne technische geräte. und wenn du lei 10 minuten vorm schlafen gehen da liegst und da denkst, was du alles erreicht hast: is schon mal a start. i chill gern mit mir selber :)) - dankbarkeit
Wie oft denn noch? Hmmmmm. so long, bis es olle checken. du muast dankbar sein. sunst wird dei leben nie so schen, wie du es gern hättest. punkt aus. schreib/denk täglich on 3 sochn, fia de du dankbar bist. eventuell follt es da zu beginn schwer, aber in a paar wochen is es so easy! - abend nutzen
etwas, wos i von meina mama hab: richt da dei gwond am abend her, so host in da fria weniger stress. wenn geht, konnst a de jause schon herrichten oda wenigstens dei jausnbox/getränke flasche. pack dei tasche am abend davor und leg des zrecht, wos du brauchst. gehst zb zum oazt, leg de ecard schon am tag davor her. es klingt so simple, is es a. und is a gamechanger.
- de woche gfrei i mi..
ane meiner lieblingsbeschäftigungen am sonntag abend: a liste schreiben, auf sochn auf de i mi gfrei. und jo do steht manchmal „mittwoch blogpost veröffentlichen“ „gemüse kafn“ oda so wos banales. weil i mi do echt drauf gfrei. und man merkt, es sein a wieda de klanen dinge, auf de man sich gfreit. sia gfrei i mi auf a fotoshooting oder a geile hausparty, oba i gfrei mi a, doss i an briaf verschicken werd. probiats amol so a liste für kommende woche aus :)) - alkoholpausn
über alkohol werd i des joa mehr schreiben. oba es is so wichtig und richtig, alkoholpausen zu machen. und des ohne zwang und friends de drüber lachen. es tuat dein körper guat und des tuat donn deiner seele a guate und punkt aus. - onlochn
jedn morgen im spiagl lochst di on. a wenn du di nit danach fühlst, trickst du somit dei psyche bisi aus und es geht da schon bessa. gewöhn da des ruhig an. - mehr anrufen
setz da auf dei I WILL Liste amal de woche an anruf. ruaf a freindin im ausland an, deine großeltern.. wen a immer. oba moch es zu ana I WILL aufgabe und es tuat badn parteien anfoch guat. Und schreibs mehr briaf, oba des is e kloa - handy/chats ausmisten
hab am 1.1 um 00:30 anfoch olle whatsapp chats GELÖSCHT. weil i den balast nit brauch. und dei handy kannst a mal ausmisten, alle fotos. wie viele screenshots sich da tummeln. des is alles balast, den du zwoa nit merkst, der trotzdem da is - playlists
wos fia a richtige guate mood sorgt, is musik. erstell jedn monat dei playlist und glab ma: wenn du donn mol de von april 2019 onherst, gregst du OLLE gefühle von damals auf amal hinta. und i lieb des so. deshalb mach des 2022 unbedingt und gfrei di in zukunft drauf!
wos des noch tuan kenntets, oba bitte ka zwang: mitglied bei patreon wern und mi im monat mit 3 euro supporten. wos des dafia gregs? 52 weitere exklusive blogposts, a briaf zum geburtstag und a weihanchtskartl. jedn monat kennts kündigen. danke :)) SCHENEN ABEND EICH.