A weiteres Lifeupdate

Hab zur Einstimmung grad mei letztes Update vom Juli glesen und holymoly- wie de Zeit vageht! Mia kimt vua im Olta sog man des imma heifiga, konn des sein??
Mir gehts guat. so richtig guat. i fühl mi wohl. mit mir, mit mein lebn, mit mein job, mein olltog olles. des is amol es wichtigste. i mog mi und mei lebn. i merk jetzt, longsom doss i holt echt erwochsna wer. mit 23 is man nerma so a junges naives hupfale, des daham glei de mama onruaft, wenn amol wer gemein woa. man fongt on, sich mehr zuazutraun und dinge, vua denen ma ongst ghobt hot, sein nerma so schlimm. es aschreckt mi oft der gedonke, wie ongenehm des erwochsn sein irgendwie is. i man i bin holt a erwochsene ohne großen vapflichtungen sprich ohne kredit und ohne nachwuchs, i bin do natürlich gesegnet und konn imma no olls tuan wos i wü.

Liebe.

Die Liebe is in mei Leben getretn und a bestimmte Person a und bist du depat, hot de mi aus da Bohn ghaut. Oba irgendwie a grettet. Dadurch doss i vü vergleichswerte mit vergangenheit und freindeskreis hon, konn i sogn: i führ imma no a glückliche und gsunde beziehung. mittlerweile seit nein Monatn. Kloa is es nit de welt, oba jeda woa amol erst nein Monat zamm. wir ham den lockdown zamm überstanden und anscheinend jedes ondre problem a. a beziehung ohne drama is so toll.

Wohnen.

Ihr wissts, i wohn in Klafu und oabeit in Spittal. 170 km täglich pendln is nit so geilomeilo. deshalb suach ma zaghaft noch ana wohnung. In/zwischen Spittal und Villach. a relativ großes oba dringendes projekt. Lei auf 30 qm leb ma derzeit, des is recht klan, aber machbar. es is eher de entfernung zu meiner arbeit. bin gspann, ob ma noch 2020 siedeln wern. Hoffentlich!

Blog.

Oh Gott, im Juli hob i gsog i mecht bis Ende des Joares 2000 follower, jetzt seits des e schon über 2200. Echt oag. Danke amol dafia. Auf olle Fälle is mei Blog a bisi ruhiger woan (leider). Es hot sia mit dem Job als Redaktionsleiterin zu tuan, do schreib i jo a den gonzn Tog. Oba zwa Blogposts de Woche schoff i und de textln zwischn durch flattan a eine. I hon noch 2-3 Projekte im Kepfln, de i realisieren will- stress hon i kan. es muas anfoch guat wern. Bleibs gsponnt. immer wieder gerne neue ideen/ anregungen und inspo schicken. da bin i dankbar! ♥️

Dankbarkeit.

I muas des Lifeupdate anfoch nutzn, um mei Wandlung bisi mehr zu zagn. I woa imma schon a dankbarer Mensch, oba irgendwie merk i jetzt imma mehr wie schen es is. Freind zu hom, de onruafn. a familie zu hom, de sich kümmert. an partner zu hom, der an stärker mocht, nie schwächer. i wü eich anfoch olles weitergebn, wos i greg hon. weils schen is und guat tuat. wos i a echt glern hon, is, doss es nit selbstverständlich is, so zu leben, wie i jetzt lebn.

wir sitzn grod am feuerberg und genießen de zweisamkeit. Wir gönnen uns, weil ma kennen. weil ma bade oabeitn (diafn) und echt guate jobs hom. jo wir sein heia es zweite mol do und na es is nit billig, oba wir tuan des fia uns.

es gibt so vü neid und missgunst auf dera welt, i wü nit wissn, wie viele sich schon wieda denken, warum i wieda urlaub bin. lei onstott bei ondan zu frogn, wieso se des hom. sollte man sich überlegen, wos man eigentlich e selba hot und wos man braucht. wenn man wos will, tuat man dafia a wos. mir woa kloa, i wü zu mein bday mei ruah. desholb hon i urlaub gnommen. es is luxus des zu kennen. i bin donkboa dafia.

Verantwortung

wir ham jetzt de Zola, a katzl. a baby. 6 wochn is se. des ziag mehr verantwortung mit sich ols man so denkt. aussadem bin i redaktionsleiterin und des is a a job, wo man verantwortung trog: wos schreib i. welche werte vamittl i. genaues, ordentliches arbeiten. vatrauen und deadlines. könnt man leicht verkacken ka frage- aber i trog de verantwortung und nimm se ernst. i glab als grosse schwester hot man oft a verantwortungsbewusstsein in de wiege gleg greg. oda?

Chaos

2020 is chaos pur. fia uns olle. flexibel, vorsichtig und ehrlich muss man sein. teilweise hab i freundinnen monate lang nit gsehen, RONA sei pech. oba des is jetzt langsam wieder eingependelt, alles nachgeholt. und btw hab i den besten freindeskreis der welt. und familie a. i merk imma mehr, doss es recht fein is, so treue seelen zu haben und sich freindes drama zu spoan. danke eich olln zamm ♥️♥️♥️

 

Auf Instagram is grod a bsundas gewinnspiel online gongen. i genieß jetzt de Zeit. Bussis.♥️♥️♥️♥️