Liebeskumma, Notfallnumma

Oda bessa gsag Notfallblogpost. Zum Nachlesen bei eintretenden Liebeskumma. Egal ob Beziehung, Freindschoft pipapo. Wenn Not, Laxobu is do.

Da Liebeskumma is a Hund. Do seima uns e einig. Oba wos tuan, wenn der losbellt, beißt und grausig werd??

Blea.

Jo richtig. De Foltn ertrogn des schon, wennst amol richtig ordentlich bleast. I blea jo sogoa, wenn i ma mei Bauchi beim Reisverschluss einklemm, donn blea bitte, wenn dei Herzl zbricht. Des is so normal. Blea long, laut und heftig. Danoch greif unbedingt zu an Glasl Wossa (NIT WODKA) und gönn da bisi Aqua. Des Gefühl noch Blean fühlt sich so semigeil, mehr geil als semi on. So leicht, so beendet, so fertig. Es nimmt da de Lost kurz ob und donn host es Kepfl wieda frei. Und Maus, glab ma, blean werst noch oft. Oba lochn werst noch vü eftas.

Red.

Nit mit der Person. Mit der redest amol länger nix. Bitte. Des is so a Hirngespinnste von den Hormonen, de da sogn: Bei der Person, de da weh geton host, findest Heilung. NA. Wenn du von Tequila speibst, trinkst jo a nit Tequila damit es da donn bessa geht. Also red mit jemand ondaren. Egal, mit wem. Wen, der Zeit und Ohr hot. Der zuaheat und nit lei sog „Is holt so.“ oda „Is ma egal.“ Red mit Mama, Papa, Sista, Brotha, Cousin(e), Friends in Reallife oda Friends im Internet. I was jo, oft glabt man, man is da anzige der Liebeskumma hot. OBA irgendwie hot des jeda. Und bei mein heftigsten Liebeskumma eva hot ma a Bua gholfn, der ma gezagt hot, wie guat i es eig hob. Es sein nit imma lei Freinde, de da helfen. Oba zruck: red. Sog, wos du denkst, wie du fühlst, wos du willst. (Ihn/sie hinta i guess.) Reden tuat guat. Gesprächstherapie is a thing. Also bitte.

Netflix.

Bei mein heftigen Liebeskumma hon i Riverdale 2 Staffeln in 2 Tog ongschaut. Genau des hob i gebraucht. Und FRIENDS is a Serie, de lenkt perfekt ob. Gönn da wirklich LOVEFILME volla Schmolz und Kitsch oda so happypeppy movies. Schaug, doss es Ende happy is sunst bleast de Nocht durch. Netflix, Youtube, Amazon, Disney- sein olles deine Freind, de di oblenken. Es füllt nit de Leere, ersetzt nit den Schmerz- oba es lenkt kurz und guat ob.

FÜHL.

Sei grantig, weil er/sie gongen is. Sei traurig, weil der Verlust schiach is. Sei moody, weil du grod nit wast, wie tuan. Sei nit unbedingt schadenfroh und wünsch ihn irgendwos on den Hols. I hob do a Technik- wünsch der Person, doss se bold merkt, wos se on dir ghobt hot und wie oag se di vermissen sollt. Anfoch a kurzer Stich. So mitten auf da Tonzfläche und de Person heat eia Liad und denkt „Mist.“ Du bist grod mitten im Liebeskummer und somit nit zurechnungsfähig. Also nit zu 100%. Daher diafn deine Gefühle a ausa. Geh in Wold schreien, tua boxn, zerschneid a oltes Shirt von der Person. Fühlen is so wichtig. 

Schreib (ihn/ ihr nit).

Mein Tipp für immer: Briefe schreiben, de ihr zwoa nie obschickts, oba geschrieben habs. Bei Liebeskumma hob i a Goldene Regel:

Bei Liebeskumma passiat oft, doss man dem Menschen wos sogn will, wos der Person so egal is. Deshalb anfoch aufschreiben. Fühlt sich so on, als hätte man es ihr gsog und man belästigt se damit nit. ENDE.

Daher schreibs Briaf. 3,4 oda 3221 gonz egal. De Person braucht de nit lesen. I vasprich eich, in 3 Monat lests es selba und denkts eich „OLTA WOS??? Zum Glück hot er/sie des nie glesn“ Weil ihr eich so veränderts. Weil ihr nerma de gleichn sein werds. Weil der Liebeskumma eich stärker mochn wird. VERSPROCHEN.

MASTUBIA.

Statistiken belegen, doss vor allem Frauen IN da Beziehung nit sooft kemen, wie se wollen. Sollte dei Partner bisi drauf gschissen haben.. dann good for you und GÖNN DIR!! Befriedigt liebeskummat es sich leichter ? sextoys- alles is erlaubt. gönnen, gönnen, gönnen.

Atme.

Du lebst. Vadommt. DU BIST AM LEBEN. Genieß des. Liebeskumma hin und her. Wos soll de Person? Dei Leben bestimmen NEVER EVER. Also otme. Sei dir bewusst, doss du am Leben bist. Des is holt echt schen. Atme bewusst ein und aus.

Leb.

Du lebst. Also geh a eine ins Lebn, oda ause? Wie sogn des de Steira? Voll eine ins Leben. Geh fuat, geh tonzn, geh Coffee trinken, probia neie Drinks aus, moch da an Frisörtermin aus. Triff di mit Boys/Girls, de du vor der Beziehung oda während da Freindschoft nit getroffen hast. Sein sicha anige Vögel dabei, de di erheitern. Dates sein imma witzig oda schrecklich. Do merkt man oft „Zum Glück bin i Single.“ Geh mit Freindinnen shoppen, moch a Wanderung, moch wos, wos du LIEBST. Und Tonz. TONZ SO VÜ WIE LEI GEHT. Wer lebt, der liebt. Sei Leben und irgendwonn sich. Und da Liebeskumma vazupft sich.

Zeit.

Nit de Zeit alan heilt olle Wunden, sundan eben a dei Wille, es zu überstehen. Verdau den Liebeskumma gscheid. Nix untadruckn. Tua fühlen, tonzn, blean, schreibn. Mit da Zeit werst du verliebter (in di) und ins Leben. Mit da Zeit merkst, wie schen es a ohne is. Mit da Zeit merkst, wer de true friends sein. Also mit da Zeit kimt Heilung, wenn du des a willst. Sei es dir wert, klana Stern.

Bitte kane Autos zerkrotzn, kane Einbrüche, kane Stalkingaktionen, kane Attacken auf ondre Mädels/Boys, kane „KIM HINTA SONST BRING I MI UM.“- moves. Bitte. Des is olles zu ernst, zu gefährlich. Und wenn ihr jemanden kennts, der beim Liebeskumma in dieses Schema verfollt- helfts. Ruafts de Eltern on. Notfolls de Polizei, i was es klingt so übertrieben. Oba a wenn wer aus Gaude sog, er begeht Suizid. Liaba amol zvü ongruafn und glernt, ols doss wos passiat. Ehrlich. Bitte.

Bussis.