Frog amol dein Partner..

Soweit i richtig bin, is der Begriff Partner genderneutral und mant Weibi und Mandi. Ok? I versuch immer mehr, doss i olles richtig gender. Sollt ma des nit gelingen, gerne konstruktiv ausbessern oda anfoch a Aug zuadruckn. Ihr wissts, i find des nit unwichtig!! So heit amol wos, wos i letztens ausgepockt hon. A poa Frogn. On mein Partner. Hon i von da julesvogel, ana so coolen Influencerin. Ihr Podcast vogelperspektive is anfoch GUAT.

Ihr wissts, mir is es wichtig, doss wir mehr über Beziehungen reden. Weil a Beziehung sollt gsund sein. Nit, doss de gach an Heischnupfn hob konn, na. Sundan es gibt eben toxische Beziehungen und eben gsunde. Glücklich sollte a BZ a sein, perfekt muas se nit sein. I hab derzeit wieder so vü Blogideen, de besprech ma jetzt longsom longsom. Soon folgt a a Podcast (eventuell im Juni) oba do will i bewusst nur schon beschriebene Themen vom Blog verwenden, quasi als Stütze. Also Frogn.

I hab mal bei da Jules (hab glei ihrn tolln neuen Beitrag verlinkt hihi) ghert, doss sie olle 3-4 Monat mit ihren Partner a poa wichtige Frogn durchgeht. LEIDER find i de Fragen nerma direkt von ihr, aber es war fix so a Pinteresttheme. Daher is des zwoa egal, aber mei Quellenangabe is transparent. Auf alle Fälle erwähn i hier a kurz, warum mir de Jules so a Vorbild im Thema Beziehung is. NA, i will keine offene Beziehung, wie sie sie führt. I will aber genauso diese Kommunikation erleben und haben, die sie hat. Ihr Beziehung is offen und damit a offen für ALLES. Sie bereden alles, sie respektieren alle Gefühle, sie teilen alles, Wissts ihr wie i des man? A offene Beziehung is nit „bescheissen“, des is sich so fest zu lieben und zu WISSEN, doss de anderen Bindungen niemals so fest sein werden wie die eigene. Und naja Kommunikation is da SCHLISSL.

Hier so a Fragenbeispiel: (anfoch sunst bei Pinterest eingeben ask relationship)

Man muss nit ans zu ans de Frogn bereden. Vor allem wenn man frisch beinanda is, gibt es über gewisse Sochn noch nit so a Wichtigkeit. Zammziehen, Heiraten, Kids. Ab und zu gibt es Themen, de sein grod megawichtig, ondre nit so. Zukunftsfragen kennen oft beängstigend sein,i was des. Daher fokussiats eich liaba auf JETZT.

Ganz wichtig (find i)

Wos konn i bessa mochn?
Wie konn i di am besten untersützten?
Wie würd unser Beziehung noch harmonischer sein kennen?

Oba am Ende is es eicha Soch über wos ihr redets. Lei gonz wichtig is, redn und hern. A stellt di Frage, B beantwortet ausführlich, A kommentiert (fair und ehrlich). A antwortet auf dieselbe Frage, B kommentiert (fair und ehrlich) so kimt man zomm on a Ziel und konn klane Hürden überspringen.

I fong sowos gern anfoch on mit „Wie gfollts da GRODE in da Beziehung? Wie is da de letzte Zeit vuakemen?“

De wichtigste Froge „Wos host du in den letzten Monaten glernt?“.

I sog eich do gonz ehrlich, wos i in de letzten 5 Monat glernt hob: Dei Bauchgefühl is mehr wert ols dei Kepfldenken. Ohne etwas zu „kennen“, konnst du es trotzdem hingregn. Kommunikation is erlernbar und braucht nit nur Worte. Weniger Worte kennen mehr Aussogekrof hom. Daher probia i a kürzere Blogs zu verfassen, de gleich vü Mehrwert hom. I hob glernt, doss man seine Gefühle nit immer komplett durchgehen lossen soll, oba se trotzdem spian soll. Doss des Ausn uma oft egal is, wenns innen drinn guat passt. Und aus der Bubble wü i nie mehr ausa. Und i muss ordentlicher wern. (eventuell)

Sollte eicha Partner solche Fragen kindisch/ depat finden und sich nit bereit aklean, über so „banales“ zu reden, hoff i, doss die Person de Wichtigkeit erkennt. Natürlich is es banal zu frogn, wie es an grod in da BZ geht. Zu sogn „guat.“ is a zwenig. A Antwort soll ausführlich sein. „Mir gfollts guat, weil wir uns guat tuan und i dank dir de Maturazeit jetzt echt bessa überstanden hab als gedacht.“ Sowos is anfoch schen zu hern und a lehrreich. Wenn man sog „I hätt ma lei gwunschn, doss du di amal bedankt hättest fia de gonze Zeit vua da Matura“ is nit böse, sondern ehrlich. Verstehts ihr mi? Segs ihr wie WICHTIG so a Gespräch sein konn?

Wir genießen solche Talks immer. Mit Wein oder an Tee. Fias auf da Wand oben (des entspannt) und mit Kerzenschein. Handys weg (höchstens für Fragen) und aus. Wie lang es dauert kimt a drauf on. Noch so an Gespräch fühlt man sich mehr verbunden, frisch verliebt und irgendwie näher.

Probiats es aus. Dazelts es ma gern. Motivierts ondre Pärchen a dazua.
REDEN IS WICHTIG.

Ajo, natürlich kann man des a mit Freinden machen oder Familie. Und mit sich selber. Gehts her mit de Frogn, schreibs de Antworten nieder und mochts des olle poa Monat. Do segs a a Veränderung. Fix!

Wir lesen uns Sunntog.