Liebe Männer.

Heit is da Weltfrauentag und i was es gibt anige Kaspalen, de sich unterdruckt fühlen von eich. WARUM DENN BITTE?

Najo, auf des geh i nit ein. Oba i moch mit eich a kurze Gedankenreise. Dafua sog i eich oba noch ans, i bin ka „Scheiß sexistische Feministin, de Männer hosst.“ I mog eich, sehr. Holt de, de sich benehmen, Frauen nit als Objekt sehen und sich selber nit zu groß onsegn. Männer mit Herzl und Hirn sein des wos i mog und de gonze Welt.

Mir gehts um Gleichberechtigung. I mecht nit den Job gregn, weil i a Frau bin. I mecht nit, weil i eben a Frau bin, den Job nit gregn. I mecht des vadienen, wos ma zuasteht. I mecht, doss man mi fias Schreiben lobt, nit fias Frausein. Ok? Und mir tuan de Männer lad, de de Fehler der onderen Männer ausbodn miasn. Es tuat ma e lad, doss ihr de zerstörten und ängstlichen Mädels wieder reparieren miasts. Es tuat ma e lad, doss eich ka Vertrauen geben werd, weils a ondra hingmocht hot. Seids anfoch so stoak und stehts über de schwochn Männer, de sich hinta bleds Gred und Fäusten verstecken.

Also. Mochts de Augn zua, nochn Lesen.

Stellts eich vua, ihr hobs a Tochter. A, wenn des erst in a poa Joa passiat oda nie. Oba ihr hobs a Tochter. Und donn kimmt da von hinten a Bua und haut ihr aufn Oasch. Sog „He du klane Bitch, kim mit.“ Und donn mecht er se flanken, sie will nit. Oba er tuat es. STELLTS EICH DES VUA. Oda wenn ihr a Schwester habs, denkts dronn, doss a ondra Bua des tuat.
Donn geht sie alan ham, weil ihr schlofts und sie nit abholts. Dann vergewaltigt sie wer. Und sie wird schwonga davon. Sie is minderjährig und gstroft fias Leben. Den Schmerz kennts ihr ihr nie mehr obnehmen. Stellts eich vua, sie is verheiratet. Ihr brings sie zum Altar. Schensta Tog ihres Lebens. Und donn ruaft 4 Monat später es Krankenhaus an und sagt, eia Tochter is gestorben. Innere Blutungen. Kellerstiege.

I was, i überzeichne es grod vielleicht. Fia eich. Fia ondre is des Realität. Alan der Gedanke, dass a Bua meiner Schwester lei a Hoa krümmen tat, tuat mir so weh, doss i weiter nit denken will. Und dennoch seids ihr oft so lustig, so humorvoll. SARKASMUS HUST.
Wie oft sogn eire Freind „I geh schnell mei Olte schlogn und varamen.“ und ihr lochts? Wo is do da Spaß?
Wie oft sogs ihr „De tat i gern pockn.“ Wenn sie des nit will, tuats des trotzdem. Anige von eich. Des is nerma zum Lochn.

Sexistische Bemerkungen sein nit funny. Dieses „mei Weib kert hintan Herd.“ is nit old school sundan depat. Man reduziert a Frau a nit lei auf ihre Tepf. Tuat man nit.
Kennts ihr eire Freind in de Augn schaun, wo ihr wissts, doss der lauthols erklärt. wie gern er Sex hot, wenn sie nit so will?

Wer do mithert und nix sog und a nix tuat, is Mittäter. Mittäter eines sexuellen Strafdeliktes. I find, des schaug nit so guat auf eian Lebenslauf aus und a nit auf da Karmaliste.

Bitte, bitte, bitte. Männer, huachts auf und schauts auf de, de nit so stoak sein. Bitte seids nit olle so ane Idionten. Helfts.

Der heitige Tog is nit gegen eich, sundan lei fias Mitanond. Niemand will eich vertreiben, lei schaun, doss de Gewalt nit nimmt Überhond. DANKE.