olles ändat sich, oba nix irgendwie
is jo a ewigkeit her, doss i mi wirklich ins bett gschmissn hob vuan laptop und an blogpost getippslt hob. oba irgendwie is da wunsch grod do und i fühl’s anfoch. also solltets des genießen, so oft kimt des in letzta zeit oba wirklich nit vua. de zeit ändat so vü, wobei sich donn a wieda wenig ändat oda?
irgendwie fühlt man sich voll oft in so an loch, wo man glabt man steckt fest und es ändert sich anfoch goa nix im leben. donn mit a bisi an obstond und augnzuadruckn erkennt man: FUCK IS JO OLLES GONZ ONDAS. jetzt um den joareswechsl, wo jeda und a sei mama an rückblick postet oda so tiktoks mit Jänner me und dezember me, spiat man erst, wie vü sich eigentlich geton hot und hjo.
wast no, wie de fria imma auf jeda hochzeit getonzt host, egal ob de wolltest oda nit? weil de kan obsogn wolltest und niemanden entteischn wolltest? liaba an sprung do und donn weita, wia irgendwie stressfrei lei des mochn, auf des de bock host.. gott sei donk host di endlich dafia entschiedn, des zu tuan, wos DU willst und wos dir GUAT tuat.
wast no, wie de gmant host de situation in der du steckst, bleibt jetzt fia imma? doss du ka lösung, kan ausweg finden werst und di damit obfindn muast, doss es holt jetzt so is. heit wast du, doss a schlechta tog ka schlechts leben hast und doss olles vergänglich is oda sein konn.
wast no, wie de gmant host nie mehr ohne den anen menschn leben zu kennen? dabei hots jo vua der person a lebn gebn und eben danoch a, des host a endlich vastondn. und no so vü mehr host glernt und vastondn.
wast no, wie de aufgezählt host, wos dei traummensch hobn muas? braune hoa, mindestens 35 cm greßa und sixpack. und heit zählst auf amal werte auf und sigst in an charakter mehr chancen wia in an fuckin trainierten obaoam. aus so an oberflächlichen denken is vü mehr reflektiates bewusstsein woan.
wast no, wie deine probleme SO gross und so dramatisch gwirkt ham, dabei woans anfoch babyfurz& banal? heit sigst viele sochn nerma so eng& vieles is da gleichgültig. es geilste: du losst sochn, de du nit ändan konnst, sein. de sein ka sekunde ärgern mehr wert. props to you.
wast no, wo de von sochn getramt host, de du heit anfoch erreicht host? es woa de matura schoffboa, du host den job greg, du konnst um jede uhrzeit ane pommes vom mci holn foan.. oft werst lochn, wie realistisch deine träume woan und wie de di gfreit host, se zu erreichen. und se wern sich so ändern. woa joarelong mei ziel ma a louis vuitton taschn zu kafn, jetzt hob i se seit an joa und denk ma „tat i ma heit nerma als ziel vuanehmen“. oba de damalige larissa is anfoch donkboa dafia.
also am ende bist du schon so vü weita kemen, ohne doss du es imma merkst.