Wos richtig SCHOAF is
wir hom alle so unsre vorlieben& präferenzen, is ma schon kloa. oba i glab den vibe, den i spia, viben viele. enjoy
Wast du wos richtig sschoaf is? a mensch (i man damit jedes geschlecht bitte danke, der was, wos er wü und des a zagt. GEIL !! Es gib nix schärferes auf der welt wie a mensch der zugibt und offen dazua steht, doss er nix wü ausa di. der da zagt, wie sehr er di begeht und di a liebt. mit vollem herzen, dem gonzn programm. Der da des nit lei sog und zwo mit da ernsthaftigsten ernsthaftigkeit EVER, sundan des a wirklich zagt a.
wie feicht werd bitte dei hesl, wenn du wast, doss dei partner, der wenige meter neben dir steht und mit irgendwen redet, kurze zeit später mit dir ham geht und wirklich lei bei dir sein will? der in an raum voller menschen lei di sig? oda doss er daham vuafreidig woatet, daweil du de time of your life aufn dancefloor host und wast, er tat jeda zeit obhebn und losst di dei freiheit genießen. hamgehn mit vuafreid im bauch, er mocht da eventuell a de tia auf oda du londest mit kuss auf da stirn neben ihn auf da couch& lochst laut. ♥️
wie sexy is bitte a mensch, wenn er di komplett respektiat und dir demut entgegenbringt, fia des wos du bist und tuast? der dein job nit klanredet, deine träume nit belächelt und di anfoch onfeiert, wie da fan in der ersten reihe? der laut zu ondan sogt, wie stolz er auf di is. sich fia di einsetzt& wenn wer bled redet über di, glei mol einschreitet mit „nimm den schenen nomen nit in mund.“ ohne schlägerei und co bitte. weil des zagt nit von niveau.
irgendwie bilden sich viele leit ein, doss es spannend is, doss man nie was, wonn man die beute der begierde (lieb den ausdruck HAHA) wiedersigt. wonns der person spontan einfollt, doss man ins bettl hupfn deaf.. is des nit komplett oam und respektlos? wie schoaf is es bitte, wenn jemand sich anfoch bewusst zeit fia di nimmt und dir des a so sogt? de person, de sich meldet mit „he wonn host du zeit, sog du mir wonn. i nimm se ma donn gerne fia di!“ und nit daher kimt mit „he der hot obgsogt, host daweil?“ oda nochn 10 bier hamsteigen und schreiben „fickarei?“ und du sitzt seit stundn daham im bett und woatest bis e person schreibt? des muss nit sein. du host de aufmerksamkeit und de zeit verdient und des is echt schoaf und fein.
kloa sein komplimente wie feina popo und co nett. oba sein de a wirklich a auslöser, doss du di hingezogen fühlst zu der person? oda is es eher des kompliment, doss dei lochn so schen klingt? oda doss de person dei selbstbewusstsein so feiert und anfoch sogt, doss du ihn mit dein charakter förmlich umhaust? wie schen sein sätze wie „du bist ka mensch fia amol, du bist a mensch fia imma.“ und kloa, wenn ma ana sogt, doss mei spur geil is, find i es liab, oba in mir steigt donn nix auf. eventuell de galle, wenn de person komisch werd.
wissts, wenn di jemand so liebt und mog, doss de person nit amal augen hot fia ondre. weil er so beschäftigt is, di onzuhimmln, di zu segn und mit dir zu sein. SCHENSCHENSCHEN. des is anfoch so wos wertschätzendes. und wenn des no von bade seitn so is: donn himml herrgott soll des fia imma sein!!!!!!!!
drama is nit sexy und aufregend, es is anfoch nur anstrengend und nimmt zvü platz ein, wo liebe sex und lust sein kennt. wer streit als sexuelle antriebskraft braucht: have fun, lei nit mei welt!
es is nit sexy, zu spielen. es is nit sexy, jemanden nit zu sogn, wos man fühlt. es is nit schoaf, wen zu haben, lei weil er grod do is. es werd erst richtig hot, wenn man des olles richtig, ehrlich und aufrichtig mocht.
uuuuuuund on wen denkst ihr ba de zeilen?? tat mi SO gfrein, wenns so a person schon in eichan leben gibt! und wenn nit- hobs geduld werd schon (wieder-)kemen. wer was, wer des sein werd. i druck eich 🤍