reine woaheitn teil 1

hi, heit is so a 1000-gedanken-in-mein-kepfln-tog. deshalb teil i poa echt wichtige facts mit eich, de eventuell kreiz und quer sein oba a so wichtig.

es gibt soooo vü sochn, de uns eigentlich kloa sein solltn oba de wolken der verzweiflung oda der liebeskummer-sturm oder der neid-berg stehn uns im weg. dafia bin jo i do. und erinner eich, imma wieda. eventuell kimt des jetzt regelmäßig imma wieda mit poa statements.

de person hat MI nit vadient

des hab i grad a in der insta-storie erklärt, es is aber so wichtig, doss i es nochmal abtipp. wie oft hern wir von menschen „bah de person is es nit wert! du host bessas vadient!“ und dann sogst du selbst amol: „de person hat mi nit vadient!“ und OMG WHAAAAAAT. wie arrogant willstn du sein???? was soll des? du darfst dir selba nit sowos sogn, wos du deinen freinden sogn tatest.. obwohl. ajo. FUCK DES DARFST DU SEHR WOHL!!!!!! schon mal drüber nachgedacht? weil di hot ka mensch vadient, der nit 100% des will, di zu 100% schätzt und dir guat tuat. punkt aus.

dei glück is dei job

es sein olles nit neie sochn, de i eich do grod herschmeiß. es sein fakten, de wir anfoch oft gern verdrängen. und i grob se grod wieda aufa. und genau deshalb lies de zeilen drei mol: du bist fia dei eigenes glück zuständig, niemand ondas. her mir auf, zu sogn, doss wenn er onruaft, is olles guat. es is a ohne anruf guat. nit sie muas da sogn, wie schen du bist, des bist du a ohne sie. he ihr seids de schwoazwälder kirsch tuatn und de person is EVENTUELL de kirsche obn. de, de wir nit essn tatn, de oba guat ausschaut und es perfektioniert. oba wenn de kirschn vagessn werd, freit man sich trotzdem auf de tuatn oda? und auf de kirschn alan wa kana schoaf. danke jasi fia den vergleich LIEBEN WIR. deshalb, es is anfoch so und bei kan gibt es a ausnahme: erst wenn du mit dir im reinen bist, konnst a person aufrichtig lieben. wenn du glabst, de person is dei glick, is es nit von langer dauer. konnst du da gern einreden, stimmen tuats oba nit. verschwend dei energie doch nit in an menschen, wo du hoffst, er werd di retten?? weil, wenn de person geht, bist du donn wieda am ort, wo du woast und eben nerma sein wolltest. bau di selba auf. go, little rockstar.

selbstbewusstsein is nit arrogant

hab letztens mit jemanden gredet, der gsagt hat menschen finden ihn zu arrogant/selbstbewusst. des is so ein bullshit, kids. ihr werdets NIE zu selbstbewusst sein, de personen werns anfoch nit ausholten, wie stoak ihr seids. und des is scheiße von senen. wos is leichta: sich selba zu ändern oda ondre leit klan zu mochn? eben. deshalb sogn de leit sowos zu eich und es stimmt aber nit. de richtigen leit schätzen eicha selbstbewusstsein und segn eicha echte seitn. und megn eich so wie des seids.

niemand schuldet dir wos

deshalb awoat da a nit, doss da irgendwer den oasch putzn werd. des tuast du selba. niemand werd da den job geben und donn is olles perfekt. kloa is des a anfocha weg, oba is es donn a da richtige? kimst du zu dein glücklichen, erfolgreichen leben, wenn du lei obhängig bist von ondan? oabeit bitte fia des, wos du erreichen willst. verzicht auf sochn, damit du donn zum ziel kimmst. scheiter und moch fehler, des kert dazua. lern und und fliag auf de pappn, werd bessa und foll nieda und steh wieda auf. donn drahst di um und konnst sogn: I HOB DES SELBA GSCHOFFT. des woa donn ka glick oda a gschenkte chance, des woa dei hoate oabeit. und glab ma, des fühlt sich GEIL on.

woat nit, bis se sich ändan

bah des is a wilda brockn, der do woatet. fong ma mol so on: je schnella du mit an menschen obschliast und ihn schickst, desto schneller werst du heilen und zu dir finden. nie mehr in mein gonzen leben werd i woatn, bis der typ so werd, wie i ihn ma vorstell/es awoat. weil sei charakterzug werd sich nicht (schnell) ändern. wenn es mi stört, doss er raucher is und a sog, er will fia imma rauchen. werd i ihn nit dazua bringen, doss er aufheat. wenn er ins ausland oabeitn gehen will und i will daham den hof übernehmen- klar gibt es kompromisse, oba lebensziele sein nit zum verzichten fia an menschen. sorry. onstott de zeit und energie einezustecken in de (sinnlose) hoffnung, doss sich a mensch so ändert, doss er zu dir passt, lossn gehn und woat, bis de richtige person kimt. weil wenn de person de richtige wa, hättest nit so vü zum aussetzn. vastehts e wos i man?des tuat jo lei weh und du enttäuscht di damit imma wieda selba und bist bereit weitere enttäuschungen einzustecken.

nit jeda denkt wie du

damit tua i ma oft hoat. wenn jemand so engstirnig denkt& nit übern tellerrand daschaug. wenn i schon wieda sprüche her wie „bah ihr frauen seids olle gleich!“ oda „ma larissa, des wos du im internet mochst, werd da no dein job kosten!“ wenn ihr des klankariate denken habs, ok lets go. i diskutia nit mit so ane leit. i will senen nit de welt aklean und seina herzl auf mochn. de de des wolln, kennen mein blog lesn. oba wir miasn anfoch akzeptian, doss leit nit imma so denken wie wir. thema eltern: wir gehen mit mental health anfoch schon offener um, weil es damals KA THEMA war und du kannst mit von an 50 jährigen mann erwarten, doss er glei vasteht, doss burn out ka faule ausrede is. i man da klär i gerne auf, aber i muss anfoch des verständnis aufbringen, doss de leit nit so denken wie i. do is anfoch wichtig: KOMMUNIKATION. solongs eich nit hin mocht. und offen ansprechen und eben a mal sagen „he, du wast schon, dei meinung is nit zwingend de woaheit und i denk anders wie du oba des hast nit, doss dei denken besser is.“

liebe geht ohne drama

AMEN und damit beend ma den ted talk a la laxobu. LIEBE TUAT NIT WEH UND WER EICH GEZAGT HOT DOSS LIEBE WEH TUAN MUAS IS NIT DE RICHTIGE PERSON. du darfst fuatgehn und dann daham schlafen und am nächsten tag liebt di dei partner immer noch. ohne drama. du darfst anziehen, was du schen findest, du darfst drauf bauen, doss dir dei partner loyal gegenüber is, du darfst wissen, doss de person di holtet, ohne di festzuholtn. her auf, dir ein zureden „liaba hob i mit der person drama, als doss i ka drama ohne de person hob.“ a person, de da weh tuat, hot nix in dein leben zu tuan. tuat ma lad, oba do stimm i da anfoch nit zua.

*eventuell sein eich manche antworten zu ehrlich und tuan weh. oba wahre woate tuan oft weh. natürlich is des alles mei meinung und wenn ihr des nit so unterschreibs, a ok. bitte schreibs ma, diskutia ma gern. außa ihr seids trans-, homophob oda rassistisch oder irgendetwas, darüber diskutia ma nit. und kloa sogst du, verletzte maus jetzt leise „aber i lieb ihn doch und a wenn er ma weh tuat, tuat er ma guat“ maus, mir werds nie um de leit gehen, de eich wos schlechtes tuan. mir werds imma um eich gehen und i will es beste fia eich und a wenn du sogst, de person is es beste, i will wirklich es beste fia di. ok? große liebe geht ause. und bussis.