Du host se valoan part 2
manche blogposts sein solche evergreens, doss se a fortsetzung vadiant hom. hier da erste. fortsetzung, weil gleicher vibe, nit gleicher mensch. weil wer di amol valiat, hot di vermutlich fia imma valoan.
du host se valoan, weil du gongen bist. in dein kepfln is der button aufgeploppt „Achtung, du verpasst dei gonzes lebn, wennst on ihrer seitn bleibst. do gibs fix no wos bessares“. diesen button konn man wegdruckn oda man kimt in de versuchung. und ohne große überlegungen sein da wörter über de lippen grutscht, de du kurze zeit später gern wieder zruck gholt hättest. doch des is genau es problem mit worten. wos gsog woan is, is gsogt woan. donn host ghobt den schmoan.
a gsunde, langjährige beziehung host du auf eis glegt, um… um wos eigentlich zu tuan? mehr wodka on ice zu trinken? um über mehr fraun dribazubiegln? de di emotional genug energie rauben, dir oba nie des zruck geben wern? um quasi dei stabiles und guates leben aufn kopf zu schmeißn und jetzt ab sofort wieder mehr zu leiden? menschen stehen oft auf diesen einzelkämpfer-vibe. dieses „i gegen den rest der welt!“- schrei. oba sie hotd von onfong on imma gsog: wir sein ans, oba bleiben immer zwa. jetzt seids wieda du und i, irgendwie als wa do nie wos gwesn.
wast du, nit sie als dei partnerin woa des problem. es woan deine gedanken, dei einbildung: doss man es als single bessa hot. bessa als jetzt? bessa als in ana geliebten beziehung, wo es bett noch so groß sein kennt, ka centimeter hot eich getrennt. man soll ondre beziehungen nit vagleichn, oba ihr habs eich in de poa joa nie a bisi voneinonda getrennt, imma weita zamm. und ihr woats schon am onfong oasch und deckl. und ihr habs immer noch de irrelevantesten dinge zamm gmacht und gfeiert. glabst du, du findest nochmal wen finden, der sogoa, um nur a caprisonne zu holn, mitgeht? a person, de beim duschn am bodewonnenrond sitzt, um mit dir zu redn? a person, bei der du zum friseur mitgehst, um nit de 4-5 stund ohne sie zu sein? spoiler: lei de richtigen leit mog man so gern, doss man se 24/7 um sich uma hot. und sogoa on de tog, wo man se nit segn will, will man es. jetzt sigst se nerma, außa online. und manchmal über facetime. oba wos gibt da des? nostalgie und an biss in oasch?
fraglich, ob du no on de große liebe glabn werst. und ob du irgendwen nochmal zuabelosst zu dein herzln. sie lossts amol nit. warum? naja, wos gebrochn is, konn nit glei wieda brechn. und gonz ehrlich: sie is aus ana normalen beziehung grissn woan, aus dem nix. fia sie is es so: er is gangen, fia nix. er is gangen, um quasi wieda zu kemen. und des konn se nit. sie kann nit amal den sinn dahinta vastehn, warum host du miasn gehn?
du woast blind, so blind. du host nit gsegn, wos sie da ständig geben hot. und nie hot se gsog: „jetzt will i oba a. jetzt will i amol, doss du schaust, doss olles laft.“ wast noch, wie ihr zu beginn der beziehung imma mit de fias gegen de wond glegn seids? und gredet habs, ohne den andern zu verurteilen? ängste, träume, witze, olles hobs eich geteilt. gredet hobs. geliebt hobs. olles hobs. oba na, du wolltest mehr. sie hot sich oft auf de zungen beißn miasn, des mocht so momentan a so oft. weil ihr gedonkn in kopf schiasn, wenn se de laut sog: oh oh. du wolltest mehr. wos de gregn werst? mehr schlechtn sex, mehr drama, mehr toxische wesn in dein leben, mehr unsicherheit, mehr chaos, mehr herzlkacke, mehr vermissen, mehr „WARUM BIN I SO DUMM GWESN.“ jo warum bist du so dumm gwesn? ajo zum LEBEN. lei host du den sinn vom leben und beziehungen a no nit gegooglet nimm i on. weil du konnst a in beziehungen leben. is sie nit oft gnuag alan aus gangen, woa auf urlaub ohne di oda hot holt dinge ohne di gmocht? weil des geht. ohne eifersucht, ohne drama und des hot sie genossen. du selba host a paar jungsabende& wenige wilde nächte hinter dir, hättest mehr hobn kennen. sie hat da nix vabotn, di eher motiviert. und donn zu gehn, weil de leben willst. hm.. schon kapiat. de beziehung woa nit starr und wie in an zaun, eher so a gummibandl, do woa SO VÜ RAUM. du hättest fia poa tog anfoch weg kennen und wieda kemen kennen. sie losst di gehn, sie losst di kemen, sie woatet auf di und sie holt di jo a imma. oba du wolltest jo nimma.
du woast zjung. jo schen und guat. de ausred is holt schon eher a olta huat. du woast nit zjung. du verstehst di lei selba no nit. und de frauenwelt, de du erkunden willst, de werst so oda so nie checken. und de 0815-puppen in dein bett konnst du gern fia imma ersetzen, oba de wern dir nie wos geben. außa drama. du werst se endgültig, als wa des nit olles schon endgültig genuag, verlian, wenn diese 0815- girls dauergast sein. und du di mit so wenig zufrieden geben wirst. wenn du dein freitag abend freiwillig auf couches von 0815-mädels verbringst, dessen worten du nit amol folgst. an dessen outfits du di am tag danach no nit amal erinnern kenntest. des leben is so wertvoll und so vadammt kurz, des wast du guat gnuag. und sie hat dir immer gepredigt, doss man sei zeit nit verschwenden deaf mit leit, wo da vibe nit passt. und dann haust du zeit aufn kopf mit menschen, de di nit vadient haben und de wirklich tollen seelen in dein leben streichst du ausa? wo is do bitte da sinn. des hot nit mitn olta zum tuan, sundan mit emotionaler kompetenz. und wast wos es schiachste überhaupt is? sie will di nerma segn, weil dei vibe nerma passt. a sekunde in deine augn segn und sie is down. fuck wos fiast du bitte auf? weil so fertig wie du ausschaugst, daramt se nit. du woast ihr lieblingsvibe, heit suacht se de weitn.
du host ihr gsog, de mädels do draußn sein olle seltsam. de filter de se verwenden mochn se zu ondren leit. des erste girl noch ihr hat nit amal deselbe nase wie auf insta ghabt und suprise, sie woa a langweiliges wesn. mit ihr kannst du nit so lachen, wie mit ihr. der smalltalk schmeckt so bitter und abgeranzt. du fühlst di nit so wohl bei ihr. äääääh host du es longsom kapiat? des is holt nit sie. und spoiler: kane werd so schnell so sein wie sie, wenn überhaupt jemals ane so werd wie sie. die chance besteht, oba laft eher gegen null.
du host se valoan, weil de eigentlich bled gsog, zbled woast. du host echt gedocht, sie bleibt stehn und woatet? am anfang hat se schon no gschrian: du konnst so nit gehn. oba der soundtrack is a lei poa minutn glofn, bis ihre erstn lieblingsmenschn mit eis vua da tia gstondn sein. und sie wieder mal, zum zweiten mal in ihrn leben gecheckt hat: „wenn jemand gehen will, loss ihn gehn. des hot schon an sinn.“ sie hot sich umgedraht und is gongen. nit schnell, nit wild. sie hot glitten, mei freind. du wast nit, wie es ihr es herzl zrissn hot. ondan leit zu sogn, er is gongen weil.. es olles guat woa? weil er wos BESSARES suacht?
dei greßte ongst, is doss se sich in wen ondan vaschaut, sogst des sogoa noch laut.Oba warum deaf se nit? woast nit du der, der se hot gschickt? sie werd dir nit vasprechn, doss se alan bleibt oda auf di woatet. des wa olles sowos von glogn. sie hot dir a kane pflichten mehr gegenüber, sie is da nix schuldig. wenn ihr des spiel spieltst, miastest du ihr wohl 50.000 Monopoly-Geld als strof. deshalb valong do nix von ihr. außadem is sie e lei schockiert, als dei erste frage mal woa „und olls kloa? wen date ma denn?“ geht di des wos on? und kennst du sie oda kennst du sie? do stellt sich echt de frog: woa eicha liebe echt? is sie nit a bisi sehr herzlbehindat und losst nit so gern leit in ihr leben? und probiat olles privat und heimlich zu lossn, wos ihr guat tuat? wieso sollt se dir donn wos dazelen. sie liagt nit, sie werd nie liagn. und der sotz „i hab wen kennenglernt“ bricht di, e kloa. oba donn auszuzuckn, freind bitte oba vom gas. du host se gschickt. und wen kennenzulernen is a ding der normalität. frog kane sochn, de du nit wissen willst. punkt aus. (zuckamaus).
du host se valoan, weil du wos bessas suachn wolltest und es beste los glossn host. du host a phase ghobt und onstott on der zu oabeitn, bist gongen. und donn wie de phase over woa und du hinta gschaut host: woa se nerma do. und du host ihr wirklich vorwürfe gmocht. dafia, doss se gheilt is. und nit dir nocheilt. zu ana beziehung kern zwa leit dazua und wenn ana erst danoch wos tuat, bua. is zspot, is kritisch gsegn anfoch vü zspot. weil jetzt onzuruafn und bitten, sie soll da wos geben, damit du wieder fühlst und otmen konnst. des is nerma ihr aufgob.
grausig oda? wenn man geht, oba de liebe bleibt.
bitte, wenn du noch amal in dein leben an menschen host, bei dem da vibe 120% und du wast, bessa geht fost nerma. gib di zfrieden. es muas nit olles zu 1000 prozent perfekt sein und passen. und bitte check in der beziehung ihrn wert und nit erst donn, wenn a ondra schon ba ihr sitzt. oda wenn du da einbildest, doss do a neia sitzn kennt. new man von ed sheeran laft grod nit auf dauerschleife, no panic in da disko freind.
du host se valoan, oba wenigstens hot sie sich selba wieda gfundn. ihr herzl bleibt fix no längere zeit gschundn. oba sie hots grebste überwundn. warum? weil se sich selba hot und a richtig tolle leit um sich uma. weil sie gecheckt hot, du hast di entschieden. erst hast du di fia sie entschieden, dann woa de entscheidung, doss de gehen willst. sie is aus ana entscheidung, a option woan. und ka gscheide frau auf der welt is freiwillig a option, deshalb hat se da de chance gnommen. und sie hat sich aus dein spiel entfernt. game over. sie kimt schon driba.
Wie s kumt, so kumts e. Nit jede story hot a happy End, nit mol jede Story hot a Ende.
Des is zum akzeptieren. des kema jo schon.