Wast wos dei Körper olles tuat fia di?
Des is die Julia-Sophie. Your fav feministin. Oda a nit. Oda sie is lei gonz a normales total liabes sympathisches Girl, des sich gern fia ondare einsetzt und sich nullkommagoanix fia ian Body schämt. Sie zag ihn a, weil SUPRISE, do is nix dabei. Wenn ihr eich de Bildlen onschaugst, segs ihr hoffentlich wieder bisi mehr als lei a OMG GEILES MEISL. Am coolsten wa, wenn ihr segs, doss des holt anfoch a Körper is. #bodyneutrality Oba anfoch a Körper is a da folsche Ausdruck. Weil.. Wissts ihr eigentlich, wos da Körper so fia uns tuat?
Bei de Beinchen woa i schon amol. I wiederhols oba gern nochmol. Beinchen kennen gern a bisi festa sein, weil de trogn di jo imma uma. Deine Beinchen, a folls se „zdünn“ (Ansichtssache) sein, trogn di überoll hin. De tonzn di durch de gonze Nocht! I kenn des Phänomen, doss man nit 800 Meter dalafn konn, oba heeeee 7 Stund im Peharz auf de Boxn tonzn? LOCHPARTIE, des schoff ma mit links. Egal, ob du deine Fiaslen selba als Stangalen, Stelzen oda wie i „obgezwackte Schweinshaxalan“ bezeichnest, de sein sowos von stoak. De hom di a imma getrogen btw, wenn du gmant host, du konnst nerma. Nerma stehn, nerma gehn. Deine Fias trogn di trotzdem imma no weita.
Und jetzt überleg amol WOHIN de di schon überoll getrogn hom. Mit deine Fiaslen bist schon in so monch tolle Leben einegetrampelt. Und aus noch mehr depatn obghaut.
Moch ma weiter mit de Handalen. Es gibt Leit de finden senre Händ nit schen.. Dein Händ hom schon anige ondre Händ gholtn, gstützt oda gstreichelt. Am Kronkenhausbett es letzte Mol, bevua de Pfiati sogn muast. Bei de ersten Schritt von dein Kind, beim first date mit dem Cutie, im Tattoostudio, wenn de Nodel es erste Mol aufgsetzt werd. Sobold du von wem, in den du di möglicherweiße verlieben könntest, es Handl nimmst und es nerma loslossn willst, weil des so schen is und dabei sein de Händ anfoch verschwitzt… Hach. I lieb des Gefühl. Außadem fongen se echt oft deine Tränen auf, de oft goa nit kemen sollen, oba es anfoch tuan. Schlingelen. Dein Händ stützen dei Kepfl bei klanen großen mental breakdowns. Und die Arme und Hände anderer fangen di jo a auf. Bei der bestandenen Matura, bei der langersehnten Heimreise, beim Mitfreuen oder Mittrauern, beim Bedanken, beim Entschuldigen, beim Kommen und Gehen. Nachn Sex, vorm Küssen, während dem Lieben, zwischen den Worten. Gib dei Handl sooft jemanden, wie du es gregst. Und druck Leit immer bisi festa beim Obschied, wer was, wonn du se wieda sigst.
Denk amol on des woame Gefühl im Bauch noch ana Tassn Kakao. Oda on oll de Schmetterlinge, de do drinn schon umagflattat sein. Oft streichelt man sich bisi hasserfüllt über sei Wampale, oba doss kert mit Liebe gmocht. I man, du bist gonz bestimmt a in so an Bauch gwochsn. Und für viele is es bestimmt schen, zu wissen, do drinn wochst a amol a Lebewesen heron und schlupft untn ausa. Es Beichl wird bei den wenigsten floch sein, bei mir holt amol gonz und goanit. Trotzdem hon i es gern, weil es kert zu mir. Und wer legt sich nit gern zu wen auf sein Bauch. Man munkelt auf an nit durchtrainierten Bauch huckt man bessa. Und i find Bauchis sein holt anfoch Bauchis.
I was, a Frau mit griane Augn konn so schnell sogn, sie mog ihre Augen. Oba wos noch wichtiga is, sein de Sochn, de man mit de Augn segn konn. Du host de schensten Plätze, Leit und Seelen schon mit deine Augn segn diafn. Des is so kostboa. Du deafst di so glücklich schätzen, wenn du de Sehkroft besitztest. Weil mit de Augn sig man nit lei de Foabn, man erkennt a de gonze Welt. Und a wenn du deine Augen nit mogst oder „longweilig“ findest, du werst wen begegnen, der sich sowos von verliebt in de Augen. Der in denen Sternlan sig und von dem Braun deiner Augen begeistert is. Du werst oft nit verstehen, wos Leit in dir segn, muast oba a nit.
Mei greßta Stuggle is immer noch mei Mund aka meine Lippn. Vü zdünn is de Oberlippe oba ka Sorge, Botoxn werd i mi nit, dafia hon i zvü Ongst vua Nodln. Oba dabei is da Mund jo a so wichtig. Er hüft da, Menschen zu sogn, wie sehr du se liebst. Und du konnst mit ihm dei Meinung laut sogn. I know, i verwend mehr de Tippselei wia mein Mund do. Oba in da Realität sein gesprochene Worte vü schena und wichtiga. Für Dinge, de da wichtig sein, konnst kamot laut wern mithilfe deines Mundes. Ausadem konnst damit schmuuuuusn. Und bitte, schmusn is sowos schens. Wem hom de Lippen noch nie wehgeton noch ana Hardcore- Bussl- Session beim zweiten Date? Und do is es egal, wie dei Mund ausschaug. Fiabablosn is holt lei bisi bled.
Dei Körper is schon imma a Teil von dir. Er wochst und reift mit dir. Schaug auf ihn und sei donkboa fia ihn.
Wie unguat is es, ihn zu hossn, dafia doss er di am Leben holtet? Sog ma nit, doss du deine Obaoame zu fett findest, wenn du gleichzeitig am Handy tippst oder a Kleidl onziagst. SPOILER: DES KONNST DU NÄMLICH OHNE HÄNDE NIT.
Dei Körper liebt di, so wie du ihn lieben solltest.
Du bist nit fett. Jo kloa, du host Fett. Oba du host a Fingernägel, daher bist du nit a Fingernogl. Verstondn? Nit? Des mocht kan Sinn fia di? JO GENAU DES IS ES. DES I BIN SO FETT HOT A KAN SINN.
Wieso sein monche Sochn fia uns so sinnlos und ondre ergeben Sinn, obwohl se genauso unsinnig sein?
Und wir sein schon long aus 2015 draußn, wo man glab, dei Körper definiert dein Wert. Wie oft hob i schon ghert „Bah du schaugst glücklich aus.“ oda „Du bist a kompetente Oabeitskroft“ und huck do mit meine Extrakilos daneben? Weil des Gewicht ka Rolle spielt, vor ollem wenn dei Charakter so oda so geil is.
Und jeder Mensch, der imma noch glab, lei dünne Leit sein schen und thigh gaps sein a thing.. i bin so froh, niemanden von denen zu kennen. Und bleibs a weg von mir. Sunst steck i eich gach mit mein Winterspeck alias Frühlingsrollen on. Und mit Bodypositivity. Passts lei auf, i moch gach an bessan Menschen aus eich!!
Fong on, eichan Körper wenigstens mehr zu schätzen und di um ihn zu kümmern. Loss den 6. Tequila aus, geh amol zvü zum Oazt wie zwenig und BITTE SCHMIA DI EIN. Dei Haut muas so vü Plastik, Dreck und ondres Zeigs auf sich ertrogn und konn sich kaum wehren. Wenn donn lei mit Unreinheiten und Ausschlog. Und donn reagier bitte nit mit „I hoss mein Körper“ sondan mit der Erkenntnis „Ah, er wü ma wos sogn. Jetzt tua i ihm wos guates.“
Und i bin ma volle sicher, doss, wenn man sein Körper akzeptiat und sich dafia entschuldigt, ihn joarelong ghosst zu hobn, doss man donn zu heilen beginnt. Und doss man donn de Bildlen von da Julia- Sophie onschaug und donn sogn konn „Schen.“ „Des is so normal.“
Tuama a 2020 aufhern, de Körper anderer zu verurteilen oder nackte Haut als OMG NA WEHE DIR zu betiteln. Seima 2020 schlauer. Zur Sicherheit lests eich nochmol mein 1. Körperbeitrag durch. Unsa Gesellschaft besitzt de Frechheit ungeschriebene Gesetzte und Verurteilungen ohne Sinn vorzuschreiben. Jeder (fost jeder) holtet sich dronn. Buamen diafn sich nit schminken, dicke Mädels miasn BH trogn und dünne Frauen sein anfoch de besten. Wir holten den 130a auf da Autobohn nit ein, oba solche Regeln befolgen wir? WICHTIG.
Sein wir olle wie de liebe Julia- Sophie. Bisi (vü) de Welt vabessan, bisi (vü vü) Liebe vateilen und bisi (gonz vü) unsre Körper lieben. Und wenn’s mitn Lieben no nit hinhaut – Start ma mol mitn Akzeptian.
Hobs an schenen 1. Sunntog !! ❤️❤️❤️❤️☀️
