4 joa laxobu

Hi spitzmaus

Irgendwie schon schräg, genau no zu wissen, wie du heit vua vier joa recht nervös und mutig da gsessn bist und des projekt laxobublog gstartet hast. Dei schwoga nennt di bis heit no imma recht gern laxobublog, und er is da anzige, dem wir des erlauben. Du reagierst heit nämlich mit augenüberollen auf „laxobu“, wo du vua 4 joa no nit überrissen host, doss de leit di damit manen.

Heit vua vier joa bist in frankreich in dein bett, wos a kompletter raum woa, gsessn und host getramt, doss leit endlich deine textln lesn kennen. Doss du endlich plotz host, deinen gedanken freien lauf zu lossn und doss du es ane oda ondre herzl bewegen werst. Doss du des quasi donn teilweise täglich hingreg host, host da no nit ertramen lossn. du host bitte damals 30 blogposts auf reserve ghabt, heit schreibst se kurz vua knapp fertig.

Konn mi no genau erinnern, wie ma über weihnachten dann im g2 gstondn sein und a mädel dann am parkplatz gsog hot „cool wos du mochst!“ wir sein fost GSTOABN vualauta scham und WTF PASSIERT DO. doss du heite in den merkwürdigsten situationen (stichwort KLO) ongsprochn werst, host du da domols nit ausdenken kennen oda.

du hast ja übrigens vua 4 joa gmant du host dei leben in griff. HAHAHAHAH U WISH! maus, du woast damals no nit mal viertl so weit wie heit, oba gfühlt host di so erwochsn. heit seg ma des wenigstens ein, doss wir olles, lei mit wirklich erwochsn sein. reflektiata bist woan, gott sei donk. & dein wert host endlich erkonnt. und wir megn uns jetzt wirklich gern und aus body positiviät is neutralität woan& des feier ma hoat. am ende lernen wir heit weiter& merkn ans: auslernen tuama nie. wir wochsn weita (aussa körperlich lol)

In de vier joa host du vadommt vü lernen diafn oba a miasn. du bist beruflich& privat auf de pappn gfolln. host leit valoan, bist weiter kemen, bist ham kemen, host di verliebt, host di entliebt, host kotzn greg (WIE BITTE) und tjo: bist no so vü donkboara woan.

wir ham übrigens seit 2021 a gewerbe anmelden miasn, weil du bitte a guat bezahlte sextoy-kooperation greg hast. SEXTOY. INTERNET. IRRE ODA. btw hast jetzt a an podcast mit ganz an coolen dude, den du auf dei laxobu-reise kennen glernt hast. und suprise: du hast tinder verwendet. aus gaude, für recherchezwecke& babygirl, i wü nit spoilern: aber do sein a lotto6a unterwegs. ❤️

Du host da schon als klanes mädel gedocht, irgendwonn a buach schreiben was. Jetzt seima quasi kurz davua, doch de papierpreise hom sich gedocht NÖ. OBA deine postkoatn woan genauso a ding, wo da es herzl aufgehen tat. Du bist nämlich vua vier joa in frankreich gsessn und host menschn liebesbriaflen geschickt und des tuama heit imma no. Oba irgendwonn kimmt a biachle a noch, vatrau ma, babygirl.

Irgendwonn hot uns mol wer gfrogt, warum wir des tuan. Die ontwort woa „wenn i alan an anzigen menschn hilf, doss es ihm besser geht durch meine textlen und mei tuan, zohlt es sich aus“ und guess what: du hilfst so vü mehr mesnchen damit, als de da ausmolst. De prägenste nachricht, de wir jemals erhalten ham woa: „danke larissa, wegen dir hob i heit mei erste theraphiestund.“

Du host glernt, man muss von menschen ka leben retten um lebensretter*in zu wern; es reicht, wenn man senen an klanen schubsa gibt. Und des tuast du oft. Tuan wir oft.

Mittlerweile sein dir de leit, de des nit ernstnehmen egal. Weil fia de mochst du des jo a nit, fia de hättest jo aufghert. Du host imma no de freinde in dein leben, de larissa lieben und laxobu akzeptian, ob aka wort davon lesn. Und a des findest du heit umso besser. Leit de lei laxobu segn, sein imma wieda entteischt von dir, weil du donn doch so vü mehr bist wie lei a „internetfigur voller sinnhaftigkeit“.

so witzig, wir hom imma getramt von 10k- guate zohl. mehr is mehr. und heit homa 7k geknackt und i denk ma: so is gnuag! weil unser klane feine gang is schon gross gnuag& mehr zahlen bedeitet lei doss di da insta- algorithmus lei fickt. & deshalb am bestn so bleibn& olle schenen seelen diafn ruhig a do bleibn ❤️❤️❤️ so sias doss wir anfoch zwischen 1,5 k und 4000 follower*innen OLLEN a dm gschickt ham zur begrüssung hihi.

Danke, doss du vua vier joa so mutig woast. Danke, doss du da gedocht host, es werd sich schon auszohln. Danke, doss du du bist.

UND ON OLLE DE DE ZEILN LESN, DANKE FIAS DO SEIN! ❤️