wos i über de liebe was

hi. i hab endlich des buach „alles, was ich weiß über die liebe“ von dolly alderton angfangen und schon noch de ersten poa seitn hob i gmerkt: richtig a guats biachl! und der titel alan hot mi schon inspiriat haha. also, wos wiss ma olles über de liebe?also i, mit meine fost 25 joa lebens- und liebeserfahrung.bitte: meine punkte miasn nit zu 100 % mit eichren übereinstimmen, vielleicht segs ihr a poa sochn gonz ondas 🙂

• du solltest di bei da datingphase nie frogn „mog mi de person“ sundan „passt de person zu mir?“
• gstrittn/ diskutiat wird nur in echt. nix übers handy
• wenn des de richtige person ist, mochst da kane millionen sinnlosen suagn, doss de grundlos verlossn wirst.
• jemand, der di mog, sogt da ehrlich wo er so uma is, mit wem er was macht und setzt auf ehrlichkeit, nit verschwiegenheit.
• zu seine gefühle zu stehn, is attraktiv
• damit a beziehung funktoniat, muas man kommunizian.
• die 5 sprachen der liebe sein tatsächlich a ding.
• man is nit erst fix zamm, wenn man es auf social media gepostet hot.
• brutale eifersucht is ka liebesbeweis, des mocht olles hin
• es braucht ka fixes jahresdatum
• humorvolle, ehrliche und fürsorgliche männer/menschn sein intressant. nit de, de auf mysteriös mochn
• de richtige mensch mocht da ka schlechts gwissn, wenn du di selba mol wichtiga nimmst.
• jeda anzelnde liebeskumma tuat vadommt schiach, oba du lernst von jedem etwos.
• wer di segn will, tuats. wer da schreiben will, tuats. wer dei stimm hern will, ruaft di on.
• wer fia de(n) lover*in seine echtn freind vagisst, wird auf dauer nit glücklich,
• nit alle liebes- und beziehungstipps im internet sein wertvoll.
• trennungen passieren a tränenlos.
• man konn orgasmen easy vuateischn, oba donn mocht man lei es gegenüber glücklich und des bringt da auf daua nix.
• dei gewicht/ausschaugn hot nix damit zutuan, doss du es wert bist, aufrichtig geliebt zu wern.
• online-dating hot a sei daseinsberechtigung.
• hinta jedem perfekten insta-post steckt a reales paarle, des sich streitet und nit imma liebt.
• love-bombing is schlimma wia ghosting.
• versöhnungssex is nit zwingend da beste sex.
• du muast niemanden beeindrucken, damit er di mog. du muast di lei selba beeindrucken.
• wer sich bei da datingphase voll vastellt, werd in kürzester zeit auf de pappn folln.
• on-off-beziehungen sein nit hot und interessant, sundan scheiße onstrengend.
• zwa menschen in ana beziehung bleiben immer no zwa persönlichkeiten mit getrennten freindn, eigenen hobbies und leidenschaften.
• niemals a person ändern wolln, des is ihr kaffee.
• bleibt nit bei wem aus bequemlichkeit.
• vawend kondome selbstverständlich und geh do kane diskussionen ein.
• liebeskumma hot leida ka ablaufdatum, der freind konn oft ewig bleibn.
• jemand, der di zu wos zwingen will, wos du nit willst, is weder zeit noch liebe wert.
• de goldene froge fia imma „bist du mit der person glücklicha als ohne sie?“ wenn du des mit na beantwortest, donn geh bitte.
• es is egal, beim wievielten date ihr sex hobs, hauptsoch ihr bade hobs eicha gaude und fühlts eich bereit.
• vor allem männlichen wesen is es meisten scheiß egal, ob de untawesch zommpasst oda nit.
• beziehungen sein an haufn oabeit. fia bade.
• über de ex-partner herziagn zagt von schwäche
• ka grund der welt is wichtig gnuag, in ana folschn beziehung zu bleibn. urlaube konnst stornieren, feiern konnst obblosn, geschenke kennen obglöst wern.. bleib nit bis „de zeit passt.“
• zu gehn deaf a so weh tuan, wie valossn zu wern.
• nur weil de vergeben bist, deaf da der mensch nit sogn, wos du zum onziagn host
• männliche freinde wollen nit imma wos von dem girl und man streicht nit freinde ausn leben fian partner
• One-night-stands werden nie so geil sein wie sex mitn partner, dem man komplett vatraut.
• amol respekt valoan, werst den a nie mehr findn fia den mensch.
• egal wie long man zomm is: vü gschmust kert weiterhin!
• liaba woatn, als wos überstürzten. weil de richtige person dawoatets auf di imma fia a zeitl.
• wenn du di bemühen muast, doss wer interesse in dir hot, obwohl du selba wast, wie toll du bist: is des sei problem.
• du muast nit bestie mit den partnern deiner bestn freindin/schwesta/bruada oda so werdn. vaobschied di von der märchen-ideen. hauptsoch deine lieblingsmenschen sein glücklich.
• männer, de alle exfrauen als psycho betiteln, sein anfoch träsh. wer gehen will aus da beziehung soll gehen, oba endgültig.
• egal mit wem du sex host, man muas über den ernstfall (a schwangerschaft) redn und zwoa nit erst, wenns so weit is. wenn de person nämlich depat reagiert, schlof glei nit mit ihr!!!
• dei partner is nit dei persönlicher boxsock, wo du olles auslossn konnst
• a freindschoft plus einzugehen, weil du auf ihn stehst, oba er lei vegln will: TUAT DIR NIT GUAT.
• rasia di do wo du willst und weil du es willst und nit, weil du glabst, de gesellschaft valongt des so.
• de diskussion, doss ohne gummi welten bessa is, geht a vernünftiga monn niemols ein.
• des „bare minimum“ muss a mensch liefern, damit du ihn überhaupt in dein leben haben willst. onstond is nit sexy, sundan kert sich anfoch.
• misch di in kane beziehungen/trennungen zwild ein, des willst bei dir selba jo a nit.
• wenn dei partner nit endlos schwärmt von dir und di onhimmelt, wieso is es dei partner?
• de aussog „i bin nit bereit fia wos fixes“ is a ausred. punkt aus.
• grenzen sein do, um respektiat zu wern und nit dauernd ausgreizt zu wern.
• nit zeit heilt olle wundn, sundan du selba muast do mittuan.
• in ana beziehung is bei an streit nit du gegn dein partner sundan ihr zwa gegen des problem.
• suach da niemanden, weil de alan bist. suach da kan lückenfüller. suach da erst donn an partner, wenn du des wirklich willst.
• a reine sex-freindschaft kann funktionieren, dafia miasn bade wirklich emotional stabil sein und es braucht regeln.
• du muast ka schlechtes gewissen ham, wennst mal kan bock auf sex host.
• wenns da richtige mensch is, host du a meistens vü mehr bock auf sex.
• wenn du de wahl zwischen zwa menschen host, nimm kan und woat. weil ba da richtigen person gibt es ka entweder oder.
• de richtige person is da grund, warums mit olln davua nit funktionian hot solln.
• liebe is am ende nit kompliziat, sundan anfoch. so verdammt anfoch.