glab nit olles

hiiiii ihr schenen seelen 🌞 grode so an bledsinn im internet glesn und ma gedocht: geil wenigstens a thema iba wos i schreibn konn ahahah. wenn ihr irgendwelche inspos habs, um was es in den nächsten blogposts gehen soll, schiasts lei her damit bitte danke :))

hob i nit grode im ernst an post gfundn, wo drinn gstondn is „anzeichen, doss du erkennst, ob a typ di mog“.. „er verwendet ganz ganz ganz viele smileys!“ ahahahhaahahahahahahahahahaha. schwöre, setan bledsinn seltn ghert. 😀 in welcher welt is des a anzeichn dafia, doss der typ voll auf di steht oda ob er nit anfoch an tremor in sein finga hot und deshalb 4023498 herzln pro nachricht auschaschiast? i man bei dem beispiel, glab i e, doss de meistn checkn: na ok des is a bisi a bledsinn.

oba dennoch seids eich bewusst: nit olles, wos im internet steht stimmt. (außa i hobs gepostet, donn zu 120 prozent e kloa. *** sarkasmus bitte danke). es stimmt a nit olles, wos ondre leit sogn. und eichre gedonkn sein a nit zwingend de woaheit. 

im internet schaug jede beziehung soooooo schen aus. so fuckin‘ schen. so „wir chillen imma zammen, i greg täglich bluamen von ihm und i bin sei priorität numma 1!!“. und es gibt donn leit, de glabn des. doss do nie gstrittn werd, doss es eventuell nit jedn tog frühstück ons bett gibt (olte de krümmelei muas jo mega nervig sein) und man spricht nit driba, wos an beim ondan onfuckt. und donn kemen leit auf de idee, doss sena partner daham nit guat gnuag is: weil er sei master-studium grod vuaziagt, weil er imma noch im fuassbollvarein is, obwohl du des überhaupt nit willst oda weil er di eben nit mit an an wöchigen urlaub auf mallorca überrascht. i muas generell mal driba schreibn, warum da partner nit imma prio #1 sein sollte, vor ollem wenn man jung is.

wenn i schon wo es woat „hustlen“ im internet lies, zuuuuuck i aus. weil imma zu oabeitn, big money zu mochn und millionen dreams zu chasen, is nit gsund und mocht vermutlich weniga glücklich wie man denkt. und meine güte, lei weil wer dreamchaser in seiner bio stehn hot, is der typ ka reicher kerl. 😀 es is soooo vü schein online und so wenig sein. (blogpost hier). i kenn anige beispiele, wo de networkmarketing girls von selbstständigkeit gredet haben und unendlichen reichtum, oba nebenbei teilzeit wo ghacktl hom. wos fia mi voll ok is, weil i sogs imma wieda: nit jeda will und sollt selbstständig sein. insta vermittelt uns des zwoa oft und gerne, oba es is nit so. oba es is nit ok, ondan vorzulügen, man is selba so erfolgreich und olle de nit so tuan, sein weniger wert und dabei is man selba nit wirklich „erfolgreich“. is jo sowieso de frog, wos reich is. lei sich an audi a4 zu leasen und sich ane balenciaga treter zu kafn, is fia mi ka definition von reich. reich is donn doch eher des, wos man im herzln mittrogt, oba mi frogt jo kana ;)Und diese work-gesellschaft is a so froglich, wie gsund des is und wie „instagramworthy“ des is. muss man jeds wochenende durchoabeitn und mit seine überstunden ongebn?

a des thema lifestyle is auf insta oft so gstört. i bin des wochenende genau vom bett zum see zruck ins bett auf de terrasse und zruck ins bett kemen. hob also nix wirklich grissn und fühl mi jetzt nit schlecht. oba i hob a phasen ghobt, wo i samstag abend im bett glegn bin und voll pissed auf mi selba woa, nit in der disko oda auf dem festl zu stehen. warum foan imma olle donn urlaub, wenn i oabeitn muas? warum foan monche 4 mol es joa weg und i woa seit 2018 nerma am meer? wissts, des sein olls so klane gedankenfickaerein, auf de man sich anfoch nit einlossn deaf. und wenn di sowos zvü mitnimmt: geh glei goa nit eine auf insta. punkt aus. ondas gehts nit. heit gfrei i mi, eftas am samstag um 22 uhr ins bettl zu gehn haha.

alan, wenn i schon wieda irgendwelche dämlichen abnehmtipps online find mit „zimt honig wossa jedn tog trinkn und 5 kilo valian in 2 wochn“. hi danke für de ganzen gratis essstörungs-inhalte :)) echt gfreit mi sehr, des zu lesn (sarkasmus) und will nit wissen, wie vü leit sich des ontuan und glabn, es funktioniat. grode hot erst a influencerin mit ana normal-dünnen figur ernsthaft a foto im bikini gepostet mit „i bin so dick woan i muas obnehmen“ und stellt donn irgendwelche pulverlen aka fatburner vua. i hob gmant so a shit is zwoa vabotn oba ok. wern de leit brav kafn und sind entteischt. wuhu.

auf instagram teilt man gern de schenen sochn oda de gonz schmerzhoftn. olls dazwischn losst man gern aus. weil wen intressiats schon, doss man a holbe stund gebleat hot, weil man drei pickl im gsichtln hot? wer will schon achslhoa auf insta segn? wer liked schon, wenn man sich an vw polo gebraucht baujoa 2012 kaft, wenn ondre mit senan taycan in beige flexn? dabei waratn des soooo normale dinge, de a „instaworthy“ san!

des woa da klane reminder: nit olles glabn, wos im internet so steht. 🙂 guats beispiel a wissenschaftliche artikel mit mehr rechtschreibfehla als in dem blogpost und de über a aktuelles thema sein sollten, oba vua 7 joa erschienen sein. lei weil de tante hilde wos auf facebook mit drei rote rufzeichn-emojis postet, hot se nit mehr recht 😉

also lossts eich nit so blendn und vasuachts generell liaba de leit im echtn leben zu beeindruckn und nit online. weil i hätt zb kan bock auf a date mit an girl, wos in echt nit de gleiche nosn hot wie auf ihrn insta profil 😀

bussis und wir lesn uns mittwoch, oda eher donnerstog :))